आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Delhi Kanjhawala Accident Video Update; Anjali Accident Case | 7 Accused | Hit And Run Case

दिल्ली अपघात; स्कूटीवर एक मुलगाही होता:अंजली-निधीला गल्लीबाहेर सोडले; काही वेळानंतर दोघी एकत्र जाताना दिसल्या

नवी दिल्लीएका महिन्यापूर्वी
  • कॉपी लिंक
या व्हिडिओत निधी व अंजली एका मुलासोबत स्कूटीवर जाताना दिसून येत आहेत.

दिल्लीच्या कंझावाला दुर्घटनेप्रकरणी आणखी 2 व्हिडिओ व एक छायाचित्र उजेडात आले आहे. यातील एका व्हिडिओत एक मुलगा स्कूटी चालवताना दिसून येत असून, त्याच्या मागे निधी व अंजली बसल्या आहेत. हा मुलगा त्यांना गल्लीच्या बाहेर सोडतो. अंजलीच्या हातात मोबाइल आहे. ती काहीवेळ या मुलाशी गप्पाही मारते.

दुसऱ्या व्हिडिओत अंजली व निधी गल्लीबाहेर जाताना दिसून येत आहेत. पण आता त्यांच्यासोबत तो मुलगा दिसत नाही. अंजली व निधी एकत्र जाताना दिसून येत आहेत. निधी मागे बसली आहे. तर अंजली स्कूटी चालवत आहे.

हा व्हिडिओ अपघातापूर्वीचा असल्याचा दावा केला जात आहे. त्यात अंजली स्कूटी चालवताना, तर निधी मागे बसलेली दिसून येत आहे.
हा व्हिडिओ अपघातापूर्वीचा असल्याचा दावा केला जात आहे. त्यात अंजली स्कूटी चालवताना, तर निधी मागे बसलेली दिसून येत आहे.

अन्य एका छायाचित्रात अपघातानंतर आशुतोष आरोपीशी चर्चा करताना दिसून येत आहे. हे सीसीटीव्ही फुटेजमधून घेण्यात आलेले छायाचित्र आहे. त्यात 1 जानेवारी अशी तारीख दिसून येत आहे.

सीसीटीव्ही फुटेजचे हे छायाचित्र अपघातानंतरचे आहे. त्यात दिसणाऱ्या 2 जणांपैकी एक आरोपी असून, दुसराफरार आशुतोष आहे. पोलिस त्याचा शोध घेत आहेत.
सीसीटीव्ही फुटेजचे हे छायाचित्र अपघातानंतरचे आहे. त्यात दिसणाऱ्या 2 जणांपैकी एक आरोपी असून, दुसराफरार आशुतोष आहे. पोलिस त्याचा शोध घेत आहेत.

दुसरीकडे,पोलिसांनी अंजलीला तब्बल 12 किलोमीटर फरफटत नेणाऱ्या कारमध्ये 5 नव्हे 4 आरोपी असल्याचा दावा केला आहे. यासंबंधीच्या वृत्तानुसार, दीपक नामक आरोपी घरीच होता. पण त्याने अपघातावेळी आपण स्वतः कार चालवत सांगून पोलिसांची दिशाभूल केली.

पोलिसांच्या माहितीनुसार, कार चालवणाऱ्या आरोपीचे नाव अमित आहे. त्याच्याकडे चालक परवाणा नाही. त्याने अंजलीला कारने उडवले. त्यानंतर आपला मित्र दीपकला घटनेची संपूर्ण माहिती दिली. परवाना नसल्याची गोष्ट ऐकताच दीपकने अमितचा गुन्हा स्वतःच्या डोक्यावर घेतला. त्यानंतर त्याने पोलिसांनाही अपघात झाला त्यावेळी आपण स्वतः कार चालवत असल्याचे सांगितले.

दुसरीकडे, दिल्ली पोलिस या घटनेची एकमेव प्रत्यक्षदर्शी निधीची चौकशी करत आहेत. यासाठी सकाळीच तिला तिच्या घरून पोलिस मुख्यालयात नेण्यात आले. पोलिसांनी कार मालक आशुतोषला अटक केली आहे. त्याच्यावर आरोपींची मदत केल्याचा आरोप आहे.

प्रश्न -अपघातात एकूण किती आरोपी होते?

कंझावाला अपघातात एकूण 7 आरोपी आहेत. कारमध्ये केवळ 4 जण होते. उर्वरित 3 जणांवर आरोपीला वाचवण्याचा व प्रकरणावर पडदा टाकण्याचा आरोप आहे. कारमध्ये असलेल्या आरोपींत मनोज मित्तल, अमित खन्ना, कृष्ण व मिथूनचा समावेश आहे. या आरोपींना दीपक खन्ना, अंकुश खन्ना व कारमालक आशुतोष या तिघांनी वाचवण्याचा प्रयत्न केला. 6 आरोपींना पोलिसांनी बेड्या ठोकल्या आहेत. 7वा आरोपी अंकुश खन्ना याचा शोध सुरू आहे.

