पतियाळामध्ये दिसला अमृतपाल:अंगात जॅकेट, डोळ्यांवर चष्मा आणि तोंडावर मास्क; जम्मू आणि इंदूर येथून 2 साथीदारही ताब्यात

‘वारिस पंजाब दे’चा मुख्य खलिस्तान समर्थक अमृतपाल सिंग याचा आठव्या दिवशीही शोध सुरू आहे. अमृतपालचे आणखी एक सीसीटीव्ही फुटेज समोर आले आहे. जे पतियाळाचे असल्याचे सांगितले जात आहे. यामध्ये अमृतपाल जॅकेट आणि चष्मा घातलेला दिसत आहे. पोलिस सूत्रांनी दिलेल्या माहितीनुसार, हे सीसीटीव्ही फुटेज अमृतपाल पंजाबमधून हरियाणामध्ये येण्यापूर्वीचे आहे. येथून त्यांनी स्कूटी घेऊन कुरुक्षेत्रातील शहााबाद गाठले..

त्याचवेळी अमृतपालचा आणखी एक साथीदार सुख्खा याला मध्य प्रदेशातील इंदूरमधून पकडले आहे. पोलिस सूत्रांनी दिलेल्या माहितीनुसार, अमृतपाल हरियाणातील कुरुक्षेत्र शाहाबाद येथील महिला बलजीत कौरच्या घरी थांबला असताना त्याचे सुख्खा सोबत बराच वेळ संभाषण झाले. बलजीत कौरची चौकशी करून तिच्या फोनचे कॉल डिटेल्स काढल्यानंतर पोलिसांनी सुख्खाला पकडले..

दुसरीकडे, पोलिसांनी अमरिक सिंग आणि त्याची पत्नी सरबजीत कौर यांना जम्मूच्या आरएसपुरा सेक्टरमधून ताब्यात घेतले आहे. पंजाब पोलिसांच्या माहितीवरून ही कारवाई करण्यात आली. सरबजीत आणि अमरिक हे पापलप्रीतचे बहीण आणि मेहुणे असून ते अमृतपाल सिंगसोबत फरार आहेत. पोलिसांनी पापलप्रीतच्या काही नातेवाईकांना ताब्यात घेऊन आत्मसमर्पण करण्यासाठी दबाव आणण्यास सुरुवात केली आहे.

सकाळी दिल्लीत दिसल्याचा दावा

पंजाब पोलिसांचे पथक शनिवारी सकाळी दिल्लीत पोहोचले. पोलिसांना आयएसबीटी काश्मिरी गेटमध्ये काही सीसीटीव्ही मिळाले आहेत, जे सध्या व्हायरल केले गेले नाही. पोलिस सूत्रांनी दिलेल्या माहितीनुसार, या सीसीटीव्हींमध्ये अमृतपाल सिंग हा साधूच्या वेशात दिसत आहे. त्यानंतर दिल्ली पोलिस आणि पंजाब पोलिसांनी दिल्लीत संयुक्त कारवाई सुरू केली आहे. आणखी सीसीटीव्ही कॅमेऱ्यांचा तपास सुरू आहे.

दरम्यान, हरियाणाचे गृहमंत्री अनिल विज यांनी मोठा दावा केला आहे. विज म्हणाले की, हरियाणा पोलिसांनी पंजाब पोलिसांना माहिती दिली होती, पण पंजाब पोलिसांना शाहाबादला पोहोचण्यासाठी दीड दिवस लागला.

पंजाब पोलिस अमृतपालला जालंधर भागात शोधत होते आणि अमृतपाल शाहाबादमध्ये जेवत होता. विज म्हणाले की, आम्हाला माहिती मिळाल्यानंतर आम्ही त्याच वेळी पंजाब पोलिसांना कळवले.

