चिनी मोबाइल कंपनी EDच्या निशाण्यावर:विवोशी संबंधित 44 कंपन्यांवर छापे, मनी लाँड्रिंग प्रकरणात ईडीची धडक कारवाई

अंमलबजावणी संचालनालयाने मंगळवारी चिनी स्मार्टफोन निर्माता कंपनी विवोवर कारवाई केली. मनी लाँड्रिंग प्रकरणाशी संबंधित कंपन्यांच्या विरोधात ईडी देशभरात 44 ठिकाणी शोध घेत आहे. चिनी मोबाइल फोन कंपन्या आयटी आणि ईडीच्या निशाण्यावर आहेत. शाओमीने बेकायदेशीरपणे पैसे पाठवल्याप्रकरणी ईडीने या वर्षी फेब्रुवारीमध्ये तपास सुरू केला होता. अंमलबजावणी संचालनालयाच्या म्हणण्यानुसार, शाओमीने 2014 मध्ये भारतात काम करायला सुरुवात केली आणि 2015 पासून पैसे पाठवायला सुरुवात केली.

चिनी कंपन्या तपास यंत्रणांच्या निशाण्यावर

याप्रकरणी ईडी उत्तर प्रदेश, मध्य प्रदेश, बिहार आणि दक्षिण भारतातील राज्यांमध्ये छापे टाकत आहे. ईडीचा हा छापा त्याच केसमध्ये आहे ज्याचा तपास सीबीआयकडूनही केला जात आहे. छापेमारी सुरू असून आवश्यक कागदपत्रे तपासली जात असल्याचे अधिकाऱ्यांनी सांगितले. याप्रकरणी सीबीआयही तपास करत आहे. चिनी कंपन्या आधीपासूनच भारतीय तपास यंत्रणांच्या निशाण्यावर आहेत.

चीनच्या टॉप मोबाइल कंपन्यांवर कारवाई

चीनची टॉप मोबाइल निर्माता कंपनी विवो आणि संबंधित काही इतर कंपन्यांवर भारतातील 44 ठिकाणी छापे सुरू आहेत. अलीकडेच केंद्र सरकारने कंपनीचे मूळ भारतातील व्यवसायासाठी शेजारील देशात असल्याचा तपास सुरू केला होता. मे महिन्यात झेडटीई कॉर्प आणि विवो मोबाइल कम्युनिकेशन कथित आर्थिक अनियमिततेप्रकरणी तपास केला होता. तर शाओमी कॉर्प ही आणखी एक चिनी कंपनी आहे, जी केंद्रीय तपास संस्थांच्या रडारवर आहे.