आपल्या शहरातील ताज्या बातम्या आणि ई-पेपर मिळवा मोफत

Install App
  • Marathi News
  • National
  • Coronavirus Oxford Vaccine Human Trial Latest Updates | Serum Institute Gets Approval From DCGI To Conduct Phase 2, 3 Of Oxford Covid 19 Vaccine

ऑक्सफोर्ड कोरोना व्हॅक्सीन:भारतात व्हॅक्सीनच्या अॅडव्हान्स ट्रायलला मंजूरी, आता दुसऱ्या आणि तिसऱ्या ट्रायलची तयारी सुरू करू शकेल सीरम इंस्टीट्यूट

नवी दिल्लीएका महिन्यापूर्वी
  • कॉपी लिंक
  • ट्रायल ब्रिटेन, दक्षिण आफ्रीका आणि ब्राझीलमध्ये सुरू, भारतात याचे पहिले ट्रायल मुंबई आणि पुण्यात होईल
  • देशात 'कोव्हिशील्ड' नावाने व्हॅक्कीन लॉन्च होईल, वर्षाच्या अखेरपर्यंत बाजारात सर्वांसाठी उपलब्ध होईल

ब्रिटेनच्या ऑक्सफोर्ड यूनिव्हर्सिटीने तयार केलेल्या कोव्हिड-19 व्हॅक्सीनचे ट्रायल भारतात लवकरच सुरू होणार आहे. ड्रग कंट्रोलर जनरल ऑफ इंडियाने सीरम इंस्टीट्यूट ऑफ इंडियाला व्हॅक्सीनच्या अॅडव्हान्स ट्रायलची मंजूरी दिली आहे. आता सीरम इंस्टीट्यूट ऑगस्टच्या अखेरपर्यंत देशात दुसऱ्या आणि तिसऱ्या टप्प्यातील ट्रायल सुरू करेल.

ऑक्सफोर्ड यूनिव्हर्सिटी आणि एस्ट्राजेनेका कंपनी भारताच्या सीरम इंस्टीट्यूटसोबत मिळून व्हॅक्सीन तयार करत आहे. भारतात हे व्हॅक्सीन कोव्हिशील्ड (AZD1222) नावाने लॉन्च होईल. भारतासह इतर 60 देशात या व्हॅक्सीनचा पुरवठा केला जाईल. कंपनीकडून बनवण्यात येणाऱ्या एकूण व्हॅक्सीनमधील 50 टक्के भारतासाठी असेल.

भारतात 1600 वॉलंटिअर्स असतील

इंडियन एक्सप्रेसच्या एका रिपोर्टनुसार, सीरम इंस्टीट्यूटचे ट्रायल देशात 18 ठिकाणी सुरू होईल. यात 1600 वॉलंटिअर्स सामील होतील. आरोग्य मंत्रालयानुसार, ड्रग कंट्रोलरच्या मंजूरीनंतर व्हॅक्सीन तयार करण्याचे काम वेगाने होईल.

मोठ्या प्रमाणात होईल ट्रायल

नॅशनल बायोफार्मा मिशन अँड ग्रँड चॅलेंज इंडिया प्रोग्रामअंतरग्त सरकार आणि मेलिंडा गेट्स फाउंडेशनमध्ये एक करार झाला आहे. या प्रोग्राम अंतर्गत व्हॅक्सीनचे मोठ्या स्तरावर ट्रायल होईल. यासाठी अनेक इंस्टीट्यूटची निवड केली जाईल. यात हरियाणाच्या पलवलमधील INCLEN, पुण्यातील KEM हॉस्पिटल, हैदराबादमधील सोसायटी फॉर हेल्थ एलायड रिसर्च अँड एजुकेशन, चेन्नईचे नेशनल इंस्टीट्यूट ऑफ एपिडेमियोलॉजी आणि वेल्लोरमधील क्रिश्चियन मेडिकल कॉलेज सामील आहेत.

याशिवाय एम्स दिल्ली-जोधपूर, पुण्यातील बीजे मेडिकल कॉलेज, पटनाचे राजेंद्र मेमोरियल रिसर्च इंस्टीट्यूट ऑफ मेडिकल सायंसेज, मैसूरचे जेएसएस एकेडमी आणि हायर एजुकेशन अँड रिसर्च, गोरखपूरचे नेहरू हॉस्पिटल, विशाखापट्‌टनममधील आंध्र मेडिकल कॉलेज आणि चंडीगडचे पोस्ट ग्रेजुएट इंस्टीट्यूट ऑफ मेडिकल एजुकेशन अँड रिसर्च या यादीत आहे.

ब्रिटेन, अफ्रीका आणि ब्राझीलमध्ये ट्रायल सुरू

या व्हॅक्सीनचे ट्रायल ब्रिटेन, साउथ आफ्रीका आणि ब्राझीलमध्ये सुरू झाले आहे. भारतात याचे ट्रायल मुंबई आणि पुण्यात ऑगस्टच्या अखेरपर्यंत होईल. कंपनीचे सीईओ अदार पूनावाला म्हणाले की, ट्रायल यशस्वी झाल्यास 2021 च्या पहिल्या तिमाहीत 30 ते 40 कोटी डोज तयार होतील.

0