आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Coronavirus Peak Prediction May 2021 Update; COVID Cases Will Down To 20 Thousand Daily At End OF June

कधी येणार कोरोनाचा 'पीक':​​​​​​​मोदींच्या सल्लागारांचा दावा - मेच्या मध्यापर्यंत येणार दुसऱ्या लाटेचा पीक, जूनच्या अखेरपर्यंत दररोज येणाऱ्या केस कमी होऊन 20 हजार होतील

नवी दिल्ली5 महिन्यांपूर्वी
  • कॉपी लिंक
  • पीकविषयी अंदाज बांधणे अवघड, कारण - आकड्यांचे चित्र योग्य नाही

भारतात गेल्या 15 दिवसांपासून 3 लाखांपेक्षा जास्त नवीन कोरोना रुग्ण समोर आले आहेत. गेल्या 24 तासांमध्ये विक्रमी 4.12 लाख केस समोर आल्या आहेत. यानंतरही पंतप्रधान नरेंद्र मोदी यांच्या सल्लागारांनी तयार केलेल्या मॉडेलनुसार दुसरा पीक येणार आहे आणि जून अखेरीस नवीन प्रकरणे दररोज 20 हजारांनी कमी होतील.

ब्लूमबर्गच्या रिपोर्टनुसार, IIT कानपूरच्या प्रोफेसर मनींद्र अग्रवाल यांनी एक मॉडल सादर केले आहे. याच्या आधारावर IIT हैदराबादचे प्रोफेसर एम. विद्यासागर म्हणाले की, काही दिवसांमध्ये पीक येणार आहे. आमचे प्रोजेक्शन म्हणतात की, जूनच्या अखेरपर्यंत देशातील परिस्थिती फेब्रुवारीसारखी होईल म्हणजेच आतापर्यंत रोज समोर येणाऱ्या रुग्णांची संख्या कमी होऊन 20 हजारांपर्यंत पोहोचेल. या टीमने गेल्या महिन्यात म्हणजेच एप्रिलच्या मध्यावधीपर्यंत पीक येण्याचा अंदाज जाहीर केला होता, मात्र आता ते चुकीचे सिद्ध झाले आहे.

उपलब्ध ट्रेंटने एक्सपर्टच्या शंका वाढल्या, 5 पॉइंट्स

  1. बेंगळुरूचे इंडियन इंस्टिट्यूट ऑफ सायन्सच्या टीमने अंदाज जाहीर केला आहे की, येणारे काही आठवडे भारतासाठी खूप अडचणीचे असतील.
  2. टीमनुसार, जर केस आणि मृतांचा सध्याचा ट्रेंड सुरू राहिला तर 11 जूनपर्यंत कोरोनामुळे मरणाऱ्यांचा आकडा 4 लाखांच्या पार जाईल. सध्या हा आकडा 2 लाखांच्या पार गेला आहे.
  3. सलग 15 व्या दिवशी 3 लाखांपेक्षा जास्त रुग्ण आले समोर. एक्सपर्ट्स म्हणतात की, संक्रमणाची वाढती प्रकरणे ही भारतात आलेल्या नवीन व्हेरिएंटमुळे आहेत.
  4. कैलाश हॉस्पिटलच्या नोएडाच्या डॉक्टर अनुराधा मित्तल म्हणतात की, त्यांच्या ओळखीचे जवळपास 50 डॉक्टर व्हॅक्सीनचे दोन शॉट्स घेऊनही कोरोना पॉझिटिव्ह झाले होते. याचे कारण सलग म्यूटेड होत असलेला व्हायरसही असू शकतो आणि डॉक्टर सलग ज्या परिस्थितीमध्ये काम करत आहेत ते देखील कारण असू शकते.
  5. भारतासारख्या देशांमधून नवीन स्ट्रेन दुसऱ्या देशांमध्येही परसत आहेत. अशा वेळी येणाऱ्या काळात जगभरात संक्रमण जास्त लांबू शकते.

पीकविषयी अंदाज बांधणे अवघड, कारण - आकड्यांचे चित्र योग्य नाही
ब्लूमबर्गच्या रिपोर्टनुसार, पीकसाठी जे नवीन मॉडल अवलंबण्यात आले आहे, त्यावर जास्त विश्वास ठेवला जाऊ शकत नाही. गेल्या महिन्यातही हे मॉडेल फेल झाले आहे. एक्सपर्ट म्हणतात की, हे आकडे कमी करुन सांगितले जात आहेत. टेस्टिंगही वाढवलेली नाही आणि मृतांची योग्य आकडेवारीही समोर आलेली नाही. तर देशभरात स्मशान घाटांचे फोटो काही तरी वेगळेच सांगत आहेत. यामुळे पीकबद्दलची सर्व मूल्यांकन जटिल होत आहे.

नवीन अंदाज इतर वैज्ञानिकांच्या अंदाजांशी जुळतो. ज्यामध्ये 15 मेच्या जवळपास दुसरा पीक येणार असल्याचे म्हटले जात आहे. हा अंदाज खूप महत्त्वपूर्ण आहे. कारण गेल्या 24 तासांमध्ये देशात 4.12 लाख नवीन केस समोर आल्या आहेत. या दरम्यान 3,980 मृत्यू झाले. अशा परिस्थितीमध्ये पंतप्रधान मोदींनी स्पष्ट केले आहे की, ते नॅशनल लॉकडाऊन लावू इच्छित नाहीत. खरेतर जास्तीत जास्त राज्यात आंशिक किंवा पूर्ण लॉकडाऊन पहिल्यापासूनच लागू आहे. अनेक राज्यांनी आपल्या सीमा सील करुन ठेवल्या आहेत.

एक्सपर्टचे 4 अंदाज, जे चुकीचे सिद्ध झाले

  1. गेल्या महिन्यातच विद्यासागरच्या टीमने अंदाज लावला होता की, 15 एप्रिलपर्यंत कोरोनाचा दुसरा पीक येईल. मात्र असे जाले नाही. हा अंदाज चुकीचा ठरला, कारण पॅरामीटर्स चुकीचे होते. टीमचे म्हणणे आहे की, मरामारी सलग बदलत आहे. गेल्या आठवड्यामध्येच यात बदल पाहायला मिळत आहेत.
  2. यापूर्वी टीमने न्यूज एजेंसीच रॉयटर्सला म्हटले की, पीक 3-5 च्या दरम्यान येईल.
  3. या टीने एका न्यूज वेबसाइसोबत बोलताना म्हटले की, पीक 7 मेपर्यंत येईल. मात्र अजुनही आकड्यामध्ये हे स्पष्ट झालेले नाही.
  4. यापूर्वी पहिल्या एसबीआय रिसर्चच्या मार्च रिपोर्टमध्ये एप्रिलच्या मध्यावधीत पीक येण्याची शक्यता वर्तवली होती. एप्रिलमध्ये संशोधित अंदाज आला आणि म्हणण्यात आले की, 15 ते 20 मेच्या दरम्यान पीक येईल.
बातम्या आणखी आहेत...