या छायाचित्रात 5 आरोपी मनोज मित्तल, दीपक खन्ना, अमित खन्ना, कृष्ण व मिथून दिसून येत आहेत.
या छायाचित्रात 5 आरोपी मनोज मित्तल, दीपक खन्ना, अमित खन्ना, कृष्ण व मिथून दिसून येत आहेत.

पोलिसांनी पत्रकार परिषदेत कोणते खुलासे केले?

पोलिसांनी 5 जानेवारी रोजी 3 मोठे खुलासे केले. एक -आरोपी 5 नव्हे 7 आहेत. दोन -आरोपींचा मृत तरुणी अंजली व प्रत्यक्षदर्शी निधी यांच्याशी जुनी ओळख नाही. तीन- कार चालवणाऱ्या तरुणाचे नाव अमित आहे. त्याच्याकडे ड्रायव्हिंग लायसेन्स नव्हते.

आरोपींना कारखाली मुलगी अडकल्याचे माहिती होते?

उत्तर -हो... आरोपींना मुलगी कारखाली अडकल्याचे माहिती होते. त्यानंतरही त्यांनी कार चालवली. पोलिसांनी हा दावा केला आहे. अपघात 31 डिसेंबर रोजी रात्री 2 वाजून 4 मिनिटांनी झाला. अंजलीचा मोबाइल अजून आढळला नाही. दिल्लीच्या रोहिणी कोर्टाने 5 आरोपींच्या पोलिस कोठडीत 4 दिवसांची वाढ केली आहे.

24 तासांत 4 आणखी व्हिडिओ उजेडात

31 डिसेंबर रोजी रात्रीचे आणखी 4 व्हिडिओ उजेडात आलेत. पोलिसांना या अपघाताचे एकूण 23 व्हिडिओ आढळल्याचाही दावा केला जात आहे. याच व्हिडिओच्या आधारावर आरोपींची चौकशी केली जात आहे.

31 डिसेंबर रोजी रात्री अपघातानंतर निधी पायी जाताना दिसून येत आहे. हे फुटेज अपघात झालेल्या घटनास्थळापासून काही अंतरावरील आहे.
31 डिसेंबर रोजी रात्री अपघातानंतर निधी पायी जाताना दिसून येत आहे. हे फुटेज अपघात झालेल्या घटनास्थळापासून काही अंतरावरील आहे.

आरोपींच्या कारनंतर काही वेळाने दिल्ली पोलिसांचे वाहनही त्याच मार्गाने जाताना दिसून येत आहे. याचेही सीसीटीव्ही फुटेज उजेडात आले आहे.

हा व्हिडिओ 1 जानेवारी पहाटे 4.43 वा. आहे. कारमधील सर्वच आरोपी कारमालक आशुतोष यांच्याकडे गेले आणि त्यांना गाडीची चावी परत केली.
हा व्हिडिओ 1 जानेवारी पहाटे 4.43 वा. आहे. कारमधील सर्वच आरोपी कारमालक आशुतोष यांच्याकडे गेले आणि त्यांना गाडीची चावी परत केली.

या घटनेशी संबंधित मोठे अपडेट्स

  • पोलिस सूत्रांच्या माहितीनुसार, आता आरोपींची बॅक रूप मॅपिंग केली जाईल. त्यातून त्या रात्री नेमके काय घडले याचा माग काढला जाईल. बुधवारी रात्री उशिरा या प्रकरणी पोलिस अधिकाऱ्यांची उच्चस्तरीय बैठकही झाली.
  • पोलिस पाचही आरोपींची लाय डिटेक्टर टेस्टही करू शकते. यासाठी कोर्टाची परवानगी मागण्यात येईल.
  • मृत अंजलीच्या आईने बुधवारी रात्री सांगितले, 'निधीचाही अंजलीच्या हत्येत हात असल्याचा संशय व्यक्त केला आहे. मी निधीला ओळखत नाही. मी तिला पाहिलेही नाही. अंजली दारू पित नव्हती. ती मद्यधुंद अवस्थेत केव्हाच घरी आली नाही.'
  • फॅमिली डॉक्टर भूपेशनेही अंजलीने मद्यपान केल्याचा दावा फेटाळला आहे. ते म्हणाले की, शवविच्छेदन अहवालातही मृताच्या पोटात अल्कोहल आढळल्याचे नमूद नाही.
बातम्या आणखी आहेत...