आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Creation Of Ayodhya Chowk In The Name Of Grand Empress Latadidi Mangeshkar Didi, Latest And Update News

अयोध्येत लता दीदी चौक:40 फूट उंचीची वीणा उभारली; मोदी म्हणाले, दीदी राम मंदिर उभारणीने खूश होत्या, त्यांच्या स्वरांनी जग जोडले

नवी दिल्ली2 महिन्यांपूर्वी
  • कॉपी लिंक

उत्तर प्रदेशातील अयोध्येतील शरयू नदीच्या काठावर असलेल्या नयाघाट चौक आता 'लता मंगेशकर' चौक म्हणून ओळखला जाणार आहे. गानसम्राज्ञी लता मंगेशकर असे नाव देण्यात आलेल्या स्मृती चौकाचे बुधवारी मुख्यमंत्री योगी यांनी लोकार्पण केले आहे. या कार्यक्रमास केंद्रीय सांस्कृतिक मंत्री जी किशन रेड्डी, लतादीदी यांचे पुतणे आदिनाथ मंगेशकर आणि लतादीदींच्या सूनबाई यांची उपस्थिती होती.

त्याचबरोबर या कार्यक्रमासाठी पंतप्रधान नरेंद्र मोदी यांनी व्हिडिओद्वारे संदेश दिला. PM मोदी म्हणाले की, लता दीदी मॉ सरस्वतीच्या साधिका होत्या. त्यांच्या आवाजाने संपूर्ण जग जोडले गेले. राम मंदिराच्या उभारणीने लतादीदी खूश झाल्या होत्या.

मुख्यमंत्री योगी यांनी लता मंगेशकर चौकाचे उद्घाटन केले.
मुख्यमंत्री योगी यांनी लता मंगेशकर चौकाचे उद्घाटन केले.

गानसम्राज्ञी लता मंगेशकर यांची आज 93 वी जयंती आहे. चौकाचे उद्घाटन करण्यापूर्वी लतादीदींना अभिवादन करण्यात आले. यानंतर लतादीदींचे पुतणे आदिनाथ मंगेशकर आणि सून कृष्णा मंगेशकर यांनी स्वागत केले. लतादीदींनी गायलेली भजने महाराष्ट्रातील गायिका सावनी रवींद्र यांनी सादर केले.

लतादीदींच्या नावाने विद्यापीठही उघडणार
मुख्यमंत्री योगी आदित्यनाथ याप्रसंगी बोलताना म्हणाले की, लतादीदी यांच्या दिवसाची सुरूवात श्रीरामाच्या पूजेने होते असे. हा चौक असणे म्हणजे जागतिक विक्रमच आहे. लतादीदींच्या नावाने विद्यापीठही उघडण्याचा मानस त्यांनी व्यक्त केला. अयोध्येचा विकास झपाट्याने होत असून यातून विशेष म्हणजे पर्यटन आणि आध्यात्मिक दृष्टीने विकास होऊ लागलेला आहे, असे ही सीएम योगी यांनी सांगितले. केंद्रीय मंत्री जी किशन रेड्डी म्हणाले की- 5 वर्षांत यूपी पर्यटनाच्या क्षेत्रात नवीन उंची गाठणार आहे.

लतादीदींच्या कुटुंबातील आदिनाथ मंगेशकर यांच्यासह कुटुंबातील दोन सदस्यांचाही मुख्यमंत्री योगी यांनी सत्कार केला.
लतादीदींच्या कुटुंबातील आदिनाथ मंगेशकर यांच्यासह कुटुंबातील दोन सदस्यांचाही मुख्यमंत्री योगी यांनी सत्कार केला.

30 दिवसांत 8.50 कोटींचा खर्च करून चौक उभारला
लता मंगेशकर चौकाचे बांधकाम दाखवण्यासाठी लघुपटही दाखवण्यात येणार आहे. सुमारे 8.50 कोटी रुपये खर्चून 30 दिवसांत हा चौक बांधण्यात आला आहे. अयोध्या शोध संस्थेच्या वतीने प्रकाशित करण्यात आलेल्या रामायणाच्या ग्लोबल एनसायक्लोपीडियाच्या 11 पुस्तकांचेही याप्रसंगी प्रकाशन झाले.

मुख्यमंत्र्यांच्या आधी त्यांचे सल्लागार अवनीश अवस्थी अयोध्येत पोहोचले. यासोबतच डीएम नितीश कुमारही उपस्थित आहे.
मुख्यमंत्र्यांच्या आधी त्यांचे सल्लागार अवनीश अवस्थी अयोध्येत पोहोचले. यासोबतच डीएम नितीश कुमारही उपस्थित आहे.

चला तर लता चौकाबद्दल जाणून घेऊया...

