कॉंग्रेसमधील अंतर्गत वाद:राहुल गांधी आज राजस्थान दौऱ्यावर, त्याचवेळी पायलट गेहलोतांच्या आरोपांना देणार उत्तर; दुपारी PC

राजस्थानचे मुख्यमंत्री अशोक गेहलोत आणि सचिन पायलट यांच्यातील वाद पुन्हा तीव्र होताना दिसत आहे. अलीकडेच अशोक गेहलोत यांनी पायलट आणि त्यांच्या समर्थन आमदारांवर काँग्रेस सरकार पाडण्यासाठी भाजपकडून करोडो रुपये घेतल्याचा आरोप केला होता. आता पायलट त्यांच्या आरोपांना उत्तर देतील. ते आज जयपूरमध्ये पत्रकार परिषद घेणार आहेत. ही पत्रकार परिषद अशा वेळी होणार आहे, ज्यावेळी म्हणजे आज मंगळवारी राहुल गांधी देखील राजस्थान दौऱ्यावर आहेत.

राजस्थान काँग्रेसमध्ये पुन्हा राजकीय गोंधळ वाढतच आहे. माजी उपमुख्यमंत्री सचिन पायलट मंगळवारी दुपारी जयपूरमध्ये पत्रकार परिषद घेणार आहेत. येथे ते सीएम अशोक गेहलोत यांनी यापूर्वी केलेल्या आरोपांना उत्तर देतील. तर दुसरीकडे गेहलोत सरकारचे मंत्री-आमदार राहुल गांधींच्या कार्यक्रमाला जाणार असताना पायलट त्यावेळी पत्रकार परिषद घेणार आहेत.

राहुल गांधीचा आज राजस्थानात दौरा
खरे तर राहुल गांधीही आज राजस्थानच्या दौऱ्यावर आहेत. भारत जोडो यात्रेनंतर ते प्रथमच येथे येत आहेत. राहुल माऊंट अबू येथील काँग्रेसच्या सर्वोदय संगम शिबिरात सहभागी होणार आहेत. येथे ते प्रतिनिधींशी संवाद साधतील. ते पहिल्या विमानाने उदयपूरला पोहोचतील, तेथून ते हेलिकॉप्टरने माउंट अबूला जातील. यावेळी मुख्यमंत्री अशोक गेहलोत यांच्यासह काँग्रेसचे सर्व नेते उपस्थित राहणार आहेत.

कोट्यवधी रुपये घेतल्याचा आमदारांवर आरोप
अशोक गेहलोत यांनी रविवारी माजी मुख्यमंत्री आणि भाजप नेत्या वसुंधरा राजे यांना काँग्रेस सरकारसाठी 'ट्रबलमेकर' म्हटले आहे. 2020 मध्ये काँग्रेसच्या काही आमदारांच्या बंडखोरीदरम्यान वसुंधरा राजे आणि भाजप नेते कैलाश मेघवाल यांनी त्यांचे सरकार वाचवले होते, असा दावा त्यांनी केला होता.

यावेळी त्यांनी सचिन पायलट यांच्या सहकाऱ्यांवर भाजपकडून करोडो रुपये घेतल्याचा आरोप केला. ढोलपूरच्या राजखेडाजवळील महागाई निवारण शिबिरात गेहलोत मार्गदर्शन करत होते. त्यावेळी आमच्या आमदारांना 10 ते 20 कोटींचे वाटप करण्यात आले होते. ते पैसे अमित शहा यांना परत करावेत असेही त्यांनी सांगितले. तुम्ही काही खर्च केले असतील तर ते माझ्याकडून घ्या, पण पैसे परत करा, अशी टीका त्यांनी केली होती.

सचिन पायलटांनी आपल्याच सरकारविरोधात केला उठाव
खरे तर 11 जुलै 2020 रोजी तत्कालीन उपमुख्यमंत्री सचिन पायलट यांनी आपल्याच सरकारविरोधात बंडाचा झेंडा रोवला होता. त्यांना पक्षाच्या १९ आमदारांनीही पाठिंबा दिला होता. या आमदारांसह पायलट मानेसर, गुरुग्राम येथील रिसॉर्टमध्ये पोहोचले होते. 12 जुलै रोजी पायलटने गेहलोत सरकार पाडण्याचे संकेतही दिले होते. गेहलोत यांचे सरकार स्थापन करण्यात यश आले असले तरी.