'अग्निपथ'वर विरोधकांचा भारत बंद:500 हून अधिक रेल्वे गाड्या रद्द; दिल्लीत आंदोलकांनी 40 मिनिटे ट्रेन रोखली

लष्कराच्या अग्निपथ योजनेला अनेक राज्यांतून विरोध होत आहे. अनेक संघटनांनी आज भारत बंदची हाक दिली आहे. या पार्श्वभूमीवर रेल्वेने RPF आणि GRPला अलर्ट मोडवर ठेवले आहे. यासोबतच गैरप्रकार करणाऱ्यांवर गंभीर कलमांखाली गुन्हा दाखल करण्याचे आदेश देण्यात आले आहेत. सोमवारी सकाळपासून दिल्ली-नोएडा-दिल्ली फ्लायवे, मेरठ एक्सप्रेसवे, आनंद विहार, सराय काले खान, प्रगती मैदान आणि दिल्लीच्या इतर भागांमध्ये प्रचंड वाहतूक कोंडी झाली होती.

दुसरीकडे काँग्रेसच्या आंदोलकांनी दिल्ली शिवाजी ब्रिज स्थानकावर ट्रेन रोखली. त्यानंतर रेल्वे थांबवणाऱ्या युवक काँग्रेसच्या कार्यकर्त्यांना पोलिसांनी ताब्यात घेतले.

आंदोलनामुळे 500 रेल्वे गाड्या रद्द
अग्निपथ योजनेवरून झालेल्या आंदोलनामुळे 181 मेल एक्सप्रेस आणि 348 पॅसेंजर गाड्या रद्द करण्यात आल्याची माहिती रेल्वे मंत्रालयाने सोमवारी दिली. 4 मेल एक्सप्रेस आणि 6 पॅसेंजर गाड्या अंशतः रद्द करण्यात आल्या आहेत. तर एकही गाडी वळवण्यात आली नाही.

काँग्रेसचा भारत बंदला पाठिंबा
काँग्रेससह इतर विरोधी पक्षांनीही या बंदला पाठिंबा दिला आहे. या योजनेच्या विरोधात आज देशभरात निदर्शने करण्यात येणार असल्याचे काँग्रेसने जाहीर केले आहे.

गुणवत्तेनुसार काम देणार महिंद्रा ग्रुप
महिंद्रा ग्रुपचे सीईओ आनंद महिंद्रा यांनी ट्विट केले की, “अग्निपथ योजनेवरून झालेल्या हिंसाचारामुळे मी दु:खी आहे. गेल्या वर्षी जेव्हा या योजनेचा विचार केला गेला तेव्हा मी म्हणालो होतो की अग्निवीरांनी आत्मसात केलेली शिस्त आणि कौशल्य त्यांना मोठ्या प्रमाणात रोजगारक्षम बनवेल. महिंद्रा त्यांच्या ग्रुपमध्ये अग्निवीरांना संधी देणार आहे.

अग्निवीरांना कोणते पद दिले जाईल, असा प्रश्न एका व्यक्तीने त्यांच्या ट्विटवर केला. यावर ते म्हणाले की, कॉर्पोरेट क्षेत्रात अग्निवीरांच्या रोजगाराला भरपूर वाव आहे. नेतृत्व, टीमवर्क आणि शारीरिक प्रशिक्षणासह, अग्निवीर उद्योगाला बाजारपेठ तयार समाधाने प्रदान करेल. यात ऑपरेशन्सपासून ते प्रशासन आणि पुरवठा साखळी व्यवस्थापनापर्यंत संपूर्ण स्पेक्ट्रम समाविष्ट आहे.

अनेक राज्यांमध्ये शाळा-कॉलेज बंद करण्याचे आदेश
भारत बंदच्या पार्श्वभूमीवर बिहार, यूपी, झारखंडसह अनेक राज्यांमध्ये सर्व शाळा बंद ठेवण्याचे आदेश देण्यात आले आहेत. झारखंडच्या शालेय शिक्षण आणि साक्षरता यांनी माहिती दिली की बंदच्या पार्श्वभूमीवर 20 जून रोजी सर्व शाळा बंद राहणार आहेत. खबरदारी म्हणून त्यांनी हा निर्णय घेतला आहे.

बिहार आणि यूपीमध्येही भारत बंद दरम्यान सर्व खासगी आणि सरकारी शाळा आणि महाविद्यालये बंद ठेवण्याचे आदेश देण्यात आले आहेत. बिहारमध्ये सोमवारी होणारा मुख्यमंत्री नितीश कुमार यांचा जनता दरबारही रद्द करण्यात आला आहे.

AISA आणि RYA यांनी बिहारमध्ये भारत बंदला पाठिंबा दिला
सोशल मीडियावर येत असलेल्या बातम्यांमुळे प्रशासन सतर्क झाले आहे. मात्र, काही विद्यार्थी संघटनांनी 20 जूनच्या चक्का जामला पाठिंबा दिला आहे. ज्यामध्ये AISA आणि RYA यांचा समावेश आहे. मुजफ्फरपूरमधून अशी माहिती आहे की, सोशल मीडियावर भारत बंदच्या बातम्या पाहता स्थानिक प्रशासनाने अलर्ट जाहीर केला आहे.