बुधवारी सकाळी कार्यक्रमस्थळ सजवून सज्ज झाले होते.
बुधवारी सकाळी कार्यक्रमस्थळ सजवून सज्ज झाले होते.
  • ​​​​​​8.50 कोटी खर्चून लता मंगेशकर चौक बांधण्यात आला आहे.
  • स्मृती चौकात लता मंगेशकर यांनी गायलेली भजनं गुंजणार आहेत.
  • माँ शारदाचा वीणा सूर हीच गानसम्राज्ञी चौकाची ओळख असेल.
  • वीणाची लांबी 10.8 मीटर आणि उंची 12 मीटर आहे.
  • 14 टन वजनाची वीणा बनवण्यासाठी 70 लोक लागले.
  • वीणा एका महिन्यात कांस्य आणि स्टेनलेस स्टीलपासून बनवली गेली.
  • त्यावर सरस्वती आणि मोराची चित्र कोरलेली आहेत.
  • पद्म पुरस्कारप्राप्त राम सुतार यांनी वीणाची रचना केली.
  • वीणासोबत इतर शास्त्रीय वाद्येही प्रदर्शनात आहेत.
  • चौकात लतादीदींचे जीवन आणि व्यक्तिमत्त्व चित्रित केले आहे.
  • चौकात सांस्कृतिक कार्यक्रमही होणार आहेत
चौकाचौकात अशा प्रकारे लता दीदींच्या कार्यक्रमाचे होर्डिंग लावण्यात आले आहेत.
चौकाचौकात अशा प्रकारे लता दीदींच्या कार्यक्रमाचे होर्डिंग लावण्यात आले आहेत.

28 सप्टेंबर रोजी सकाळी 11 वाजता चौकाचे उद्घाटन करण्यात आले. सायंकाळी लता मंगेशकर चौकात उद्घाटनप्रसंगी सांस्कृतिक कार्यक्रमाचेही आयोजन करण्यात आले आहे. लता मंगेशकर यांच्या जीवनावर आधारित एक प्रदर्शनही येथे लावण्यात आले आहे. सीएम योगी या प्रदर्शनाचे उद्घाटन करणार असून, केंद्रीय पर्यटन मंत्री जी. किशन रेड्डीही असतील.

हे चित्र त्याच चौकातील आहे. ज्याचा शुभारंभ आज करण्यात आला. मंगळवारीही दिवसभर तयारी सुरूच होती.
हे चित्र त्याच चौकातील आहे. ज्याचा शुभारंभ आज करण्यात आला. मंगळवारीही दिवसभर तयारी सुरूच होती.
व्हीआयपी कार्यक्रमामुळे मंगळवारी रात्रीपासूनच अयोध्येकडे जाणाऱ्या रस्त्यांवर चेकिंग सुरू करण्यात आली होती.
व्हीआयपी कार्यक्रमामुळे मंगळवारी रात्रीपासूनच अयोध्येकडे जाणाऱ्या रस्त्यांवर चेकिंग सुरू करण्यात आली होती.

संत-महंताची घेणार भेट

सीएम योगी दुपारी राम कथा पार्कमध्ये संत-महंताची भेट घेणार आहेत. दीपोत्सवाच्या तयारीबाबत अधिकाऱ्यांशी चर्चा करणार. यानंतर मुख्यमंत्री राम कथा पार्क येथून रवाना होतील. त्यानंतर लखनऊला जाणार आहे.

मार्गातील बदलाबाबत घ्या जाणून

  • दोन ठिकाणी मोठ्या वाहनांना प्रवेश बंद करण्यात आला आहे.
  • आज शरयुच्या जुन्या पुलासमोरून मोठी वाहने जाऊ शकणार नाहीत.
  • त्याचवेळी बायपास पेट्रोल पंपासमोरून मोठ्या वाहनांना अयोध्येत प्रवेश बंद करण्यात आला आहे.

पंतप्रधान नरेंद्र मोदी यांनी लतादीदींना श्रद्धांजली अर्पण केली

सोशल मीडियावर पोस्ट शेअर करताना पंतप्रधान नरेंद्र मोदी म्हणाले- 'मी लता दीदींना त्यांच्या जयंतीनिमित्त नमन करतो. मला त्यांनी सांगितलेल्या असंख्य गोष्टी आठवतात, ज्यात प्रेमाचा वर्षाव होता. आज अयोध्येतील चौकाला त्यांचे नाव देण्यात आले. याचा मला आनंद आहे. देशातील महान गायिकेला हीच खरी श्रद्धांजली आहे.

गृहमंत्री अमित शहा यांना गायक आठवले

केंद्रीय गृहमंत्री अमित शहा यांनी ट्विट करून लिहिले - साधेपणा आणि सौम्यतेचे प्रतीक असलेल्या लता मंगेशकरजी यांनी भारतीय संगीताला जागतिक पातळीवर नेले आहे, त्यांच्या योगदानाने संगीत उद्योग समृद्ध झाला आहे. त्यांचा मधुर आवाज सर्वांच्या हृदयाला भिडतो. संगीत आणि देशभक्तीला समर्पित त्यांचे जीवन आपल्यासाठी प्रेरणादायी आहे.

मुख्यमंत्री योगी आदित्यनाथ यांनी ही पोस्ट सोशल मीडियावर शेअर केली आहे

लता दीदींच्या निधनानंतर उत्तर प्रदेशचे मुख्यमंत्री योगी आदित्यनाथ यांनी चौकाचौकाला त्यांचे नाव देण्याची घोषणा केली होती. ती आज पूर्ण होत आहे. सोशल मीडियावर लता दीदींचे स्मरण करताना योगी आदित्यनाथ म्हणाले - भारतरत्न लता मंगेशकर, संगीत जगतातील प्रसिद्ध व्यक्तिमत्त्व, आपल्या गाण्यांनी संगीत जगताला समृद्ध करणाऱ्या लोकप्रिय गायिका, 'भारतरत्न लता मंगेशकर' यांना त्यांच्या जयंतीनिमित्त विनम्र आदरांजली. आम्हा सर्वांच्या आठवणीत तुम्ही सदैव जिवंत राहाल.

बातम्या आणखी आहेत...