विज म्हणाले की, मोस्ट वॉन्टेडच्या प्रकरणातही पंजाब सरकारची सुस्तता स्पष्टपणे दिसून येते. हरियाणा पोलिस अमृतपाल सिंगची निश्चित लिंक सांगत आहेत आणि पंजाब पोलिस येथे येत नाहीत. यावरून पंजाब सरकारचे राजकीय नाटक दिसून येते.

विशेष म्हणजे 19 मार्चच्या रात्री अमृतपाल कुरुक्षेत्रातील शाहाबाद येथील महिला बलजीत कौरच्या घरी थांबला होता. त्याचे शहााबाद आणि कुरुक्षेत्र बसस्थानकातील सीसीटीव्ही पुटेजही समोर आले आहे.

दुसरीकडे, पोलिसांनी अमृतपालचा उत्तराखंडमध्ये शोध सुरू केला आहे. मिळालेल्या माहितीनुसार, पोलिसांनी शुक्रवारी उत्तराखंडची राजधानी डेहराडूनमध्ये छापा टाकला. सूत्रांनी दिलेल्या माहितीनुसार, येथे एका महिलेला ताब्यात घेण्यात आले आहे. ही महिला गेल्या एक वर्षापासून सोशल मीडियाच्या माध्यमातून अमृतपाल सिंगसोबत जोडली गेली होती.

एवढेच नाही तर अमृतपाल सिंगला भेटण्यासाठी ती एकदा पंजाबमध्ये आली होती. ही महिला अमृतपाल सिंग यांच्या पोस्ट खूप दिवस सतत शेअर करत होती. या महिलेला अटक करण्यात आली आहे की चौकशीसाठी ताब्यात घेण्यात आले आहे याबाबत पोलिसांनी अद्याप काहीही स्पष्ट केलेले नाही.

पप्पलप्रीत सिंगवर कारवाईची तयारी

अमृतपाल सिंगसह पप्पलप्रीत सिंगवरही चार गुन्हे दाखल आहेत. पोलिसांव्यतिरिक्त आयकर विभाग आता पप्पलप्रीत सिंगवर कारवाई करण्याच्या तयारीत आहे. वास्तविक, 2019-20 मध्ये पप्पलप्रीत सिंगच्या खात्यात 4,48,868 रुपये बेहिशोबी सापडले. ज्याच्या उत्तरासाठी पप्पलप्रीतला 14 मार्च रोजी नोटीस देण्यात आली होती आणि 20 मार्चपर्यंत हजर राहण्यास सांगितले होते.

पण पप्पलप्रीत सिंग 18 मार्चलाच अमृतपाल सिंगसोबत पळून गेला. त्यामुळे 20 मार्च रोजी तो आयकर विभागासमोर हजर झाला नाही. आयकर विभागाच्या एका अधिकाऱ्याने सांगितले की, पप्पलप्रीत सिंग यूट्यूबवरून 8 ते 20 हजार रुपये आणि दुग्ध व्यवसायातून 15 हजार रुपये कमावत होता.

पंजाब पोलिसांनी 44 जणांची केली सुटका

अमृतपाल सिंग यांच्या समर्थनार्थ आवाज उठवणाऱ्या 207 जणांना पोलिसांनी ताब्यात घेतले. आयजी सुखचैन सिंग यांनी आदल्या दिवशी माहिती दिली होती की पंजाब पोलिसांनी अटक केलेल्या 207 पैकी 177 जणांना सोडले जाऊ शकते. या घटनाक्रमात शुक्रवारी अमृतपाल सिंगच्या घटनेतील 44 जणांची सुटका करण्यात आली. तर इतरांचीही लवकरच सुटका होऊ शकते. त्याच वेळी, या 207 पैकी 30 या प्रकरणात गंभीर लॉक-अप श्रेणीत ठेवण्यात आले आहेत.

