आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Career Funda, Learn Competitive Exam Success Tips | Chinese Military General Sun Tzus, 'Art Of War'

करिअर फंडा:चीनी लष्करातील जनरल सन त्झू यांच्या 'आर्ट ऑफ वार' मधून शिका स्पर्धा परीक्षातील यशाचे टिप्स

शिक्षणतज्ज्ञ- संदीप मानुधने2 महिन्यांपूर्वी
  • कॉपी लिंक

जर तुम्ही शत्रू आणि स्वतःला ओळखत असाल तर तुम्हाला शंभर लढायांच्या निकालाची भीती बाळगण्याची गरज नाही. जर तुम्ही स्वतःला ओळखता पण शत्रूला नाही, तर प्रत्येक विजय हा तुमचा पराभव असेल. जर तुम्ही तुमचा शत्रू किंवा स्वतःला ओळखत नसाल तर तुम्ही प्रत्येक लढाईत पराभूत होणार.
- सन त्झू , आर्ट ऑफ वार
वरील परिच्छेदात शत्रूच्या जागी स्पर्धा परीक्षा वापरून पाहा

1) तुम्हाला तुमची बलस्थाने आणि कमकुवतपणा माहीत असेल आणि अभ्यासक्रमाचा पॅटर्न आणि स्पर्धा परीक्षांचे मागील वर्षाचे प्रश्न किंवा संरक्षण माहीत असतील. तर तुम्हाला कोणत्याही परीक्षेला घाबरण्याची गरज नाही.

2) जर तुम्ही स्वतःला ओळखत असाल पण परीक्षेची ओळख नसेल, तर तुम्हाला परीक्षा उत्तीर्ण करण्यासाठी खूप कष्ट करावे लागतील, इतके प्रयत्न करावे लागतील की, तो विजयही तुम्हाला पराभव वाटेल.

3) जर तुम्हाला दोन्ही माहित नसेल तर तुमचे अपयश निश्चित आहे.

स्पर्धा परीक्षांसाठी 'आर्ट ऑफ वॉर' मधून शिका टिप्स

1) धडा 1 - स्वतःला आणि तुमचा शत्रूला समजून घ्या
सन त्झू स्वतःला आणि तुमच्या शत्रूला समजून घेण्याच्या महत्त्वावर भर देतो.

स्पर्धा परीक्षांच्या संदर्भात, याचा अर्थ तुमचे सामर्थ्य आणि कमकुवतता समजून घेणे. तसेच परीक्षेचा अभ्यासक्रम, नमुना आणि सामग्री समजून घेणे. स्वत:ला आणि तुमच्या शत्रूला ओळखून, तुम्ही अशी रणनीती विकसित करू शकता. जी तुमची ताकद वाढवते आणि तुमच्या कमकुवतपणा कमी करते.

उदाहरणार्थ, जर तुम्हाला टाईम मॅनेजमेंटशी संघर्ष करावा लागत असेल तर ती एक कमकुवतपणा म्हणून ओळखा आणि ती दूर करण्यासाठी योजना बनवा. जसे की टाइम मॅनेजमेंट कसे करता येईल, याचा विचार करा. किंवा परीक्षेला व त्याच्या अभ्यासाला लहान भागांमध्ये विभागणी करा.

2) धडा 2 - दोन 'P'- Planning और Preparation

सन त्झू नियोजन आणि तयारीला महत्त्व देतो.

स्पर्धा परीक्षांच्या संदर्भात, याचा अर्थ अभ्यासाची योजना बनवणे, ध्येय निश्चित करणे आणि त्यानुसार कामात गुंतत राहणे. याचा अर्थ परीक्षेच्या पद्धतीशी परिचित होणे आणि मागील प्रश्नांचा सराव करणे असा होतो. चांगले नियोजन करून आणि तयारी करून तुम्ही तुमच्या यशाची शक्यता वाढवू शकता.

उदाहरणार्थ, अभ्यासाचा आराखडा बनवणे आणि विषय कव्हर करण्यासाठी विशिष्ट उद्दिष्टे सेट केल्याने तुमची तयारी गती सुधारू शकते आणि तुम्हाला लक्ष केंद्रित आणि प्रेरित राहण्यास मदत होते.

