आपल्या शहरातील ताज्या बातम्या आणि ई-पेपर मिळवा मोफत

Install App
  • Marathi News
  • National
  • Coronavirus Outbreak India Cases 7 June LIVE News And Updates; Maharashtra Pune Madhya Pradesh Indore Rajasthan Uttar Pradesh Haryana Bihar Punjab Novel Corona (COVID 19) Death Toll India Today

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

देशात कोरोना:आतापर्यंत 2.50 लाख केस: मागील 6 दिवसात 56 हजार 121 रुग्ण वाढले, या वेगाने येत्या 4 दिवसात ब्रिटेनला मागे टाकेल

नवी दिल्ली9 महिन्यांपूर्वी
  • कॉपी लिंक
फोटो दिल्लीतील एलएनजेपी हॉस्पिटलचे आहे. येथे, रुग्णांच्या उपचारात गुंतलेले आरोग्य कर्मचारी पीपीई किट घालून आवश्यक खबरदारी घेत आहेत. - Divya Marathi
फोटो दिल्लीतील एलएनजेपी हॉस्पिटलचे आहे. येथे, रुग्णांच्या उपचारात गुंतलेले आरोग्य कर्मचारी पीपीई किट घालून आवश्यक खबरदारी घेत आहेत.
  • संक्रमणाच्या बाबतीत दोन दिवसांपूर्वीच भारताने इटलीला मागे टाकले आहे

देशातील कोरोनाबाधितांची संख्या 2 लाख 50 हजार 319 झाली आहे. कोरोना रुग्णांच्या बाबतीत महाराष्ट्रानंतर तमिळनाडू दुसऱ्या क्रमांकावर आहे. येथे 31 हजारांपेक्षा जास्त पॉझिटिव्ह रुग्ण आढळले. एक आठवड्यापासून दररोज एक ते दीड हजार रुग्णांचा रिपोर्ट पॉझिटिव्ह येत आहे. रविवारी विक्रमी 1515 रुग्ण आढळले. मुख्यमंत्री पलानीसामी यांनी सांगितले की, तमिळनाडूतील एकूण संक्रमितांपैकी 86% रुग्णांमध्ये कोरोनाचे कोणतीही लक्षणे दिसली नाहीत.  

ते म्हणाले की, राज्य सरकारने 4 जून पर्यंत 5.50 लाख चाचण्या केल्या. तमिळनाडूतील रुग्णांचा रिकव्हरी रेट देशात सर्वाधिक आणि मृत्यूदर जगातील अनेक देशांपेक्षा कमी आहे. राज्यात 16 हजार 999 रुग्ण बरे झाले असून 272 जणांचा मृत्यू झाला आहे. 

भारत 4 दिवसांत ब्रिटनला मागे टाकेल

देशात संक्रमणात वेगाने वाढ होत आहे. मागील सहा दिवसात भारतात 56 हजार 121 रुग्ण वाढले आहेत. जर हाच वेग राहिल्यास भारत पुढील चार दिवसात ब्रिटेनला मागे टाकेल आणि पाचव्या नंबरवर येईल. worldometers वेबसाइटनुसार, ब्रिटेनमध्ये रविवारी दुपारी 12 वाजेपर्यंत 2 लाख 84 हजार 868 रुग्ण आहेत. सध्या ब्रिटेन सर्वात जास्त संक्रमित देशांच्या यादीत पाचव्या नंबरवर आहे. तर, भारतात 2 लाख 47 हजार 40 रुग्ण आहेत. भारतापेक्षा ब्रिटेन 37 हजार 828 रुग्णांनी पुढे आहे. भारताने दोन दिवसांपूर्वी इटलीला मागे टाकले आहे. ब्रिटेनमध्ये आतापर्यंत 40,465 मृत्यू झाले आहेत. तर, भारतात 6,950य 

महाराष्ट्रात 20 हजारांपेक्षा जास्त कैदी सोडले

ठाकरे सरकारने महाराष्ट्रातील 60 तुरुंगातील 11 हजार कैद्यांना इमरजन्सी पेरोलवर सोडण्याचा निर्णय घेतला. याआधीही 9671 कैद्यांना सोडले होते. गृहमंत्री अनिल देशमुखांनी सांगितले की, राज्यातील कारागृहांत एकूण 38 हजार कैदी आहे. सोशल डिस्टन्सिंग राखण्यासाठी यातील 20 हजार कैदी बाहेर येऊ शकतात. याशिवाय 24 जिल्ह्यांच 31 तात्पुरते कारागृह उभारले आहेत. 

कोरोना अपडेट्स 

  • केंद्रीय आरोग्य मंत्रालयानुसार, मागील 24 तासांत 9971 रुग्ण आढळले आणि 287 मृत्यू झाले. देशाता आता 2 लाख 46 हजार 628 संक्रमित आहेत. 1 लाख 20 हजार 406 अॅक्टीव्ह रुग्ण तर 1 लाख 19 हजार 293 बरे झाले. आतापर्यंत 6929 रुग्णांचा मृत्यू झाला.
  • दिल्ली पतियाळा हायकोर्टाने एनआयएला निर्देश दिले आहेत की, त्या महिलेला लोक नायक जयप्रकाश रुग्णालयात तात्काळ अॅडिमट करा, ज्या महिलेची कोरोना चाचणी पॉझिटिव्ह आली आहे. काही दिवसांपूर्वीच या महिलेला दहशतवादी गुन्ह्यात अटक झाली आहे.
  • इंडियन काउंसिल ऑफ मेडिकल रिसर्च (आयएमसीआर) ने रविवारी सांगितले की, देशात मागील 24 तासात एक लाख 42 हजार 069 सँपलच्या चाचण्या झाल्या आहेत. यासोबतच, देशाता आतापर्यंत 46 लाख 66 हजार 386 कोरोना टेस्ट करण्यात आले आहेत.
  • आयएनएस जलाश्व मालदीव्सच्या मालेवरुन 700 भारतीयांना घेऊन तमिळनाडुच्या तूतिकोरिनला आली आहे. यापूर्वी ती मालदीव्स आणि श्रीलंकेवरुन 2700 भारतीयांना आणले आहे.
  • केंद्रीय आरोग्य मंत्रालयाने रविवारी कोरोनाची आकडेवारी जारी केली. यानुसार, शनिवारी 9971 रुग्ण समोर आले. तर, मागील 24 तासात 287 मृत्यू झाले आहेत. यासोबतच देशात आतापर्यंत 2 लाख 46 हजार 628 रुग्ण आहेत. यातील एक लाख 20 हजार 406 अॅक्टिव केस आहेत. एक लाख 19 हजार 293 ठीक झाले आहेत, तर 6929 मृत्यू झाले आहेत.
बातम्या आणखी आहेत...