कोव्हॅक्सीनवर मोठी बातमी:डब्ल्यूएचओकडून मंजुरी मिळविण्याच्या दिशेने कोव्हॅक्सीनचे पाऊल; जागतिक आरोग्य मंडळाने एक्सप्रेशन ऑफ इंटरेस्टला दिली मान्यता

कोरोना महामारीच्या वाढत्या पार्श्वभूमीवर जागतिक आरोग्य संघटनेने अनेक लसींना मान्यता दिली आहे. डब्लूएचओच्या यादीमध्ये आतापर्यंत सात लसीं असून यामध्ये मॉडर्ना, फायझर, कोविशिल्ड, एस्ट्राजेनेका, जॉनसन, सिनोफॉर्म आदींचा समावेश आहे. दिलासादायक बातमी म्हणजे देशी लस असलेल्या कोव्हॅक्सीनलादेखीन जागतिक आरोग्य संघटनेकडून मान्यता मिळण्याची आशा वाढली आहे.

कोव्हॅक्सीनची निर्माता कंपनी भारत बायोटेकने 19 एप्रिलला एक्सप्रेशन ऑफ इंटरेस्ट EOI सादर केले होते. त्याला आता जागतिक आरोग्य संघटनेने स्विकार केले आहे. संबंधित प्रकरणात प्री-सब्मिशन बैठक 23 जून रोजी होणार आहे.

डब्ल्यूएचओच्या आपत्कालीन वापराच्या मंजुरीचे महत्त्व काय आहे?

व्हॅक्सीन पासपोर्ट चर्चेदरम्यान वाद सुरु

जुलै ते सप्टेंबरमध्ये मान्यता मिळण्याची आशा
कोव्हॅक्सीन लसीला येत्या जुलै ते सप्टेंबर महिन्यात डब्लूएचओकडून मान्यता मिळू शकते. जगातील 60 देशांमध्ये कोव्हॅक्सीनसाठी नियामक मान्यता सुरु असल्याचे कंपनीने सांगितले. यामध्ये अमेरिका आण‍ि ब्राझील देशांचादेखील समावेश आहे. कंपनीने मान्यता मिळण्यासाठी जिनेव्हामध्ये अर्ज दाखल केला आहे.