अमृतपाल व पपलप्रीत झाले वेगळे:होशियारपूरमध्ये पोलिसांनी घेरल्यावर वेगवेगळ्या दिशांना पळाले, डेऱ्यात लपल्याचे CCTV फुटेजही समोर

वारिस पंजाब देचा प्रमुख खलिस्तान समर्थक अमृतपाल सिंगसोबत सावलीसारखा राहणारा पपलप्रीत आता त्याच्यापासून वेगळा झाला आहे. अमृतपालच्या पलायनात त्याने महत्वाची भूमिका बजावली आहे. पोलिस सूत्रांनुसार होशियारपूरमध्ये पोलिसांनी घेरल्यानंतर दोघे एकमेकांपासून वेगळे झाले आहेत. पपलप्रीत सिंग तिथून जोगा सिंगसह पळाला होता तर अमृतपाल सिंग दुसऱ्या कुणासोबत दुसऱ्या दिशेने पळाला.

तपासात समोर आले की पोलिसांनी रावळपिंडी पोलिस ठाण्यातूनच अमृतपाल आणि पपलप्रीत सिंगचा पाठलाग सुरू केला होता. ते दोघे होशियारपूरमध्ये कोणत्या तरी चॅनलला मुलाखत द्यायला जात होते. मात्र पोलिसांना याचा सुगावा लागला. पोलिस मागे येत असल्याचे बघून अमृतपालचे सहकारी इनोव्हा मरानाइयाँ गावातील गुरुद्वारात घेऊन गेले. तिथेही स्वतःला फसलेले पाहून कार सोडून पळून गेले.

अमृतपाल सिंगने यादरम्यान त्याचा मोबाइल जोगा सिंगला दिला, जेणेकरून पोलिसांना चुकीचे लोकेशन मिळेल आणि तो पळून जाण्यात यशस्वी होईल.

इनोव्हाचा चालक चरणजीत सिंगसोबत पळाला होता अमृतपाल

अमृतपाल सिंग आणि इनोव्हा कारचा चालक चरणजीत सिंग एका दिशेने तर जोगा आणि पपलप्रीत सिंग दुसऱ्या दिशेने पळाले होते. रात्रीच्या वेळी पपलप्रीत सिंग आणि जोगा सिंगने होशियारपूरमधील एका डेऱ्यात आश्रय घेतला होता. तिथून पपलप्रीत सिंगचा एक सीसीटीव्ही फोटोही समोर आला आहे. तो 29 मार्च रोजी सकाळचा आहे.

पपलप्रीत व जोगा सिंग साहनेवालकडे पळाले होते

मिळालेल्या माहितीनुसार पपलप्रीत सिंग आणि जोगा सिंग एके रात्री होशियारपूरच्या डेऱ्यात थांबल्यानंतर सकाळी साहनेवालाकडे रवाना झाले होते. पोलिसांनी फोन लोकेशनच्या आधारे जोगा सिंगला अटक केली. तर पपलप्रीत येथेही पोलिसांना चकवा देण्यात यशस्वी ठरला.

होशियारपूरहून इनपुटनंतर शोध सुरू

पंजाबच्या होशियारपूरमध्ये पुन्हा पोलिसांकडून अमृतपाल सिंगचे इनपुट मिळाले. यानंतर शुक्रवारी रात्रीपासून पोलिसांनी पुन्हा एकदा सर्च ऑपरेशन वेगवान केले. रात्री उशीरा दसुहाच्या अंतर्गत येणाऱ्या गार्ना साहिब गुरुद्वारात सर्च ऑपरेशन चालवले.

जत्थेदार शीख पत्रकारांची बैठक बोलावली

श्री अकाल तख्त साहिबचे जत्थेदार ज्ञानी हरप्रीत सिंग यांनी अमृतपालच्या अटकेदरम्यान पत्रकारांना बॅन केलेल्या ट्विटर अकाऊंटविरोधात विशेष बैठक बोलावली आहे. या बैठकीत अमृतपाल सिंग प्रकरणादरम्यान पत्रकारांच्या बोलण्याविरोधात सरकारने उचललेल्या पावलावर विचार केला जाईल. ही बैठक दमदमा साहिबमध्ये बोलावण्यात आली आहे, जी 7 एप्रिल सकाळी 11 वाजता होईल.

300 च्या आसपास डेऱ्यांची लिस्ट तयार

पंजाबच्या 300 पेक्षआ जास्त डेऱ्यांत सर्च ऑपरेशन चालवले जात आहे. पोलिसांच्या निशाण्यावर जालंधर, कपूरथला, होशियारपूर आणि भटिंडाचे डेरे आहेत. यासाठी ड्रोनचीही मदत घेतली जात आहे. होशियारपूरमध्ये इनोव्हा सोडून ज्या स्वीफ्ट कारमधून अमृतपाल फरार झाला तिचा शोध घेतला जात आहे.

सिमरनजीत म्हणाले - पाकिस्तानात जावे, ISI गळाभेट घेईल

तर संगरूरचे खासदार सिमरनजीत सिंग मान म्हणाले की, अमृतपालने आत्मसमर्पण करू नये. त्याने चूक केली. जवळच बॉर्डर होती. नेपाळला जायची काय गरज होती. रावी ओलांडून पाकिस्तानात गेला असता. आम्हीही 1984 नंतर गेलो होतो. जीवन संकटात असेल आणि सरकार असा जुलूम करत असेल तर शीख इतिहासात हे सर्व योग्य आहे.

मान म्हणाले की सरकार म्हणत आहे की तो आयएसआयचा माणूस आहे. अमृतपाल तिथे गेला असता तर आयएसआयने त्याची गळाभेट घेतली असती.

ही बातमीही वाचा...

लंडनमध्ये अवतार सिंग खांडावर तिरंग्याचा अपमानाचा आरोप:अमृतपालला प्रशिक्षण देऊन बनवले खलिस्तानी