आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • COVID 19 Vaccination Update Day 169 | India’s Vaccination Coverage Exceeds 35 Cr

कोरोना लसीकरणाचे 169 दिवस:देशात देण्यात आलेल्या एकूण डोसची संख्या 35 कोटींच्या पार, आज 57 लाखांपेक्षा जास्त लोकांना देण्यात आली आहे लस

नवी दिल्लीएका महिन्यापूर्वी
  • कॉपी लिंक
  • 18-44 वर्षातील सुमारे 1 कोटी लोकांचे लसीकरण

16 जानेवारीपासून देशात सुरू झालेल्या लसीकरण मोहिमेअंतर्गत आतापर्यंत कोरोना लसीचे एकूण 35 कोटी डोस दिले गेले आहेत. 169 दिवसांत भारताने हा आकडा पार केला आहे. आरोग्य मंत्रालयाने शनिवारी सांगितले की सायंकाळी 7 वाजेपर्यंतच्या आकडेवारीनुसार आतापर्यंत 35.05 कोटी लस देण्यात आल्या आहेत.

केवळ शनिवारीच 57.36 लाखाहून अधिक लोकांना लसी देण्यात आल्या. यापैकी 18 ते 44 वयोगटातील 28.33 लाख लोकांना पहिला डोस तर 3.29 लाख लोकांना दुसरा डोस देण्यात आला. तर कोविन पोर्टलनुसार रात्री 10 वाजेपर्यंत 62.31 लाख लोकांना ही लस मिळाली होती.

18-44 वर्षातील सुमारे 1 कोटी लोकांचे लसीकरण
37 राज्ये आणि केंद्रशासित प्रदेशांमध्ये या वयोगटातील 99.43 लाख लोकांना प्रथम डोस देण्यात आला आहे. उत्तर प्रदेश, मध्य प्रदेश, राजस्थान, तामिळनाडू, बिहार, गुजरात, कर्नाटक आणि महाराष्ट्र या आठ राज्यांत ही संख्या 50 लाखाहून अधिक आहे.

याशिवाय आंध्र प्रदेश, आसाम, छत्तीसगड, दिल्ली, हरियाणा, झारखंड, केरळ, तेलंगणा, हिमाचल प्रदेश, ओडिशा, पंजाब, उत्तराखंड आणि पश्चिम बंगालमध्ये 18 ते 44 वयोगटातील दहा लाखाहून अधिक लोकांना लसी देण्यात आल्या आहेत.

दररोज एक कोटी डोस देण्याचे लक्ष्य
सरकारचे मानने आहे की देशातील कोरोनाची तिसरी लाट उशिरा येऊ शकते. अशा परिस्थितीत प्रत्येकाच्या लसीकरणासाठी 6-8 महिन्यांचा कालावधी असतो. आगामी काळात दररोज 1 कोटी डोस देण्याचे सरकारचे लक्ष्य आहे.

बातम्या आणखी आहेत...