आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Bipin Rawat Helicopter Accidents Story | Marathi News | CDS General Injured In Pakistani Firing In Kashmir Uri

मृत्यूला मात देणारे दोन किस्से:28 वर्षांपूर्वी पाकिस्तानी गोळी लागली, 6 वर्षांपूर्वी हेलिकॉप्टर कोसळले; मात्र यावेळी मृत्यूने गाठले

नवी दिल्ली / आदित्य द्विवेदीएका महिन्यापूर्वी
  • कॉपी लिंक

भारताचे पहिले चीफ ऑफ डिफेन्स स्टाफ (संरक्षण दलप्रमुख-सीडीएस) जनरल बिपिन रावत यांचा बुधवारी हेलिकॉप्टर कोसळून मृत्यू झाला. बिपिन रावत यांनी याआधी दोनदा मृत्यूचा पराभव केला होता. पहिला अपघात 28 वर्षांपूर्वी तर दुसरा अपघात अवघ्या 6 वर्षांपूर्वीचा आहे. इथे आम्ही तुम्हला या दोन्ही अपघाताविषयी सांगत आहोत...

पहिली घटना : पाकिस्तानच्या गोळीने पायाला दुखापत, आत्म्याला बळ दिले
1993 मध्ये, बिपिन रावत 5/11 गोरखा रायफल्समध्ये मेजर म्हणून तैनात होते. मे महिन्यातील 17 मे रोजीची ही आहे. काश्मीरमधील उरी भागात ते काही सैनिकांसह गस्त घालत होते. त्याचवेळी पाकिस्तानने गोळीबार सुरू केला. त्या गोळीबारात बिपीन रावत जखमी झाले. त्यांच्या पायाला एक गोळी लागली आणि तो रक्तबंबाळ झाला. त्यांच्या उजव्या हातालाही एक छर्रा लागला. रक्तस्त्राव होऊन ते तिथेच बसले. त्यांना तातडीने श्रीनगरच्या 92 बेस हॉस्पिटलमध्ये दाखल करण्यात आले. हॉस्पिटलमध्ये डॉक्टरांनी त्याचा हात आणि पाय ठीक केला, पण बिपीन रावत यांच्या मनात तणाव होता.

गोळी लागल्यांनंतर वरिष्ठ कमांड कोर्समध्ये सहभागी होण्यापासून रोखले जाण्याची भीती रावत यांना होती. त्यांनी हार मानली नाही. क्रॅचच्या साहाय्याने चालायला सुरुवात केली आणि महिनाभरात रिकव्हर झाले. यानंतर त्यांची लखनऊच्या रेजिमेंटल सेंटरमध्ये नियुक्ती करण्यात आली. बिपिन रावत यांना त्यांच्या शौर्याबद्दल आर्मी वाउंड मेडलने सन्मानित करण्यात आले.

बिपिन रावत यांचे वडील लेफ्टनंट जनरल एलएस रावत यांच्यासोबतचे छायाचित्र
बिपिन रावत यांचे वडील लेफ्टनंट जनरल एलएस रावत यांच्यासोबतचे छायाचित्र

दुसरी घटना: हेलिकॉप्टर कोसळले, बिपिन रावत बचावले
2015 मध्ये बिपिन रावत लेफ्टनंट जनरल होते. नागालँडमधील दिमापूर येथे असलेल्या 3 कॉर्प्स मुख्यालयाची त्यांच्यावर जबाबदारी होती. 3 फेब्रुवारी 2015 रोजी सकाळी 9.30 वाजता, बिपिन रावत, एक कर्नल आणि दोन पायलटांसह चीता हेलिकॉप्टरमध्ये चढले. दिमापूरहून उड्डाण घेतल्यानंतर हेलिकॉप्टर जमिनीपासून २० फूट उंच गेले, तेव्हा इंजिनमध्ये बिघाड झाला. काही सेकंदातच ते जमिनीवर पडले. हेलिकॉप्टरमधील सर्व लोक जखमी झाले होते, मात्र पुन्हा एकदा बिपीन रावत यांनी मृत्यूला हरवले.

त्यावेळी संरक्षण विभागाचे जनसंपर्क अधिकारी अमित महाजन यांनी लष्कराचे हे हेलिकॉप्टर नियमित उड्डाण करत असल्याचे सांगितले होते. कोहिमामधील संरक्षण पीआरओ लेफ्टनंट इम्रान मौसावी यांनी सांगितले की, इंजिनमध्ये बिघाड झाल्यामुळे ही घटना घडली, ज्यामध्ये जहाजावरील अधिकारी किरकोळ जखमी झाले.

लष्कराने 2015 च्या अपघाताचे कोणतेही अधिकृत फोटो जारी केले नाहीत. हे चित्र त्याच चित्ता हेलिकॉप्टरचे सांगितले जात आहे जे 6 वर्षांपूर्वी क्रॅश झाले होते.
लष्कराने 2015 च्या अपघाताचे कोणतेही अधिकृत फोटो जारी केले नाहीत. हे चित्र त्याच चित्ता हेलिकॉप्टरचे सांगितले जात आहे जे 6 वर्षांपूर्वी क्रॅश झाले होते.

शेवटची घटना : यावेळी मृत्यूने गाठले
सीडीएस बिपिन रावत त्यांच्या शेवटच्या फ्लाइटने सुलुरहून वेलिंग्टनला निघाले होते. हवाई दलाच्या Mi-17 V5 हेलिकॉप्टरमध्ये त्यांच्यासोबत पत्नी मधुलिया आणि इतर 12 संरक्षण कर्मचारी होते. ते वेलिंग्टन येथील डिफेन्स सर्व्हिसेस स्टाफ कॉलेजमध्ये व्याख्यान देण्यासाठी जात होते. हेलिकॉप्टर आपल्या गंतव्यस्थानापासून अवघ्या 16 किमी अंतरावर कोसळले. यावेळी त्यांना मृत्यूने गाठले. भारताने आपला पहिला CDS आणि एक शूर लष्करी अधिकारी गमावला.

बातम्या आणखी आहेत...