कोरोना अपडेट:देशात गेल्या 24 तासांत 43,624 नव्या रुग्णांची नोंद, 683 रुग्णांचा मृत्यू; अ‍ॅक्टिव्ह रुग्णांची संख्या 5.28 लाखांपर्यंत, तिसऱ्या लाटेच्या पीकपेक्षा 76.5 टक्के कमी

गेल्या 24 तासांत देशात कोरोना संसर्गाचे 43,624 नवीन रुग्ण आढळले, 1.17 लाख रुग्ण बरे झाले, तर 683 लोकांचा कोरोना संसर्गामुळे मृत्यू झाला. तिसऱ्या लाटेच्या पीकनंतर प्रथमच, 50 हजारांहून कमी प्रकरणांची नोंद झाली आहे. यापूर्वी 3 जानेवारी रोजी 37,379 नवीन रुग्ण आढळले होते. 20 जानेवारी रोजी 3.47 लाख प्रकरणे आढळले होते. तेव्हापासून प्रकरणांमध्ये सातत्याने घट होत आहे.

देशात सक्रिय प्रकरणेही सातत्याने कमी होत आहेत. तिसऱ्या लाटेच्या पीकमध्ये देशात 22.49 लाख सक्रिय प्रकरणे होते, जी आता फक्त 5.28 लाखांवर आली आहेत. या 3 आठवड्यांमध्ये, सक्रिय प्रकरणांमध्ये 4 पेक्षा जास्त वेळा घट झाली आहे. आतापर्यंत 4.15 कोटी लोकांनी कोरोनावर मात केली आहे.

देशातील कोरोना आकडेवारीवर एक नजर
एकूण कोरोना प्रकरणे: 4.26 कोटी
एकूण रिकव्हरी: 4.15 कोटी
एकूण मृत्यू: 5.08 लाख
सक्रिय प्रकरणे: 5.28 लाख

महाराष्ट्रात मृत्यू दर घटला
महाराष्ट्रात गेल्या 24 तासांत कोरोनाचे 4 हजार 359 नवे रुग्ण आढळून आले आहेत. या दरम्यान 32 लोकांचा मृत्यू झाला असून 12,986 लोक बरे झाले आहेत. याच्या एक दिवस आधी, शुक्रवारी 5,455 नवीन रुग्ण आढळले. यादरम्यान 63 लोकांचा मृत्यू झाला असून 14,635 लोक बरे झाले आहेत.

महामारीच्या सुरुवातीपासून येथे एकूण 78.39 लाख लोकांना संसर्ग झाला आहे. यापैकी 76.39 लाख लोक बरे झाले आहेत, तर 143,387 लोकांचा मृत्यू झाला आहे.

दरम्यान, 10 फेब्रुवारी रोजी कोरोनामुळे 45 रुग्णांचा मृत्यू झाला होता. तर 11 फेब्रुवारी रोजी 63 रुग्णांचा कोरोनामुळे मृत्यू झाला. मात्र, 12 फेब्रुवारी रोजी 32 रुग्णांचा मृत्यू झाला.