फिरोजपूरमध्ये कारला लागली आग:4 वर्षांची मुलगी जिवंत जळाली, दरवाजा जाम झाल्याने आतच अडकली

पंजाबमधील फिरोजपूर जिल्ह्यात चालत्या स्विफ्ट कारला अचानक आग लागली. आग एवढी भीषण होती की संपूर्ण कार जळून खाक झाली. या अपघातात 4 वर्षांची निष्पाप मुलगी जिवंत जळाली. कारच्या पुढील सीटवर बसलेल्या निष्पाप तरनवीरला गाडीतून बाहेर पडता आले नाही. कारचा दरवाजा जाम झाल्याने तरनवीर कारमध्ये जिवंत जळाली.

तिच्या आई-वडिलांसमोर तरनवीर आगीच्या भडक्यात ओरडत राहिली. अनेकांनी तिला वाचवण्याचा प्रयत्नही केला पण मुलीला वाचवता आले नाही. कालेर कलान जिल्हा फरीदकोट या गावातील रहिवासी गुरजीत सिंह पत्नी, तीन मुली आणि एका मुलासह स्विफ्ट कारमधून धर्मकोटला जात होते.

अचानक कारमध्ये तांत्रिक बिघाड झाला. रस्त्याच्या कडेला कार पार्क करत गुरजित सिंग बिघाड चेक करत असताना अचानक कारने पेट घेतला. आग लागल्यानंतर पत्नी दोन मुली आणि मुलासह तात्काळ कारमधून बाहेर आली पण समोरच्या सीटवर बसलेल्या तरनवीरला बाहेर काढता आले नाही. घटनेची माहिती मिळताच तलवंडी भाईचे एसएचओ शिमला आणि इतर पोलीस कर्मचारी घटनास्थळी पोहोचले.

लोकांच्या मदतीने आग विझवली
लोकांच्या मदतीने आग विझवण्यात आल्याचे सांगण्यात येत आहे, मात्र आग विझवण्यापर्यंत मुलगी राख झाली होती. मुलीचा सांगाडा पोलिसांनी ताब्यात घेतला आहे. शवविच्छेदनानंतर मृतदेह नातेवाईकांच्या ताब्यात दिला जाईल. या अपघातानंतर आजूबाजूच्या परिसरात आणि कालेर कळण गावात शोककळा पसरली आहे.