3) धडा 3 - लवचिकता आणि अनुकूलता

सन त्झू लवचिक आणि जुळवून घेण्याच्या गुणाला खूप महत्त्व देतात.

स्पर्धा परीक्षांच्या संदर्भात, याचा अर्थ नवीन माहिती आणि बदलत्या परिस्थितीशी जुळवून घेण्यास सक्षम असणे. याचा अर्थ तुमची रणनीती आवश्यकतेनुसार समायोजित करण्यात सक्षम असणे देखील आहे. तुम्ही लवचिक आणि जुळवून घेणारे बनून तुमच्या यशाची शक्यता वाढवू शकता. उदाहरणार्थ, तुमचे अभ्यास प्लॅनिंग तुमच्या अपेक्षेुप्रमाणे काम करत नाही. असे तुम्हाला आढळल्यास, ते बदलण्यासाठी आणि नवीन पद्धती वापरण्याचा प्रयत्न करा.

4) धडा 4 - स्मार्ट आणि आश्चर्य
स्पर्धात्मक परीक्षांच्या संदर्भात, याचा अर्थ आपले ज्ञान आणि कौशल्ये दाखवून परीक्षकांना आश्चर्यचकित करण्यात सक्षम होणे. याचा अर्थ असाही आहे की, परीक्षकांसमोर तुमची कमकुवतता लपवून तुमची बलस्थाने ठळकपणे मांडण्याचा सराव करणे.

उदाहरणार्थ, जर तुमचे इंग्रजी चांगले नसेल आणि तुम्हाला इंग्रजीमध्ये निबंध लिहायचा असेल तर तुम्ही सोप्या भाषेत लहान वाक्ये बनवून लिहावे (जेणेकरून व्याकरणाची चूक होणार नाही). अशाप्रकारे, कमी इंग्रजी जाणण्याची आणि चांगल्या इंग्रजी निबंधाची मानके पूर्ण करण्याची तुमची कमकुवतपणा तुम्ही लपवू शकता.

5) धडा 5 - फोकस आणि एकाग्रता

स्पर्धा परीक्षांच्या संदर्भात, याचा अर्थ हातातील कामावर लक्ष केंद्रित करणे आणि लक्ष विचलित करणे टाळणे. याचा अर्थ परीक्षेचे तपशील आणि बारकावे यावर लक्ष केंद्रित करण्यास सक्षम असणे देखील आहे. एकाग्र राहिल्याने तुमची यशस्वी होण्याची शक्यता वाढू शकते.

6) धडा 6 - आत्मनियंत्रण आणि शिस्त

स्पर्धा परीक्षांच्या संदर्भात, याचा अर्थ आपल्या भावना आणि प्रतिक्रियांवर नियंत्रण ठेवण्यास सक्षम असणे. याचा अर्थ असा आहे की अभ्यास करण्यासाठी आणि सातत्याने सराव करण्यासाठी स्वतःला शिस्त लावण्यास सक्षम असणे. किंबहुना जीवनाच्या सर्व क्षेत्रात यशस्वी होण्यासाठी हे आवश्यक आहे.

सारांश

सदैव अजिंक्य राहलेले चीनी जनरल सन त्झू यांच्याकडून, आपण शिकू शकतो की, स्वत: ला आणि तुमच्या परीक्षेला जाणून घेऊन, नियोजन करून तयारी करून, लवचिक आणि जुळवून घेण्याची वृत्ती बाळगून. चातुर्याने वापर करून लक्ष केंद्रित करून व आत्मनियंत्रण आणि शिस्तीद्वारे स्पर्धा परीक्षेत यशस्वी होवू शकता.

आजच्या करिअर फंडात हे शिकता येईल की, 'द आर्ट ऑफ वॉर' हे मुल्यवान अंतर्दृष्टी आणि शिक प्रदान करते. जे स्पर्धा परीक्षेमध्ये लागू होवू शकते.

चला तर करून दाखवूया...!

बातम्या आणखी आहेत...