दिल्लीतील आमदारांच्या पगारात 66% वाढ:पगार आणि भत्यांसह दरमहा 1 लाख 70 हजार रुपये मिळणार, राष्ट्रपतींची मंजूरी

दिल्लीतील आमदारांच्या पगारात 66% वाढ करण्यात आली आहे. अर्थसंकल्पीय अधिवेशनापूर्वी आमदारांचे वेतन, निवृत्ती वेतन आणि भत्ते वाढवण्याच्या प्रस्तावाला राष्ट्रपतींनी मंजुरी दिली. त्यामुळे दिल्ली विधानसभेतील आमदारांना आता 54 हजारांहून 90 हजार रुपये प्रति महिना पगार मिळणार आहे. भत्त्यांचा समावेश केल्यास आमदारांना आता दरमहा 1 लाख 70 हजार रुपये मिळणार आहेत. दिल्ली सरकारच्या विधी, न्याय आणि विधान व्यवहार विभागाने एक अधिसूचना जारी करून या संदर्भात माहिती दिली आहे.

राष्ट्रपतींनी 14 फेब्रुवारीला दिली मंजूरी
पगार, पेन्शन आणि भत्ते वाढवण्याचा प्रस्ताव गेल्या वर्षी जुलैमध्ये दिल्ली विधानसभेत मंजूर करण्यात आला होता. दिल्ली सरकारने मुख्यमंत्री, मंत्री, आमदार, मुख्य सचिव, सभापती आणि विरोधी पक्षनेत्यांच्या पगारात वाढ करण्याचा प्रस्ताव पाठवला होता. राष्ट्रपतींनी 14 फेब्रुवारीला या प्रस्तावाला मंजुरी दिली होती. आता 14 फेब्रुवारी 2023 पासून आमदारांना वाढीव पगार मिळणार आहे.

12 वर्षानंतर वाढणार दिल्लीतीली आमदारांचे पगार
दिल्लीतील आमदारांच्या पगारात तब्बल 12 वर्षांनंतर वाढ करण्यात आली आहे. आमदारांचे मूळ वेतन 20 हजारांवरून 30 हजार करण्यात आले आहे. दैनंदिन भत्ता 1,000 रुपयांवरून 1,500 रुपये करण्यात आला आहे. यापूर्वी आमदारांना भत्ते आणि पगारासह दरमहा 72 हजार रुपये मिळत होते.

देशातील सर्व राज्यांमध्ये आमदारांना वेगवेगळे वेतन आणि भत्ते मिळतात...