गोरखा बाबाच्या मोबाईलने उघड केले रहस्य

अमृतपाल सिंगचा जवळचा सहकारी तजिंदर सिंग उर्फ गोरखा बाबा यालाही पोलिसांनी यापूर्वी अटक केली होती, मात्र त्याचा मोबाईल तपासला असता अमृतपालची अनेक गुपिते उघड झाली. अमृतपालच्या गावात शूटिंग रेंज सापडली, तर खलिस्तान तयार करण्याच्या अमृतपालच्या मनसुब्याचीही माहिती मिळाली.

प्रशिक्षण देणाऱ्या 2 माजी सैनिकांची ओळख

प्रशिक्षण देण्याच्या प्रकरणात पोलिसांनी 19 शीख बटालियनमधून निवृत्त झालेले दोन माजी सैनिक वरिंदर सिंग आणि थर्ड सशस्त्र पंजाबचे तलविंदर यांची ओळख पटवली आहे. दोघांचे शस्त्र परवाने रद्द करण्यात आल्याचे पोलिसांनी सांगितले. पोलिस तपासानुसार, पंजाबमध्ये आल्यानंतर अमृतपालने वादग्रस्त माजी सैनिकांचा शोध सुरू केला ज्यांच्याकडे आधीच शस्त्र परवाना आहे, जेणेकरून प्रशिक्षण देणे सोपे होईल.

अमृतपालशी संबंधित मोठे अपडेट्स

अमृतपाल संबंधित खालील बातम्या देखील वाचा..

'हिंदू राष्ट्रावर चर्चा नाही, मग खलिस्तानवर का':सर्व हिंदुस्तानी एकाच देशात राहावे, असे गरजेचे नाही : अमृतपाल

सुमारे साडेसहा फूट उंची, डोक्यावर निळ्या रंगाचे पग, अंगावर पांढऱ्या रंगाचे कापडे आणि हातात तलवार. हे आहेत अमृतपाल सिंग. वारिस पंजाब दे संघटनेचे प्रमुख. अमृतपाल सिंग स्वतःला अभिमानाने खलिस्तान समर्थक असल्यानचे सांगतात, खलिस्तान म्हणजेच खालसा किंवा शीखांचा वेगळा देश समर्थक. लोक खलिस्तानच्या समर्थनात असल्याचाही त्यांचा दावा आहे. त्याचबरोबर हिंदु राष्ट्राच्या मागणीवर चर्चाच होत नाही, तर खलिस्तानवर चर्चा कशासाठी, असा सवालही ते विचारतात. अमृतपाल सिंग यांच्या नेतृत्वाखाली 23 फेब्रुवारी रोजी हजारो लोकांचा जमाव अमृतसरमधील अजनाळा पोलिस ठाण्यात दाखल झाला होता. त्यांनी बॅरिकेडिंग तोडून पोलिसांवरही हल्ला केला. पूर्ण बातमी वाचा...

अमृतपालचा शोध सुरूच:अमृतपालच्या फायरिंग रेंजचा व्हिडिओ आला समोर, माजी सैनिक देत होते प्रशिक्षण

वारिस पंजाब देचा चीफ खलिस्तान समर्थक अमृतपाल सिंग याच्याबाबत पोलीस तपासात नवीन धक्कादायक खुलासे होत आहेत. अमृतपालच्या गनरकडून फायरिंग रेंजचा व्हिडिओ पोलिसांना मिळाला आहे. यामध्ये माजी सैनिक त्याला शस्त्रे वापरण्याचे प्रशिक्षण देताना दिसत आहेत.

अमृतपालच्या जल्लूपूर खेडा गावात ही फायरिंग रेंज तयार करण्यात आली होती. त्याचा व्हिडिओ पोलिसांनी जारी केला आहे. अमृतपालसोबत राहणारे लोक गोळीबाराचा सराव करताना दिसत आहेत. दरम्यान, अमृतपाल आनंदपूर खालसा फौजेचा लोगोही समोर आला आहे. पूर्ण बातमी वाचा...