आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Fashion Designer Prathyusha Garimella Dead In Home Body Found In Bathroom | Marathi News

टॉप फॅशन डिझायनरचा संशयास्पद मृत्यू:बाथरूममध्ये आढळला प्रत्युषा गरिमेलाचा मृतदेह, बेडरूममध्ये होते कार्बन मोनोऑक्साइड सिलिंडर

हैदराबाद20 दिवसांपूर्वी
  • कॉपी लिंक

प्रसिद्ध फॅशन डिझायनर प्रत्युषा गरिमेलाचा शनिवारी संशयास्पद परिस्थितीत मृत्यू झाला. तेलंगणातील बंजारा हिल्स येथे 35 वर्षीय प्रत्युषाचा मृतदेह तिच्या घरी आढळून आला. तिच्या बेडरूममधून कार्बन मोनॉक्साईडचा सिलिंडर जप्त करण्यात आला आहे. हा संशयास्पद मृत्यू मानून पोलिसांनी गुन्हा दाखल केला आहे. प्रत्युषा देशातील टॉप 30 फॅशन डिझायनर्सपैकी एक होती.

कार्बन मोनॉक्साईड वायूचा श्वास घेतल्याने प्रत्युषाचा मृत्यू झाल्याचे मानले जात आहे. याप्रकरणी पोलिस तपास सुरू असून मृतदेह शवविच्छेदनासाठी उस्मानिया रुग्णालयात पाठवण्यात आला आहे. प्रत्युषा डिप्रेशन आजाराशी झुंज देत होती असेही सांगण्यात येत आहे.

आत्महत्येचा संशय

बंजारा पोलिस ठाण्याचे निरीक्षक नागेश्वर राव यांनी सांगितले की, प्रत्युषाच्या खोलीतून एक चिठ्ठीही मिळाली आहे. या चिठ्ठीत त्यांनी कोणावरही आरोप केलेला नाही. नोटमध्ये डिझायनरने लिहिले आहे की, "मला खूप एकटेपणा आणि नैराश्य वाटत आहे." तिने आत्महत्या केल्याचे मानले जात आहे. मात्र, अद्याप काहीही पुष्टी झालेली नाही, पोलीस या प्रकरणाचा तपास करत आहेत.

सुरक्षा रक्षकाने पोलिसांना बोलावले
या घटनेची माहिती प्रत्युषाच्या सुरक्षा रक्षकाने पोलिसांना दिली. गार्डला प्रत्युषाकडून कोणतेही उत्तर न मिळाल्याने त्याने तत्काळ पोलिसांना याबाबत माहिती दिली. यानंतर पोलीस घटनास्थळी पोहोचले आणि घराचा दरवाजा तोडून आत प्रवेश केला असता त्यांना प्रत्युषाचा मृतदेह संशयास्पद अवस्थेत आढळून आला. त्यानंतर पोलिसांनी तत्काळ फॅशन डिझायनरच्या कुटुंबीयांना आणि त्यांच्या मित्रांना याची माहिती दिली.

2013 मध्ये स्वतःच्या नावाने लेबल सुरू केले
प्रत्युषाने अमेरिकेतून फॅशन डिझायनिंगचे शिक्षण घेतले आहे. यानंतर प्रत्युषाने हैदराबादमध्ये फॅशन डिझायनर म्हणून करिअरला सुरुवात केली. प्रत्युषाने 2013 मध्ये स्वतःच्या नावाने एक लेबलही सुरू केले होते. यानंतर प्रत्युषा खूप लोकप्रिय फॅशन डिझायनर बनली.

प्रत्युषाने टॉलिवूड आणि काही मोठ्या बॉलिवूड सेलिब्रिटींसाठीही काम केले. यामध्ये माधुरी दीक्षित, रवीना टंडन, काजोल, परिणीती चोप्रा, हुमा कुरेशी, श्रिया सरन, काजल अग्रवाल, जुही चावला, गौहर खान, नेहा धुपिया, भूमी पेडणेकर यांच्यासह अनेक लोकप्रिय सेलिब्रिटींच्या नावांचा समावेश आहे.

कार्बन मोनॉक्साईडमुळे मृत्यू कसा होतो?
तज्ज्ञांच्या मते, कार्बन मोनोऑक्साइड शरीरात ऑक्सिजन वाहून नेणाऱ्या लाल रक्तपेशींवर परिणाम करते. या वायूच्या संपर्कात आल्यानंतर मळमळ आणि चक्कर येणे सुरू होते. कार्बन मोनोऑक्साइड इनहेल केल्याने हिमोग्लोबिनचे रेणू ब्लॉक होतात आणि शरीराच्या संपूर्ण ऑक्सिजन वाहतूक प्रणालीवर परिणाम होतो.

वास्तविक, जेव्हा आपण श्वासाद्वारे ऑक्सिजन घेतो तेव्हा ते हिमोग्लोबिनमध्ये मिसळते. हिमोग्लोबिनच्या साहाय्याने ऑक्सिजन फुफ्फुसांद्वारे शरीराच्या इतर भागात वाहून नेला जातो. परंतु जेव्हा हिमोग्लोबिन कार्बन मोनॉक्साईडच्या संपर्कात येते तेव्हा ते विरघळत नाही. हे हिमोग्लोबिन रेणू ब्लॉक करते. ऑक्सिजनच्या कमतरतेमुळे, शरीरातील पेशी मरतात आणि मृत्यू होतो.

बातम्या आणखी आहेत...