मांडस चक्रीवादळाचा तामिळनाडूला तडाखा:4 जणांचा मृत्यू, दीडशेहून जास्त घरे उद्ध्वस्त; 30 विमान उड्डाणे रद्द

चक्रीवादळ मांडस शुक्रवारी उशिरा रात्री तामिळनाडूच्या महाबलीपुरममध्ये तडाखा देऊन गेले. वादळ उत्तर तामिळनाडूच्या किनारपट्टीजवळ मात्र मंदावले. शनिवारी सायंकाळपर्यंत ४ जणांचा मृत्यू झाला. चेन्नईत त्यामुळे ११५ मिमी पावसाची नोंद झाली. दीडशेहून जास्त घरांची पडझड झाली. राज्यात शेकडो झाडे उन्मळून पडली. वादळामुळे ३० राज्यांतर्गत व आंतरराष्ट्रीय उड्डाणांना फटका बसला. राज्यात किमान ६०० ठिकाणी वीज व्यवस्था कोलमडली आहे. नऊ हजारांहून जास्त नागरिक निवारागृहात मुक्कामी आहेत.