आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

AAP ने मद्य घोटाळ्याचा पैसा गोवा निवडणुकीत वापरला:EDच्या आरोपपत्रात केजरीवाल मद्य कंपनीच्या MDशी बोलल्याचा आरोप

नवी दिल्ली2 महिन्यांपूर्वी
  • कॉपी लिंक

दिल्ली मद्य घोटाळाप्रकरणी अंमलबजावणी संचालनालयाने (ED) गुरुवारी नवा दावा केला आहे. EDने सांगितले की, 'आप'ने दिल्लीतील मद्य घोटाळ्याचा पैसा गोव्यातील निवडणूक प्रचारासाठी वापरला. दिल्ली मद्य घोटाळ्यातील एका आरोपीने मद्य कंपनी इंडोस्पिरिट्सचे MD समीर महेंद्रू आणि दिल्लीचे मुख्यमंत्री अरविंद केजरीवाल यांच्यात त्याच्या फोनवरून फेसटाइम व्हिडिओ कॉलची व्यवस्था केल्याचा दावाही आरोपपत्रात केला आहे.

मद्य घोटाळ्याच्या आतापर्यंतच्या तपासात या निधीचा काही भाग 'आप'च्या निवडणूक प्रचारातही वापरण्यात आल्याचे समोर आले आहे. 2022 मध्ये गोवा विधानसभेची निवडणूक झाली ज्यामध्ये AAP ने दोन जागा जिंकल्या होत्या.

70 लाखांचे रोख पेमेंट

EDच्या म्हणण्यानुसार, आपच्या सर्व्हे टीममध्ये सहभागी असलेल्या स्वयंसेवकांना सुमारे 70 लाख रुपये रोख दिले गेले. तपास एजन्सीने सांगितले की, आपचे संपर्क प्रभारी विजय नायर यांनी मोहिमेशी संबंधित काही लोकांना रोख रक्कम स्वीकारण्यास सांगितले होते. आरोपपत्रात म्हटले आहे की, विजय नायर यांनी YSRCP खासदार मागुंता श्रीनिवासुलू रेड्डी, त्यांचा मुलगा राघव मागुंटा, अरबिंदो फार्माचे संचालक पी. सरथचंद्र रेड्डी, तेलंगणाचे मुख्यमंत्री केसीआर यांची मुलगी कविता कलावकुंतला यांचा समावेश असलेल्या गटाकडून AAPच्या वतीने 100 कोटी रुपये घेतले.

हैदराबादस्थित व्यापारी अभिषेक बोईनापल्ली यांनी दिल्लीचे उपमुख्यमंत्री मनीष सिसोदिया यांचे सहकारी दिनेश अरोरा यांच्यासोबत कट रचून पैसे हस्तांतरित केले. दरम्यान, सीएम केजरीवाल यांनी EDच्या आरोपाला उत्तर देताना ते पूर्णपणे काल्पनिक असल्याचे म्हटले आहे.

संबंधित वृत्त

विजय नायर आणि अभिषेक बोईनापल्ली यांना EDने केली अटक:दिल्ली मद्य घोटाळ्यात CBIच्या ताब्यात होते; जामिनावर होणार होती सुनावणी

दिल्ली मद्य घोटाळ्यात EDने आपचे संपर्क प्रभारी विजय नायर आणि व्यापारी अभिषेक बोईनपल्ली यांना अटक केली आहे. दिल्ली अबकारी प्रकरणात मनी लाँड्रिंगवरून ही अटक करण्यात आली आहे. यापूर्वी CBIने दोघांनाही अटक केली होती. त्यानंतर दोघांना न्यायालयीन कोठडी सुनावण्यात आली. दिल्ली मद्य घोटाळा प्रकरणात आपचे विजय नायर यांच्या जामिनावर सुनावणी होणार होती, मात्र त्यापूर्वीच त्यांना EDने अटक केली. येथे वाचा सविस्तर वृत्त

दिल्ली मद्य घोटाळा, ED चे 25 ठिकाणी छापे:आतापर्यंत तिघांना अटक, उपमुख्यमंत्री मनीष सिसोदियांसह 15 जणांवर गुन्हा

दिल्ली मद्य धोरण घोटाळ्याप्रकरणी ईडीने शुक्रवारी दिल्लीत 25 ठिकाणी छापे टाकले. यादरम्यान एजन्सीने राजधानीतील अनेक मद्यविक्रेत्यांच्या निवासस्थानांसह अनेक ठिकाणांची झडती घेतली. यापूर्वीही या प्रकरणी ईडी आणि सीबीआयने 100 हून अधिक ठिकाणी छापे टाकले आहेत. यापूर्वी एजन्सीने काही राजकारणी, सेवानिवृत्त अधिकारी आणि व्यावसायिकांच्या घरांची झडती घेतली होती. येथे वाचा वृत्त

बातम्या आणखी आहेत...