6 महिन्यांपूर्वीही झाला होता अंजलीचा अपघात:मद्यधुंद अवस्थेत चालवत होती स्कूटी; निधीला 2 वर्षांपूर्वी गांजा तस्करीत झाली होती अटक

दिल्लीतील कांजवाला अपघात प्रकरणात अंजली आणि निधीबाबत मोठे खुलासे झाले आहेत. निधीला दोन वर्षांपूर्वी आग्रा कॅंट रेल्वे स्थानकावर ड्रग्जची तस्करी करताना पकडण्यात आले होते. तर सहा महिन्यांपूर्वी अंजलीचा मद्यपान करून वेगात गाडी चालवल्यामुळे अपघात झाला होता. त्याचा व्हिडिओ समोर आला आहे. यामध्ये स्कूटी हवेत उडी मारून दूर पडताना दिसत आहे.

16 जुलै 2022 चा हा व्हिडिओ दुपारी 2 च्या सुमारास आहे. अपघातानंतरच्या वैद्यकीय तपासणी अहवालात अंजलीला अनेक वेळा उलट्या झाल्याचे सांगण्यात आले आहे. नाकातून किंवा घशातून रक्त येत होते. याशिवाय श्वासाला दारूचा वास येत होता.

निधीला ड्रग्ज प्रकरणात अटक
निधीला दोन वर्षांपूर्वी आग्रा कॅंट रेल्वे स्थानकावर ड्रग्जची तस्करी करताना पकडण्यात आले होते. तिच्यासह अन्य दोघांना अटक करून त्यांच्याकडून पोलिसांनी 10 किलो गांजा जप्त केला होता. जीआरपीने त्याला अटक करून कारागृहात पाठवले. नंतर तिला जामीन मिळाला होता.

वृत्तानुसार, निधी आणि तिचे साथीदार आग्रा स्टेशनच्या प्लॅटफॉर्म क्रमांक 3 वर एका बाकावर बसले होते. पोलिसांना पाहताच ते घाबरले आणि लगेच बॅग घेऊन पळू लागले. यानंतर पोलिसांनी त्यांना अटक केली. पिशवीत गांजा असल्याचे तिघांनीही मान्य केले होते.

अंजलीच्या कुटुंबीयांना 10 लाखांची मदत

दिल्लीतील कांझावाला अपघातात जीव गमावलेल्या अंजलीच्या कुटुंबीयांना 10 लाखांची मदत दिली जाणार आहे. शुक्रवारी सायंकाळी दिल्ली सरकारने ही मदत मंजूर केली. दरम्यान, मुख्यमंत्री अरविंद केजरीवाल म्हणाले की, अंजलीच्या दर्दनाक अपघाताने संपूर्ण देशाला धक्का बसला आहे. त्याची भरपाई होवूच शकत नाही. तर पोलिसांनी सहावा आरोपी आशुतोषला देखील अटक केली तर सातवा आरोपी अंकुश खन्ना याने सुलतानपुरी पोलिस ठाण्यात आत्मसमर्पण केले. आता सर्व आरोपी पोलिसांच्या ताब्यात असून त्यांची चौकशी केली जात आहे.

निधी-अंजलीसोबत एक मुलगाही स्कूटीवर दिसला
अपघातापूर्वीचे दोन व्हिडिओ शुक्रवारी सायंकाळी समोर आले. मीडिया रिपोर्ट्समध्ये दावा केला जात आहे की, पहिल्या व्हिडिओमध्ये निधी आणि अंजली मागे बसलेल्या एक मुलगा स्कूटी चालवताना दिसत आहे. हा मुलगा त्यांना बाहेर रस्त्यावर सोडतो. अंजलीच्या हातात मोबाईल होता आणि ती त्या मुलाशी काही वेळ बोलते. तर दुसऱ्या व्हिडिओत अंजली आणि निधी रस्त्यावरून येताना दिसत आहेत, मात्र आता मुलगा त्यांच्यासोबत नाही. अंजली आणि निधी एकत्र जाताना दिसत आहेत. निधी मागे बसली आहे तर अंजली स्कूटी चालवत असल्याचे व्हिडिओत दिसून आले.

दुसरीकडे, पोलिसांचा हवाला देत शुक्रवारी मीडिया रिपोर्ट्समध्ये असे सांगण्यात आले की, अंजलीला ओढत असताना कारमध्ये 5 नव्हे तर 4 आरोपी होते. दीपक नावाचा आरोपी घरात होता, मात्र प्राथमिक तपासात त्यानेच गाडी चालवत असल्याचे पोलिसांना सांगितले.

पोलिसांनी दिलेल्या माहितीनुसार, कार चालवणाऱ्या आरोपीचे नाव अमित असून त्याच्याकडे ड्रायव्हिंग लायसन्स नाही. अंजलीचा कारला अपघात झाला. यानंतर तो त्याचा मित्र दीपककडे पोहोचला आणि घडलेला संपूर्ण प्रकार सांगितला. त्याच्याकडे लायसन्स नाही हे कळल्यावर दीपकने गाडी चालवण्याची जबाबदारी स्वत:वर घेतली. दरम्यान, दिल्ली पोलीस आज अपघातातील प्रत्यक्षदर्शी निधीची चौकशी करत आहेत. सकाळी त्यांना घरातून मुख्यालयात नेण्यात आले.

अपघाताच्या दिवशी कारमध्ये नेमके कोण कोण होते ? 1 जानेवारी रोजी पोलिसांनी मनोज मित्तल, अमित खन्ना, कृष्णा, मिथुन आणि दीपक खन्ना यांना अटक केली. न्यायालयाने त्यांना पोलीस कोठडी सुनावली. चार दिवसांच्या तपासानंतर पोलिसांनी 5 जानेवारीला या प्रकरणात आणखी दोन जणांचा सहभाग असल्याचे स्पष्ट केले. यात अंकुश खन्ना आणि आशुतोष अशी त्यांची नावे आहेत. आशुतोषला अटक करण्यात आली. सातवा आरोपी अंकुश खन्ना अद्याप फरार आहे.

पोलीस आता काय म्हणाले
आता पोलिस सांगत आहेत की, घटनेच्या रात्री कारमध्ये मनोज मित्तल, अमित खन्ना, कृष्णा आणि मिथुन असे चार जण होते.

याप्रकरणातील शुक्रवारचे दिवसभरातील अपडेट्स

24 तासात आणखी 3 व्हिडिओ आले समोर

31 डिसेंबरच्या रात्रीचे आणखी 3 व्हिडिओ गेल्या 24 तासात समोर आले आहेत. पोलिसांना घटनेच्या मार्गाचे 23 व्हिडिओ मिळाले असल्याचे सांगण्यात येत आहे. त्याआधारे आरोपींची चौकशी करण्यात येत आहे.

यासंबंधित वाचा अन्य बातमी

दिल्ली अपघात; स्कूटीवर एक मुलगाही होता : अंजली-निधीला गल्लीबाहेर सोडले

दिल्लीच्या कंझावाला दुर्घटनेप्रकरणी आणखी 2 व्हिडिओ व एक छायाचित्र उजेडात आले आहे. यातील एका व्हिडिओत एक मुलगा स्कूटी चालवताना दिसून येत असून, त्याच्या मागे निधी व अंजली बसल्या आहेत. हा मुलगा त्यांना गल्लीच्या बाहेर सोडतो. अंजलीच्या हातात मोबाइल आहे. ती काहीवेळ या मुलाशी गप्पाही मारते. संपूर्ण बातमी वाचण्यासाठी येथे क्लिक करा