दलित पत्रकाराशी भेदभाव केल्याचा बीबीसीवर आरोप:NYT अहवालाचा दावा – महिला पत्रकाराचा अपमान करण्यात आला, कंपनीने आरोप फेटाळला

अमेरिकेतील न्यूज वेबसाईट द न्यूयॉर्क टाइम्स (NYT) ने सोमवारी पत्रकार मीना कोतवाल यांचा लेख प्रकाशित केला आहे. यात त्यांच्या यशावर भाष्य केले आहे. तसेच उपेक्षित समुदायांच्या वास्तविक कथा सांगितल्या आहेत.

दलित समाजातील मीना यांनी लेखात बीबीसीमध्ये काम करताना आलेले अनुभव सांगितले. मीना म्हणाल्या की, जेव्हा मी बीबीसीमध्ये काम केले. तेव्हा या काळात तिला सार्वजनिक अपमान आणि भेदभावाचा सामना करावा लागला. मात्र, बीबीसीने मीना यांचा आरोप साफ फेटाळून लावला आहे.

मीना 'द मूकनायक' या न्यूज पोर्टलच्या संस्थापक
NYT च्या रिपोर्टनुसार, मीना सध्या 'द मूकनायक' या न्यूज पोर्टलच्या संस्थापक आहेत. त्यांना उपेक्षित समुदायांवर लक्ष केंद्रित करणारे आउटलेट सुरू करायचे होते. महिला पत्रकाराचा असा विश्वास होता की देशात लाखो लोक आहेत. ज्यांच्या कथा जगासमोर आणण्याची गरज आहे. 2017 मध्ये त्यांनी बीबीसी हिंदीसाठी काम करण्यास सुरुवात केली. या दरम्यान त्यांना सार्वजनिक अपमान आणि भेदभावाला सामोरे जावे लागले. त्यामुळेच त्यांचा बीबीसीसोबतचा प्रवास फार काळ टिकला नाही.

मीनाला आपली जात जाहीर करायला लावली
रिपोर्ट्सनुसार, ऑफिसमधील काही उच्चवर्णीय लोकांनी मीनाला तिची जात सार्वजनिक करण्यास भाग पाडले. आधुनिक भारतात दलितांचे अस्तित्व राहिलेले नाही, असेही त्यांना सांगण्यात आले. मीनाने याबाबत आपल्या वरिष्ठाकडे तक्रारही केली, पण वरिष्ठानींही तिचे सर्व म्हणणे मान्य करण्यास नकार दिला.

NYT ने आपल्या लेखात लिहिले आहे की, बीबीसी हिंदीमध्ये दोन वर्षानंतर त्यांनी बीबीसी लंडनच्या अधिकाऱ्यांकडे तक्रार केली. तेव्हा त्यांना सांगण्यात आले की त्यांच्या कराराचे नूतनीकरण झाले नाही. यानंतर त्यांची तक्रार फेटाळण्यात आली. रिपोर्टनुसार, मीनाची तक्रार तर फेटाळण्यात आली होती, पण तिच्या समाजाचे अस्तित्वही नाकारण्यात आले होते.

कंपनीने म्हटले – मीनाच्या तक्रारींत काहीच नव्हते
अहवालानुसार, कंपनीने भेदभावाच्या दाव्यांचे पुनरावलोकन केले आणि निर्णय दिला की त्यांच्या तक्रारींत काहीच दम नव्हता. न्यूयॉर्क टाईम्सने आपल्या अहवालात म्हटले आहे की, त्याचा करार लवकरच संपणार आहे आणि त्याचे नूतनीकरण करण्यात आले नाही.

न्यूयॉर्क टाइम्सने या घटनेबाबत स्पष्टीकरणासाठी बीबीसीशी संपर्क साधला. तेव्हा कंपनीने तपशील देण्यास नकार दिला. कंपनीने म्हटले आहे की, ते त्यांच्या वैयक्तिक कर्मचार्‍यांच्या विषयावर चर्चा करत नाही आणि भारतीय कायद्याचे पूर्णपणे पालन करते.

लंडनमधील बीबीसीच्या प्रवक्त्याने न्यूयॉर्क टाईम्सला सांगितले की, "आम्हाला माहित आहे की जागतिक संस्थेमध्ये नेहमी करण्यासारखे बरेच काही असते, परंतु आम्ही ज्या लोकांसोबत काम करतो त्यांच्या विविधतेमध्ये आम्ही लक्षणीय प्रगती करत आहोत.

BBCचे मालक कोण आहेत?:कशी होते फंडिंग आणि कमाई

BBCच्या दिल्ली आणि मुंबई कार्यालयात मंगळवारी प्राप्तिकर विभागाची टीम हजर आहे. कारवाईदरम्यान कर्मचाऱ्यांचे फोन बंद करण्यात आले असून त्यांना कुठेही फिरण्यापासून रोखण्यात येत असल्याची माहिती सूत्रांनी दिली. याला अघोषित आणीबाणी म्हणत काँग्रेसने ट्विट केले, 'पहिल्यांदा BBC डॉक्युमेंट्री आली, त्यावर बंदी घालण्यात आली, आता BBCवर ITचे छापे पडले आहेत. दिव्य मराठी एक्सप्लेनरमध्ये जाणून घेऊयात की, BBCचे मालक कोण आहेत, त्यांना फंडिंग आणि कमाई कशी होते, डॉक्युमेंट्रीमध्ये काय वाद आहे आणि यापूर्वी अशी कारवाई झाली आहे का? येथे वाचा संपुर्ण बातमी.