सुटाबुटात राहणारे धनखड ठरले जनतेचे राज्यपाल:गरिबांचा आहे लळा; ममतांनी बांधली होती राखी, पण ट्विटरवर केले होते ब्लॉक

उपराष्ट्रपती जगदीप धनखड नेहमीच सुटाबुटात राहतात. पश्चिम बंगालच्या राज्यपालपदी असताना ते थेट सर्वसामान्य जनतेत मिसळत. त्यांच्या समस्या ऐकत. याच कारणामुळे त्यांना लोक जनतेचा गव्हर्नर अर्थात राज्यपाल म्हणत. पश्चिम बंगालच्या राज्यपाल ममता बॅनर्जींसोबत त्यांचे खास नाते होते. धनखड यांची राज्यपालपदी नियुक्ती झाल्यानंतर ममतांनी रक्षाबंधनाच्या निमित्ताने त्यांना राखी बांधली. त्यानंतरही धनखड यांनी राज्यातील कायदा सुव्यवस्थेवर प्रश्नचिन्ह उपस्थित केले. यामुळे दोघांत राजकीय वितुष्ट निर्माण झाले. हा तणाव एवढा वाढला की, अखेर ममतांनी धनखड यांना ट्विटरवर ब्लॉकच केले.

अशोक गहलोत यांच्याशी मैत्री

धनखड यांचे राजस्थानचे मुख्यमंत्री अशोक गहलोत यांच्याशीही चांगले संबंध आहेत. धनखड यांची बंगालच्या राज्यपालपदी नियुक्ती झाल्यानंतर जयपूरमधील एका कार्यक्रमात गहलोत यांची जगदीप यांचे छोटे बंधू व काँग्रेस नेते रणदीप धनखड यांच्याशी भेट झाली. गहलोत यावेळी त्यांना शुभेच्छा देताना म्हणाले -प्रथम तर राज्यपाल त्यानंतरही बंगालचा राज्यपाल होणे हे एक मोठे यश आहे.

उल्लेखनीय बाब म्हणजे मुख्यमंत्री अशोक गहलोत व जगदीप धनखड यांच्या भेटीचा प्रसंगही फारच रोचक आहे. दोघांनाही एकमेकांना भेटण्याची इच्छा होती. पण प्रोटोकॉल व व्यस्त कार्यक्रमांमुळे हे शक्य होत नव्हते. त्यामुळे पीसीसी उपाध्यक्ष राजीव अरोरा हे त्यांच्या भेटीतील महत्वाचा दुवा ठरले. त्यांनी जयपूर सिटीझन फोरम संस्थेच्या माध्यमातून धनखड यांच्या सन्मान समारंभ आयोजित केला. त्यात गहलोतही सहभागी झाले.

धनखड पूर्वी काँग्रेसमध्ये होते

राजीव अरोरा यांनी सांगितले की, मुख्यमंत्री गहलोत व धनखड यांच्यात खूप चांगले संबंध आहेत. धनखड पूर्वी काँग्रेसमध्ये होते. त्यांचे छोटे बंधू रणदीप धनखड तर मुख्यमंत्री गहलोत यांच्या नेतृत्वात एनएसयूआयमध्ये काम केले होते. अरोरा सांगतात -आता काही दिवसांपूर्वीच जगदीप दादा जयपूरला आले होते. त्यावेळी मी त्यांच्याशी बोलताना एनडीएकडे उपराष्ट्रपतीपदाचा तुमच्याहून चांगला उमेदवार नसल्याचे सांगितले होते.

त्यावर त्यांनी जे उत्तर दिले, त्याने सर्वचजण हैरान झाले. ते म्हणाले - राजीव कधीही लॉजिकविना बोलत नाही. पण मी त्यावर काहीच बोलत नाही. यावेळी त्यांनी सर्वांना दार्जिलिंगचा सुप्रसिद्ध चहाही भेट म्हणून दिला होता.