ओवेसींवर गोळी झाडणाऱ्यांचे प्रोफाइल स्कॅन:FB वर लिहिले - हिंदूंनो हिंदुस्तान तुमचा आहे, तर कधी म्हणे - ज्यांना हिंदुस्तान पसंत नाही त्यांनी पाकिस्तानात जावे

‘हिंदुओ हिंदुस्तान तुम्हारा है

इस बात को गढ़ लेना,

अगर मर जाए तुम्हारा स्वाभिमान तो

महाराणा प्रताप को पढ़ लेना।’ ऑल इंडिया मजलिस-ए-इत्तेहादुल मुस्लिमीन (AIMIM) चे राष्ट्रीय अध्यक्ष आणि खासदार असदुद्दीन ओवेसी यांच्यावर हल्ला करणाऱ्या सचिनच्या फेसबुक वॉलवर ही पोस्ट आहे. तो सध्या सोशल मीडियावर मोठ्या प्रमाणात व्हायरल होत आहे.

3 फेब्रुवारी रोजी पश्चिम उत्तर प्रदेशातील पिलखुआच्या एनएच-9 येथे असलेल्या छिजारसी टोल प्लाझाजवळ ओवेसींच्या वाहनावर 3 ते 4 गोळ्या झाडण्यात आल्या होत्या. या हल्ल्यानंतर केंद्र सरकारने ओवेसींना झेड सुरक्षा दिली आहे. हा हल्ला करणाऱ्या सचिन आणि शुभम या दोन आरोपींना पोलिसांनी अटक केली आहे. सचिनच्या फेसबुक प्रोफाइलच्या छाननीतून त्याची जातीयवादी मानसिकता दिसून येते.

चला जाणून घेऊया कोण आहेत सचिन-शुभम ज्यांनी ही घटना घडवली आणि ते कुठले आहेत? सचिनची विचारधारा काय आहे? तो कोणत्या राजकीय पक्षाशी संबंधित आहे? सोशल मीडिया प्रोफाइलवरून ते डीकोड केल्यानंतर कोणत्या गोष्टी समोर येत आहेत?

घटना घडवणारे कोण आहेत?
ओवेसींच्या गाडीवर हल्ला करणाऱ्या दोघांना यूपी पोलिसांनी अटक केली असून एकाचे नाव शुभम आणि दुसरे सचिन आहे. सचिन हा गौतम बुद्ध नगरचा रहिवासी आहे तर शुभम सहारनपूरमधील देवबंदचा रहिवासी आहे. गाडीवर गोळीबार केल्यानंतर सचिन हवे तर पळून जाऊ शकला असता, असे सीसीटीव्हीत स्पष्ट दिसत आहे, मात्र त्याने तसा प्रयत्न केला नाही. यावरून स्पष्ट होते की, सचिनने आपला मित्र शुभम सोबत मिळून ही घटना घडवण्यापूर्वीच प्री-प्लान केला होता.

सचिनने ही पोस्ट घटनेपूर्वी 3 फेब्रुवारीला केली होती
सचिनने 3 फेब्रुवारी 2022 रोजी दुपारी महाराणा प्रताप, भगतसिंग, ओवेसी यांच्याशी संबंधित चार पोस्ट टाकल्या होत्या. एका पोस्टमध्ये त्याने ओवेसींच्या भाषणाचा व्हिडीओ टाकला आहे, ज्यामध्ये ते म्हणतात की, 'नेहमी योगी मुख्यमंत्री नसतील, मोदी नेहमीच पंतप्रधान नसतील. लक्षात ठेवा, आम्ही तुमचे अत्याचार विसरणार नाही. या व्हिडिओचा हवाला देत सचिनने लिहिले की, हिंदू पुत्र वाचवायला येईल. या पोस्टनंतर काही तासांनी त्याने ओवेसींच्या ताफ्यावर हल्ला केला.

