आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

बंगालमध्ये टीएमसी-भाजप नेत्यात वाद:​​​भाजपचा आरोप, म्हणाले- टीएमसी कार्यकर्त्यांनी मतदानात अडथळा आणला; महिलांनाही मारले

नवी दिल्ली3 महिन्यांपूर्वी
  • कॉपी लिंक

पश्चिम बंगालच्या आसनसोल भागात भाजप आणि तृणमूलच्या समर्थकांमध्ये हाणामारीची प्रकार घडला आहे. महापालिका पोटनिवडणुकीसाठी रविवारी मतदान सुरू होते. यावरून हा वाद झाल्याचे समोर आले आहे.

भाजप आमदार लक्ष्मण घोरूई यांनी आरोप केला की, टीएमसी नेत्याच्या नेतृत्वाखाली काही गुंडप्रवृत्तीचे लोक मतांची लूट करून मतदानात अडथळा आणण्याचा प्रयत्न करत आहेत. सर्वत्र मतदान शांततेत सुरु आहे की नाही. हे तपासण्यासाठी आम्ही मतदान केंद्रावर आलो असता. परतु तृणमूल समर्थकांनी आमदार स्वप्ना मजुमदार आणि पक्षाच्या काही महिला समर्थकांना मारहाण केली.

दुसरीकडे, टीएमसीचे उमेदवार पापई राहा म्हणाले की, भाजप आमदार अशोक कीर्तनिया यांनी मतदान सुरू झाल्यानंतर प्रभाग 14 च्या मतदान केंद्रावर बाहेरील लोकांना आणले. त्यानंतर वादावादीला सुरुवात झाली. भाजप आमदाराने मात्र हे आरोप फेटाळून लावले आहेत. वास्तविक, बंगालमधील आसनसोल महापालिकेच्या प्रभाग 6 आणि बनगाव नगरपालिकेच्या प्रभाग 14 मध्ये पोटनिवडणूक होत आहे. यासाठी सकाळी 7 वाजल्यापासून मतदानाला सुरुवात झाली.

मतदानादरम्यान सकाळपासूनच पोलीस बंदोबस्त होता.
मतदानादरम्यान सकाळपासूनच पोलीस बंदोबस्त होता.

बनगाव नगरपालिकेत नगरसेवकाची निवडणूक
बनगाव नगरपालिकेत प्रभाग क्र.14 च्या नगरसेवकासाठी पोटनिवडणूक होत आहे. तृणमूल काँग्रेसचे दिलीप दास हे प्रभाग 14 चे नगरसेवक निवडून आले होते. तेव्हा काही दिवसांनी त्यांचे निधन झाले. यावेळी टीएमसीने पापई राहा यांना उमेदवारी दिली आहे. भाजपचे उमेदवार अरुप कुमार पाल, सीपीआयएमचे कामगार संघटनेचे नेते ड्रिटमन आणि प्रवाह पाल हे काँग्रेसचे उमेदवार आहेत.

आसनसोल महापालिकेत नगरसेवक निवडणूक
आसनसोलमध्येही आजच्या निवडणुकीनंतर नवीन नगरसेवकाची घोषणा होणार आहे. टीएमसीचे निवडून आलेले नगरसेवक संजय चक्रवर्ती यांनी आपल्या पदाचा राजीनामा दिला आहे. पोटनिवडणुकीत पक्षाने बिधान उपाध्याय यांना प्रभागातून उमेदवार केले आहे. सुभाषिस मंडल माकपकडून, श्रीदीप चक्रवर्ती भाजपकडून, सोमनाथ चॅटर्जी काँग्रेसकडून निवडणूक लढवत आहेत.

बातम्या आणखी आहेत...