आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • During The Corona Crisis, The Delhi Government Demanded 4 Times More Oxygen Than It Needed

सुप्रीम कोर्ट पॅनल रिपोर्टमध्ये खुलासा:कोरोना संकटाच्या काळात दिल्ली सरकारने केली गरजेपेक्षा 4 पट जास्त ऑक्सिजनची मागणी

नवी दिल्लीएका महिन्यापूर्वी
  • कॉपी लिंक

कोरोनाच्या दुसर्‍या लाटे दरम्यान ऑक्सिजन संदर्भात केंद्र आणि दिल्ली सरकारमधील वाद आता दुसर्‍या स्वरूपात समोर आला आहे. सुप्रीम कोर्टाच्या एका पॅनेलने आपल्या अहवालात म्हटले आहे की, कोरोना संकटाच्या काळात दिल्ली सरकारने गरजेपेक्षा 4 पट अधिक ऑक्सिजनची मागणी केली. याचा परिणाम 12 राज्यांच्या पुरवठ्यावर झाला.

दिल्ली सरकारने कोरोनाच्या दुसर्‍या लाटेच्या काळात केंद्राकडे 1,140 मेट्रिक टन ऑक्सिजनची मागणी केली होती. रिपोर्टनुसार हे दिल्लीच्या गरजेपेक्षा 4 पट जास्त आहे. त्यावेळी दिल्लीत ऑक्सिजन बेडच्या संख्येनुसार दिल्लीला फक्त 289 मेट्रिक टन ऑक्सिजनची आवश्यकता होती.

पॅनेलचा अहवाल समोर आल्यानंतर भाजपने केजरीवाल यांना लक्ष्य केले आहे. दिल्लीचे भाजप खासदार गौतम गंभीर म्हणाले आहेत की, केजरीवाल यांच्यात जर लाज शिल्लक राहिली असेल तर त्यांनी देशाची माफी मागावी.

रुग्णालयांनीही अधिक मागणी केली
या अहवालानुसार, सर्वसाधारणपणे दिल्लीला 244 ते 372 मेट्रिक टन ऑक्सिजनची आवश्यकता होती, परंतु जास्त पुरवठ्याच्या मागणीमुळे त्याचा परिणाम इतर राज्यांवर झाला. हे पॅनेल दिल्लीतील 4 मोठ्या रुग्णालयांच्या मॅनेजमेंटची चौकशी करत आहे. या रुग्णालयांमध्ये बेड्सनुसार अधिक ऑक्सिजन वापरला गेला आहे. यामध्ये सिंघल हॉस्पिटल, अरुणा असिफ अली हॉस्पिटल, ईएसआयसी मॉडेल हॉस्पिटल आणि लिफेरे हॉस्पिटलचा समावेश आहे. अहवालानुसार या रुग्णालयांनी चुकीचा डेटा दिला आणि दिल्लीत ऑक्सिजनची आवश्यकता वाढवून सांगितली.

बातम्या आणखी आहेत...