सरकारी शाळांमध्ये 'I LOVE YOU मनीष सिसोदिया' चे पोस्टर्स:लोकांचा दावा- AAP कार्यकर्त्यांनी बॅनर लावले, शाळाप्रमुखांवर FIR

शुक्रवारी दिल्लीतील शास्त्री पार्क भागातील एका सरकारी शाळेच्या गेटवर 'आय लव्ह मनीष सिसोदिया'चे पोस्टर आणि बॅनर चिकटवलेले आढळून आले. याला स्थानिक लोकांनी कडाडून विरोध केला. तर पोलिस ठाण्यात गुन्हा दाखल केला आहे. त्यानंतर पोलिसांनी शाळेचे मुख्याध्यापक आणि शाळा व्यवस्थापन समितीच्या समन्वयक यांच्याविरूद्ध FIR नोंदवला.

आप कार्यकर्ते म्हणाले- आ. अब्दुल रहमान यांची परवानगी
वृत्तसंस्थेनुसार, स्थानिक लोकांनी सांगितले की, शाळेच्या मुख्याध्यापिका गीता राणी आणि समन्वयक गजाला यांनी मुलांमार्फत ही मोहीम राबवली. ते म्हणाले की, 3 मार्च रोजी सकाळी 8.30 च्या सुमारास आम आदमी पक्षाचे काही कार्यकर्ते शास्त्री पार्कमधील सरकारी शाळेत आले. त्यांनी आतून डेस्क आणला. गेटवर चढून 'आय लव्ह मनीष सिसोदिया'चे पोस्टर चिकटवायला सुरुवात केली. यावर लोकांनी आक्षेप घेत हे शिक्षणाचे मंदिर आहे, याला राजकारणापासून दूर ठेवा, असे लोकांनी सांगितले.

त्याला परवानगी आहे का ? असेही लोकांनी विचारले. ते आमदार अब्दुल रहमान यांचे लोक असल्याचे त्यांनी सांगितले. यानंतर एका व्यक्तीने आमदाराला फोन करून विचारले की, तुम्ही परवानगी दिली आहे का, त्याला आमदार रहमान यांनी होकार दर्शविला. दरम्यान, काही लोक म्हणाले की, आमदार खोटे बोलत आहेत. कारण राजकीय फायद्यासाठी शाळेचा वापर कधीच होऊ दिला जात नाही. मात्र, लोकांनी विरोध केल्यानंतर हे बॅनर हटवण्यात आले.

आप आमदार म्हणाले- सिसोदिया यांच्यावर मुलांचे प्रेम
आप आमदार आतिशी मार्लेना यांनीही सोशल मीडियावर काही छायाचित्रे पोस्ट केली आहेत. चित्रांमध्ये मुलांच्या हातात काही पोस्टर्स दिसत आहेत, ज्यामध्ये लिहिले आहे – मनीष काका आम्ही तुम्हाला मिस करतो. यासोबत आतिशीने कॅप्शनमध्ये लिहिले - भाजपने कितीही खोटे आरोप केले तरी मनीष सिसोदिया यांच्यावरील दिल्लीतील मुलांचे प्रेम डळमळीत होऊ शकत नाही.