हवामान:6 महिन्यांत 54 अंश तापमानाचा चढ-उतार सहन करते चुरू, आजारीच न पडण्याची नागरिकांची जीवनशैली

अलिकडेच चुरूचे तापमान ५० अंशांपर्यंत गेले असता त्याची गणना जगातील सर्वात उष्ण शहरांमध्ये हाेऊ लागली. परंतु येथे थंडीही तितकीच कडक पडते. पारा उणे ४ अंशांपर्यंत जाताे. अवघ्या सहा महिन्यात चुरूचे नागरिक तपमानातील ५४ अंशांचा फरक सहन करतात पण तरीही त्याचा त्यांच्या प्रकृतीवर काही परिणाम हाेत नाही. कारण दैनंदिन जीवनात येथील लाेकांनी कमी -अधिक तपमानाशी स्वत:ला जुळवून घेतले आहे. तपमानानुसार झाेपणे उठणे, बाहेर पडण्याच्या वेळांपासून ते कपडेही बदलले जातात. तरीही हवामानामुळे त्यांची प्रकृती खराब हाेत नाही. ५० अंशांच्या कमाल तपमानातही चुरूच्या जिल्हा रुग्णालयात उष्माघात व उलट्यांचे सरासरी केवळ १० रुग्ण दाखल हाेतात. 

डी.बी. रुग्णालयाचे फिजिशियन डाॅ. आरिफ म्हणाले, प्रचंड उन्हाळ्यातही हृदयविकार, अर्धांगवायू सारखी प्रकरणे हाेत नाहीत. येथील लाेकांनी हवामानाशी स्वत:ला जुळवून घेतले आहे. उष्माघात, उलट्यांची प्रकरणे असली तरी ती गंभीर नसतात.

उन्हाळ्यात बाजारपेठ फक्त ८ तासच खुली

उन्हाळ्याच्या दिवसात सकाळी ७ वाजेपर्यंत बाजार सुरू हाेताे. १२ वाजेपर्यंत खरेदीचा माहाेल असताे. दुपारी १२ ते संध्याकाळी ५ वाजेपर्यंत संचारबंदी सारखे वातावरण असते. संध्याकाळी ६ नंतर लाेक बाहेर पडतात. बहुतांश दुकाने रात्री १० नंतर उघडी राहतात. गावातही हीच स्थिती असते. थंडीत दुकाने १० नंतरच उघडतात व संध्याकाळी ७ नंतर बंद हाेतात. लाेक आठ वाजेपर्यंत घरी जातात.

उन्हाळ्यात रबडी, ताक व थंडीत मेथीचे लाडू

उन्हाळ्यात जवळपास प्रत्येक घरी रबडी, ताक बनवले जाते. काेशिंबीर, कैरी, सांगरी, फाेफलिया, टरबूज, बडीशाेप थंडाईची मागणी उन्हाळ्यात जास्त असते. यामुळे शरीराचे तपमान नियंत्रणात ठेवणे व पाण्याची कमतरता भरून निघते. थंडीत बाजारीची भाकरी, शेंगदाणे, खजूर, गूळ व सरसोच्या तेलात भाजी बनवली जाते. डिंक तसेच मेथीचे लाडूही घराेघरी खाल्ले जातात.