रावत यांना अखेरचा सलाम:पंतप्रधान मोदींनी जनरल बिपिन रावत यांना वाहिली श्रद्धांजली, सर्व शहीद जवानांच्या कुटुंबीयांची घेतली भेट

तामिळनाडू हेलिकॉप्टर दुर्घटनेत शहीद झालेले चीफ ऑफ डिफेन्स स्टाफ (CDS) जनरल बिपिन रावत, त्यांची पत्नी मधुलिका यांच्यासह 13 जवानांचे मृतदेह गुरुवारी रात्री 8.45 वाजता दिल्लीच्या पालम विमानतळावर आणण्यात आले.

पंतप्रधान नरेंद्र मोदी यांनी रात्री नऊच्या सुमारास विमानतळावर पोहोचून जनरल रावत यांच्यासह सर्व शहीद जवानांना श्रद्धांजली वाहिली. पंतप्रधानांनी सर्व एक शहीद जवानांच्या कुटुंबीयांची भेट घेऊन त्यांचे सांत्वन केले. तत्पूर्वी, संरक्षण मंत्री राजनाथ सिंह आणि राष्ट्रीय सुरक्षा सल्लागार (NSA) अजित डोवाल यांनी रात्री 8.30 वाजता विमानतळावर पोहोचून सर्व शहीद जवानांच्या कुटुंबियांशी संवाद साधला.तत्पूर्वी, डॉक्टरांच्या पथकाने रावत, मधुलिका आणि ब्रिगेडियर एलएस लिडर यांच्यासह चार मृतदेहांची ओळख पटवली. रावत आणि मधुलिका यांच्या पार्थिवावर शुक्रवारी दिल्लीतच अंत्यसंस्कार करण्यात येणार आहेत.

राजनाथ आणि डोवाल यांनीही वाहिली श्रद्धांजली
तत्पूर्वी, संरक्षण मंत्री राजनाथ सिंह आणि राष्ट्रीय सुरक्षा सल्लागार (NSA) अजित डोवाल यांनी रात्री 8.30 वाजता विमानतळावर पोहोचून सर्व शहीद जवानांच्या कुटुंबियांशी संवाद साधला. पंतप्रधानांनंतर राजनाथ सिंह आणि अजित डोवाल यांनी शहीद जवानांना श्रद्धांजली वाहिली.

उद्या दिल्लीत शेवटची यात्रा काढण्यात येणार आहे
जनरल बिपिन रावत यांचे पार्थिव आज दिल्लीत त्यांच्या घरी पोहोचणार आहे. शुक्रवारी सकाळी 11 ते दुपारी 2 या वेळेत लोक रावत यांच्या दिल्लीतील घरी त्यांना अंतिम श्रद्धांजली वाहिली जाणार आहेत. यानंतर कामराज मार्ग ते बेरार चौकापर्यंत अंत्ययात्रा काढण्यात येणार आहे. दिल्ली कॅन्टोन्मेंटमध्ये अंत्यसंस्कार होणार आहेत.