आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Dr. Guleria Said – The Final Report Is Yet To Come, In Such A Situation It Cannot Be Said That Delhi Has Increased The Demand Of Oxygen

ऑक्सिजन डिमांड वादामध्ये ट्विस्ट:ऑडिट कमेटीचे डॉ. गुलेरिया म्हणाले- फायनल रिपोर्ट अद्याप आलेला नाही; दिल्लीने 4 पट जास्त मागणी केली असे आता म्हणणे घाई ठरेल

नवी दिल्लीएका महिन्यापूर्वी
  • कॉपी लिंक

दिल्लीसाठी ऑक्सिजनची मागणी वाढवून सांगितल्या प्रकरणाचा वाद एम्सचे प्रमुख डॉ. रणदीप गुलेरिया यांनी मिटवण्याचा प्रयत्न केला आहे. एनडीटीव्हीनुसार, ते म्हणाले की अंतिम अहवाल अद्याप आलेला नाही. तसेच दुसऱ्या लाटे दरम्यान दिल्लीने ऑक्सिजनची मागणी चार पटींनी वाढवून सांगितली हे म्हणणे आता घाईचे ठरेल. हे प्रकरण अद्याप सर्वोच्च न्यायालयात आहे, त्यामुळे आपण निकालाची वाट पाहणे आवश्यक आहे.

कालच आला होता अहवाल
कोरोनाच्या दुसर्‍या लाटेत ऑक्सिजनच्या वापरासंदर्भात सुप्रीम कोर्टाने स्थापन केलेल्या ऑडिट टीमच्या अहवालावरुन शुक्रवारी हा गदारोळ सुरू झाला. पॅनेलने आपल्या अहवालात म्हटले आहे की, 25 एप्रिल ते 10 मे दरम्यान दिल्ली सरकारने दिल्ली रुग्णालयांमध्ये ऑक्सिजनची आवश्यकता वाढवून सांगितली होती. ज्यामुळे देशातील 12 राज्यात ऑक्सिजनची कमतरता निर्माण झाली. इतकेच नव्हे तर ऑडिटमध्ये दिल्लीतील काही रूग्णालयातही निगेटिव्ह पुरवठा आढळून आला.

सर्वोच्च न्यायालयाने ऑक्सिजन ऑडिट समिती बनवली होती
देशात ऑक्सिजन वितरण प्रणाली सुधारण्यासाठी सर्वोच्च न्यायालयाने 8 मे रोजी 12-सदस्यीय विशेष ऑडिट पॅनेलची स्थापना केली होती. पॅनेलने 126 पानांच्या अंतरिम अहवालात त्यांना सांगितले की, पेट्रोलियम अँड ऑक्सिजन सुरक्षा संघटनेने त्यांना सांगितले होते दिल्लीकडे की 25 एप्रिल ते 10 मे दरम्यान अतिरिक्त ऑक्सिजन आहे. दिल्लीला 289 मेट्रिक टन ऑक्सिजनची आवश्यकता होती, परंतु त्यांनी 1140 मेट्रिक टन ऑक्सिजनची आवश्यकता सांगितली, जी 4 पट जास्त होती.

बातम्या आणखी आहेत...