सीबीआरआयच्या अहवालातील माहिती:जाेशीमठात आठवडाभरापासून जमीन खचलेल्या क्षेत्रात तडे वाढले नाहीत

उत्तराखंडच्या जोशीमठात भूस्खलन क्षेत्रात भिंतींना पडलेल्या तड्यांमध्ये आठवडाभरानंतरही वाढ झालेली नाही. केंद्रीय भवन संशोधन संस्थेच्या(सीबीआरआय) पथकाने १४ जानेवारीला नगर क्षेत्रातील प्रभावित क्षेत्राच्या सुमारे ५० इमारतींत क्रॅकोमीटर स्थापित केले होते. ही मशीन दरांची खोली आणि तीव्रता मोजण्याचे काम करते. सीबीआरआयच्या एका शास्त्रज्ञाने सांगितले की, गेल्या एका आठवड्यात कोणत्याही क्रॅकोमीटरमध्ये तडे वाढल्याची नोंद नाही. दुसरीकडे, सरकारने लोकसभेत सांगितले की, नजीकच्या क्षेत्रात जलविद्युत प्रकल्प नाही. तपाेवन विष्णुगड हायड्रो इलेक्ट्रिक प्रोजेक्टही भूस्खलन झालेल्या ठिकाणापासून दूर असल्याचे सांगण्यात येते.