दिल्ली पोलिसांनी विद्यार्थ्यांना फरपटत नेले:UPSCची अतिरिक्त संधी देण्याच्या मागणीसाठी विद्यार्थी करत होते आंदोलन

दिल्लीमध्ये यूपीएससी परीक्षेसाठी 'एक्स्ट्रा अटेम्प्ट' वाढवून देण्यात यावा, या मागणीसाठी आंदोलन करणाऱ्या विद्यार्थ्यांना दिल्ली पोलिसांनी जमीनीवर फरफटत नेले. त्यांना हाकलून लावले. तर काही विद्यार्थ्यांना अटक केली आहे. गेल्या दोन दिवसांपासून जुने राजेंद्र नगर या भागात विद्यार्थी आपल्या मागण्यांसाठी आंदोलन करत आहेत.

आंदोलक विद्यार्थ्यांनी सांगितले की, कोविडमुळे ते मागील प्रयत्नात पात्र ठरू शकले नाहीत. काही विद्यार्थ्यांनी सांगितले की एसएससी (जीडी) आणि अग्निवीर उमेदवारांना कोविडच्या पार्श्वभूमीवर अनेक प्रयत्न करण्याची संधी देण्यात आली आहे. जर या परीक्षांमध्ये विद्यार्थ्यांना संधी दिली गेली असेल तर यूपीएससी करणाऱ्या विद्यार्थ्यांनाही संधी दिली जावी.

2 अतिरिक्त प्रयत्न आणि वयोमर्यादा वाढवा
आम्ही शांततेत आंदोलन करत असल्याचे विद्यार्थ्यांनी सांगितले. आम्हाला दोन अतिरिक्त प्रयत्न आणि वयोमर्यादेत दोन वर्षांची सूट देण्यात यावी, अशी आमची मागणी आहे. यूपीएससी उमेदवारांवर कोविडचा परिणाम झाला नाही का? जर सरकार एमएसएमई उठवण्याचा आणि कर्ज माफ करण्याचा प्रयत्न करू शकते, तर ते आम्हाला थोडी विश्रांती का देऊ शकत नाही? आमची स्वप्ने होती, जी महामारीच्या काळात जळून खाक झाली आहेत.