विचित्र अपघात VIDEO:कुत्रे मागे लागल्याने स्कूटीची कारला धडक, गाडीवरील दोन्ही महिला आणि बालक जखमी

ओडिशाच्या बेरहामपूरमध्ये स्कूटीवरून जात असलेल्या महिलेच्या मागे कुत्रे पळाली आणि यामुळे रस्त्याच्या कडेला उभ्या असलेल्या कारला स्कुटी धडकली. त्यानंतर महिलेसोबत बसलेले बालक आणि मागच्या सीटवर बसलेली महिला सर्वजण खाली पडले.

दुसरी घटना दिल्लीत घडली, नेब सराय येथे एका 17 वर्षीय मुलीला अमेरिकन कुत्र्याने चावा घेतला. यानंतर दिल्ली पोलिसांनी कुत्र्याच्या मालकावर एफआयआर दाखल केला आहे.

पहिले ओडिशाची संपूर्ण घटना जाणून घ्या
बेरहामपूरमधील या घटनेचा व्हिडिओ सीसीटीव्हीमध्ये कैद झाला आहे. एक महिला एका लहान मुलगा आणि आणखी एका महिलेला घेऊन रस्त्याने स्कुटीवरून चालली होती. कुत्र्यांचा घोळका त्यांच्या मागे धावत होता. कुत्रा चावण्याच्या भीतीने महिलेचे लक्ष विचलित झाले आणि ती रस्त्याच्या कडेला उभ्या असलेल्या कारवर आदळली. त्यामुळे तिघेही दुचाकीस्वार रस्त्यावर पडले.

बाजूने धावणारा कुत्राही स्कूटीखाली आला. तर बाकीचे कुत्रे पळून गेले. या घटनेत दोन्ही महिला व बालक जखमी झाले आहेत.

आता दिल्लीच्या घटनेबद्दल वाचा
दिल्लीतील नेब सराय येथे राहणारी 17 वर्षांची मुलगी घराच्या छतावर चालत होती. टेरेसवर त्यांचा शेजारी मानसिंगही उपस्थित होता. त्याच्यासोबत त्याचा अमेरिकन बुली पाळीव कुत्रा होता. मुलीला पाहताच कुत्र्याने तिच्यावर हल्ला केला. त्यानंतर मुलीचे कुटुंबीय तिला रुग्णालयात घेऊन गेले.

याप्रकरणी मुलीच्या वडिलांनी पोलिसांत गुन्हा दाखल केला. त्यानंतर कुत्र्याच्या मालकावर भादंवि कलम २८९ अंतर्गत गुन्हा दाखल करण्यात आला आहे.