आपल्या शहरातील ताज्या बातम्या आणि ई-पेपर मिळवा मोफत

Install App

शाह यांच्या कोरोना रिपोर्टवर सस्पेंस:भाजप खासदार मनोज तिवारींनी अमित शाह यांचा कोरोना रिपोर्ट निगेटिव्ह आल्याचा केला होता दावा, थोड्याच वेळात डिलीट केले ट्विट

2 महिन्यांपूर्वी
  • कॉपी लिंक
  • अमित शाह एक ऑगस्ट रोजी कोरोना पॉझिटिव्ह आले होते, याची माहिती त्यांनी स्वतः ट्विट करत दिली होती
  • रविवारी दुपारी भाजप खासदार मनोज तिवारी यांनी ट्विट करत दावा केला की, अमित शाह यांचा रिपोर्ट आता निगेटिव्ह आला आहे, मात्र त्यांनी हे ट्विट नंतर डिलीट केले

गृहमंत्री अमित शहा यांचा कोरोना चाचणी अहवाल निगेटिव्ह आला आहे. रविवारी दुपारी एका ट्विटमध्ये दिल्ली भाजपचे माजी अध्यक्ष आणि खासदार मनोज तिवारी यांनी हा दावा केला होता. मात्र त्यानंतर त्यांनी हे ट्विट लवकरच डिलीट केले. यामुळे संभ्रम निर्माण झाला. शाह यांच्यावर एका आठवड्यापासून गुरुग्राममधील मेदांता रुग्णालयात उपचार सुरू आहेत. शहा यांच्या चाचणी अहवालाविषयी अद्याप रुग्णालयाकडून कोणतीही माहिती देण्यात आलेली नाही.

दूसरीकडे न्यूज एजेंसीने होम मिनिस्ट्रीच्या एका अधिकाऱ्याचा हवाला देत म्हटले की, शाह यांची अजून कोणतीही कोरोना टेस्ट करण्यात आली नाही.

शहा यांनी संपर्कातील लोकांना चाचणी करण्यास सांगितले होते

गेल्या आठवड्यात जेव्हा शाह यांचा कोरोना अहवाल पॉझिटिव्ह आला तेव्हा ते म्हणाले - मी ठीक आहे, परंतु डॉक्टरांच्या सांगण्यावरून मला रुग्णालयात दाखल केले जात आहे. गेल्या काही दिवसात जे लोक माझ्या संपर्कात आले, त्यांनी त्यांची चाचणी करून घ्यावी. यानंतर केंद्रीय मंत्री बाबुल सुप्रियो यांनी शाह यांच्याशी एक दिवस आधी भेट घेतल्याचे सांगितले होते. डॉक्टरांनी सुप्रियो यांना चाचणी करून अलग ठेवण्यासाठी जाण्याचा सल्ला दिला होता.

राहुल गांधी यांनीही केले होते ट्विट

जेव्हा शाह पॉझिटिव्ह आले होते आणि रुग्णालयात दाखल झाले होते. तेव्हा बर्‍याच लोकांनी त्यांच्या प्रकृतीसाठी प्रार्थना केली होती. यामध्ये संरक्षणमंत्री राजनाथ सिंह, भाजप अध्यक्ष जेपी नड्डा आणि कॉंग्रेस नेते राहुल गांधी यांचा समावेश होता. राहुल यांनी एका ट्विटमध्ये लिहिले आहे की- अमित शाह लवकर बरे होवोत यासाठी प्रार्थना करतो.