हल्लेखोर सचिन फेसबुकवर स्वतःला देशभक्त म्हणतो
सचिनच्या फेसबुक प्रोफाईलवर त्याचे नाव देशभक्त सचिन हिंदू असे दिले आहे. त्याची विचारधारा त्याच्या पोस्टवरुन कळते. सचिनने लाइमलाइटमध्ये येण्यासाठी निवडणुकीपूर्वी अशी घटना केली असेल, पण तो अनेक दिवसांपासून धर्मांध आणि जातीयवादी पोस्ट करत आहे. त्याने 3 ऑक्टोबर 2021 रोजी फेसबुकवर एक पोस्ट देखील केली होती, ज्यामध्ये त्याने छत्रपती शिवाजींचा फोटो टाकला होता.

सोशल मीडियावर भाजपशी संबंधित नेत्यांच्या पोस्ट शेअर करतो
स्वत:ला देशभक्त म्हणवणाऱ्या सचिनच्या फेसबुक प्रोफाईलमधील अनेक पोस्ट्स भाजप आणि अभाविपच्या नेत्यांच्या समर्थनातही दिसत आहेत. 4 एप्रिल 2020 रोजी सचिनने फेसबुकवर एक पोस्ट शेअर केली. यामध्ये माजी मंत्री महेश शर्मा दिसत आहेत. पोस्टरमध्ये महेशसोबत वकील अभिषेक शर्मा दिसत आहेत. आरोपी सचिनने त्याच्या दुसऱ्या फेसबुक पोस्टमध्ये अभिषेकचा आपला भाऊ असा उल्लेख केला आहे.

हल्लेखोर सचिनचेही भाजप नेत्यांशी संबंध असल्याचे स्पष्ट झाले आहे. 19 सप्टेंबर 2019 रोजी सचिनने फेसबुकवर एक फोटो पोस्ट केला होता, ज्यामध्ये तो भाजप खासदार महेश शर्मासोबत दिसत आहे. याशिवाय सचिनने हिंदू स्वाभिमान नावाच्या संघटनेचा लाइव्ह व्हिडिओही पोस्ट केला आहे. 7 जुलै 2019 रोजी सचिनने भाजपचे सदस्यत्वही घेतले आहे. याची माहितीही त्याने एका पोस्टमध्ये दिली आहे.

ABVP च्या समर्थनार्थ मते मागणारी फेसबुक पोस्ट
8 सप्टेंबर 2017 रोजी दिल्ली युनिव्हर्सिटी स्टुडंट युनियन (DUSU) निवडणुकीपूर्वी सचिनने एक पोस्ट केली आहे. ज्यामध्ये तो अखिल भारतीय विद्यार्थी परिषदेच्या (ABVP) विद्यार्थी नेत्यांच्या बाजूने मते मागताना दिसत आहे. पोस्टरमध्ये अभाविपचा लोगो दिसत आहे. यासोबतच विद्यार्थी परिषदेच्या चार कँडिडेटचा फोटोही पोस्टमध्ये दिसत आहे.

सीएए आंदोलनादरम्यान जामियामध्ये गोळीबार झाडणाऱ्याचा व्हिडिओ केला होता शेअर
31 जानेवारी 2020 रोजी सीएए आंदोलनादरम्यान जामियामध्ये गोळीबार करणाऱ्या गोपाल शर्माला तो आपला नायक मानतो. यावरून सचिनची कट्टर विचारधारा उघड झाली आहे. गोपाल शर्माचा गोळीबार करतानाचा व्हिडिओ सचिनने सोशल मीडियावर शेअर केला होता. यामध्ये कट्टर धार्मिक आणि सांप्रदायिक गोष्टी लिहिण्यात आल्या होत्या. यावरून हे स्पष्ट होते की गोपालच्या मनात आणि डोक्यात आधीपासूनच कट्टर धार्मिक भावना आहेत.

सचिनने सोशल मीडियावर अनेक भडकाऊ व्हिडिओही शेअर केले आहेत
सचिनने सोशल मीडियावर अनेक भडकाऊ व्हिडिओ शेअर केले आहेत. यातील काही व्हिडिओ तुम्ही येथे पाहू शकता. यामध्ये ते हे म्हणतांना दिसत आहेत की, ज्यांना हिंदुस्तान पसंत नाही, ते पाकिस्तानात जाऊ शकता.