चॉकलेट चोरीमुळे मुलाचे आत्महत्या प्रकरण:आई-वडिलांचा मॉल कर्मचाऱ्यांवर हत्येचा आरोप; वडील म्हणाले- पोलीसांनी पैसे घेतले

बिहारच्या बेतियामध्ये एका 12 वर्षांच्या मुलाच्या मृत्यूचे गूढ वाढले आहे. 2 मे रोजी मुलाचा मृतदेह सापडला होता. सात दिवसांनंतर, मॉलच्या आतील सीसीटीव्ही फुटेज समोर आले, ज्यामध्ये मॉल व्यवस्थापक मुलाला मारहाण करताना दिसत आहे. मुलाने 20 रुपयांचे चॉकलेट चोरल्याचा आरोप मॉलच्या व्यवस्थापकाने केला. त्यानंतर काही तासांनंतर मुलाचा मृत्यू झाला.

मुलाच्या मृतदेहाजवळ विषाची बाटलीही सापडली आहे. पोलिस याला आत्महत्या मानत आहेत, परंतु मुलाच्या वडिलांचे म्हणणे आहे की जर चॉकलेट विकत घेण्यासाठी त्याच्याकडे पैसे नव्हते तर विष विकत घेण्यासाठी पैसे कुठून आणले. तो एवढं मोठं पाऊल उचलेल हे मला माहीत नव्हतं, असं मॅनेजरचे म्हणणे आहे. दैनिक दिव्य मराठी नेटवर्कने मुलाचे पालक आणि व्यवस्थापक यांच्याशी संवाद साधला...

आधी जाणून घ्या आई काय म्हणाली : मुलाची आई प्रेम शिला देवी यांनी सांगितले पोलिसांच्या कारवाईवर मी समाधानी नाही. मुलाकडे चॉकलेट खायला पैसे नव्हते, विष कुठून आणणार. मॉलवाल्यांनी माझ्या मुलाला बेदम मारहाण केली. याप्रकरणी पोलीस कारवाई करत आहेत की नाही हे मला माहीत नाही. पोलिस अजून माझ्याकडे आलेले नाहीत.

वडील काय म्हणाले: मुलाचे वडील गवंडी आहेत. तो नेहमीप्रमाणे सकाळी 6 वाजता शाळेसाठी निघाल्याचे त्यांनी सांगितले. शाळेत जाण्यापूर्वी त्याने पैसे मागितले. माझ्याकडे नव्हते, म्हणून मी देऊ शकलो नाही. मी त्याला उद्या पैसे देईन असे सांगितले. पैसे नसताना त्याने मॉलमध्ये काय केले? मला हे माहीत नाही.

पोलिसांनी सीसीटीव्ही फुटेज दाखवले. मुलावर चॉकलेट चोरल्याचा आरोप होता. छोट्या छोट्या क्लिप दाखवल्या जात होत्या ज्यात मॅनेजर मुलाची चौकशी करत होता. थप्पड मारत होता

आतापर्यंत पोलिसांनी ना त्यांना पोस्टमार्टम रिपोर्ट दाखवला ना मॉलमध्ये लावलेल्या सीसीटीव्हीचा संपूर्ण व्हिडिओ दाखवला. माझ्या मुलाचा मृत्यू होऊन बरेच दिवस झाले, पण आजतागायत पोलीस त्याचा पोस्टमार्टम रिपोर्ट किंवा फुटेज दाखवू शकले नाही.

मुलाकडे विष कुठून आले, याचा तपास व्हायला हवा, असेही वडिलांचे म्हणणे आहे. पोलिसांनी पैसे घेऊन प्रकरण दडपल्याचा आरोपही वडिलांनी केला आहे.

आता जाणून घ्या मुलाला मारहाण करणारा मॅनेजरने काय म्हटले

पोलिसांच्या नजरेत फरार असलेल्या मॉल व्यवस्थापक पवन दुबे याने दिव्य मराठी नेटवर्कसोबत फोनवरून संवाद साधला. त्याने सांगितले की , विद्यार्थी नियमितपणे मॉलमध्ये येत असे. तो 2 मे रोजीही आला होता. त्याने 85 रुपये किंमतीच्या दोन डेअरी मिल्क चॉकलेट्स चोरल्या होत्या. मॉलमधून बाहेर पडताना गेटवर असलेल्या गार्डने त्याला पकडले. यानंतर मी त्याची चौकशी केली. चौकशीदरम्यानच एक-दोन थप्पड लगावण्यात आल्या. त्यानंतर त्याच्या कुटुंबीयांना कॉल करून सर्व प्रकार सांगितला. आई म्हणाली की त्याचे वडील बेतियाला गेले आहेत, ते आल्यावर आम्ही तिथे येऊ. यानंतर मी म्हणालो की त्याची सायकल आणि स्कूल बॅग ठेवून घेत आहोत आणि त्याला सोडत आहोत. मग आम्ही त्याला जाऊ दिले. तो एवढं मोठं पाऊल उचलेल हे मला माहीत नव्हतं.

सदरचे एसडीपीओ महताब आलम यांनी सांगितले की, विष प्राशन केल्याने मुलाचा मृत्यू झाला. त्याच दिवशी वडिलांनी स्टोअरच्या व्यवस्थापकासह तिघांविरुद्ध एफआयआर दाखल केला. आत्महत्येस प्रवृत्त केल्याचा आणि छळ केल्याचा आरोप होता. लवकरच व्यवस्थापकाला अटक करण्यात येईल, असे त्यांनी सांगितले होते.

त्याचवेळी स्टेशन ऑफिसर मनीष कुमार यांनी सांगितले की, मॉल मॅनेजर पवन दुबे हे शिकारपूर पोलिस स्टेशनच्या हरसारी परनिया गावचे आहेत. अटकेच्या भीतीने तो फरार झाला आहे. लवकरच अटक करण्यात येईल.

ही बातमी पण वाचा...

मॉलमधून चॉकलेट चोरले:मॅनेजरने केली मारहाण, मुलाने केली आत्महत्या

बिहारच्या बेतिया येथील एका मॉलमधून 12 वर्षांच्या एका मुलाने 20 रुपये किंमतीचे चॉकलेट्स चोरले असता व्यवस्थापकाने त्याला पकडून मारहाण केली. यानंतर या मुलाने विष प्राशन करत आत्महत्या केली. या घटनेच्या काही तासांनंतर मुलाचा मृतदेह सापडला. ही घटना 2 मेची आहे. मॉलमध्ये मुलाला बेदम मारहाण केल्याचे सीसीटीव्ही फुटेज आता समोर आले आहे. (वाचा पूर्ण बातमी)