आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Ayodhya Women Constables Dancing On Reel Song Patli Kamariya Mori | Ayodhya Viral Video

अयोध्येत 4 महिला पोलिसांचा डान्स, VIDEO:राम जन्मभूमीच्या सुरक्षेत होत्या तैनात, ऑन ड्यूटी 'पतली कमरिया'वर बनवली रील

अयोध्याएका महिन्यापूर्वी
  • कॉपी लिंक

अयोध्येतील राम जन्मभूमी परिसर क्षेत्रात तैनात 4 महिला कॉन्स्टेबलचा एक व्हिडिओ चांगलाच व्हायरल झाला आहे. त्यात एक महिला पोलिस 'पतली कमरिया' गाण्यावर डान्स करताना तर इतर दोघी तिला साथ देताना दिसून येत आहेत. बाजूला उभी अन्य एका कॉन्स्टबलने या गाण्याचा व्हिडिओ शूट केला. या कृत्यावर हनुमानगढीच्या पुजाऱ्याने तीव्र नाराजी व्यक्त केली. दुसरीकडे, SSPने या चारही महिला पोलिसांना हजर होण्याचे आदेश दिलेत.

10 सेकंदांचा व्हिडिओ झाला व्हायरल

व्हिडिओ 1 आठवडा जुना आहे. चारही महिला कॉन्स्टेबल्सची ड्यूटी रामलला परिसरात लावण्यात आली होती.
व्हिडिओ 1 आठवडा जुना आहे. चारही महिला कॉन्स्टेबल्सची ड्यूटी रामलला परिसरात लावण्यात आली होती.

10 सेकंदांचा हा व्हिडिओ एक आठवडा जुना असल्याचे सांगण्यात येत आहे. कविता पटेल, कामिनी कुशवाहा, कशीश साहनी व संध्या सिंह अशी व्हिडिओ तयार करणाऱ्या 4 महिला कॉन्स्टेबल्सची नावे आहेत. या सर्वजणी रामलला गर्भगृहापासून अवघ्या 500 मीटर अंतरावर कर्तव्यावर तैनात होत्या. त्यांनी दुपारच्या सुमारास निवांतपणी हा व्हिडिओ तयार केला. यावेळी मंदिर भाविकांसाठी बंद असते.

हा रामलला व त्यांच्या भक्तांचा अवमान - हनुमानगढीचे पुजारी रमेश दास

हे छायाचित्र हनुमानगढीचे पुजारी रमेश दास यांचे आहे. त्यांनी महिला पोलिसांवर कठोर कारवाई करण्याची मागणी केली आहे.
हे छायाचित्र हनुमानगढीचे पुजारी रमेश दास यांचे आहे. त्यांनी महिला पोलिसांवर कठोर कारवाई करण्याची मागणी केली आहे.

हनुमानगढीचे पुजारी रमेश दास म्हणाले - "रामलला कोट्यवधी भाविकांचे श्रद्धास्थान आहे. त्यांच्या सुरक्षेत तैनात महिला पोलिसांनी अश्लील गाण्यावर नृत्य केले. हा रामलला व त्यांच्या भक्तांचा अवमान आहे. या प्रकरणी महिला पोलिसांना निलंबित करून त्यांच्यावर कठोर कारवाई करण्याची गरज आहे."

एसएसपींनी या प्रकरणी महिला शिपायांना मुख्यालयी हजर होण्याचे आदेश दिलेत. हा फोटा त्यासंबंधीच्या आदेशाचा आहे.
एसएसपींनी या प्रकरणी महिला शिपायांना मुख्यालयी हजर होण्याचे आदेश दिलेत. हा फोटा त्यासंबंधीच्या आदेशाचा आहे.

SSP म्हणाले - चौकशीनंतर कारवाई

या प्रकरणी SSP मुनिराज म्हणाले, "चारही महिला कॉन्स्टेबल्सची VVIP ड्यूटीत तैनात करण्यात आले होते. त्यांचा एक व्हिडिओ व्हायरल झाला आहे. या प्रकरणी त्यांना लाइन हजेरीचे आदेश देण्यात आलेत. चौकशीनंतर त्यांच्यावर योग्य ती कारवाई केली जाईल."

बातम्या आणखी आहेत...