सिग्नलवर उभ्या असलेल्या तरुणाच्या बॅगेतून 40 लाखांची चोरी:दिल्लीत दुचाकीस्वाराला सुगावाही लागला नाही, तीन चोरट्यांनी पळवले पैसे

दिल्लीतील लाल किल्ल्याजवळील ट्रॅफिक सिग्नलवर उभ्या असलेल्या दुचाकीस्वाराच्या बॅगेतून तीन चोरट्यांनी 40 लाख रुपये काढून घेतले. याचा एक व्हिडीओ समोर आला आहे. ज्यामध्ये बाईक चालवणारा तरुण ट्रॅफिक सिग्नलवर उभा आहे. मागून तिघेजण आले आणि अतिशय सफाईने त्याच्या बॅगेतून पैसे काढले. त्यानंतर तेथून पळ काढला. या घटनेदरम्यान तरुणाला त्याच्या बॅगेतून पैसे चोरीला गेल्याचा सुगावाही लागला नाही. सिग्नल उघडताच तो तरुण पुढे गेला. ही घटना 1 मार्चची आहे, त्याचा व्हिडिओ आता समोर आला आहे.

यानंतर पैसे गायब असल्याचे तरुणाला समजल्यानंतर त्याने पोलिसांत तक्रार केली. पोलिसांनी सीसीटीव्हीच्या मदतीने दोन आरोपींना पकडले आहे. एक आरोपी फरार आहे. आकाश आणि अभिषेक अशी अटक करण्यात आलेल्या आरोपींची नावे आहेत. त्याच्याकडून चोरीला गेलेल्या 40 लाख रुपयांपैकी 38 लाख रुपये जप्त करण्यात आले आहेत.

टोळी दुचाकीस्वारांना लक्ष्य करते
पोलिसांनी सांगितले की हा गट फक्त दुचाकीस्वारांना लक्ष्य करण्यासाठी ओळखला जातो. या टोळीने ट्रॅफिकमध्ये किंवा सिग्नल असताना अशा घटना घडवून आणल्या आहेत.

तरुण फर्ममध्ये कॅशियर
तरुणाने सांगितले की, तो शिक्षणाशी संबंधित एका फर्ममध्ये कॅशियर आहे. पेढीच्या मालकाच्या सांगण्यावरून तो कोणाचे तरी पैसे घेऊन नॉर्थ एव्हेन्यूला जात होता, वाटेत चोरीची ही घटना घडली, पोहोचल्यावर त्याला पैसे गायब असल्याचे दिसले. त्यानंतर पोलिस ठाण्यात जाऊन तक्रार केली.

चुलीवर मटण अन् चुलीत मनुस्मृती, VIDEO

रामचरित मानसनंतर आता बिहारमध्ये मनुस्मृतीवर गोंधळ सुरू झाला आहे. बिहारच्या शेखपुरा येथील प्रिया दास नामक तरुणीने मांस शिजणाऱ्या चुलीत मनुस्मृती जाळली. एवढेच नाही तर या जळत्या मनुस्मृतीने आपल्या हातातील सिगारेटही पेटवली. प्रिया दासच्या मनुस्मृती दहनाचा एक व्हिडिओ उजेडात आला असून, त्यावरून मोठा वाद निर्माण झाला आहे.

या व्हिडिओत दिसून येत आहे की, प्रिया मांस शिजवत आहे. प्रथम ती मनुस्मृती दाखवते. त्याच्या मुखपृष्ठावर ब्रह्माचा फोटो दिसत आहे. त्यानंतर ती म्हणते - हे एक वाईट पुस्तक आहे. त्यानंतर ती लाकडांसोबत मनुस्मृतीही चुलीत टाकते. त्यानंतर ती मध्येच जळती मनुस्मृती बाहेर काढून सिगारेट पेटवते. येथे वाचा संपुर्ण बातमी.