आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • For Centuries There Is A Three day Lockdown In Champaran, Even If You Accidentally Cut A Stick Of Grass, You Will Be Fined Rs 500.

अनोखी परंपरा:शतकानुशतके चंपारणमध्ये असतो तीन दिवसांचा लॉकडाऊन, चुकून गवताची काडी तोडली तरी 500 रुपये दंड

कृष्णकांत मिश्र | बेतिया24 दिवसांपूर्वी
  • कॉपी लिंक

लोकांचे पर्यावरणावरील प्रेम अनेकदा पाहिले असेल. पण दरवर्षी पश्चिम चंपारणच्या थरुहाट गावात पर्यावरण रक्षणासाठी तीनदिवसीय बारणा नावाच्या महोत्सवाचे आयोजन केले जाते. चुकूनही कुणाकडून गवताची काडीही ताेडली जात नाही म्हणून येथील लोक तीन दिवस झाडे-वनस्पती, तण आणि हिरवाईपासून दूर राहतात. म्हणजेच जेव्हा अत्यंत आवश्यक असेल तेव्हाच घरातून बाहेर पडतात. त्या वेळी अघोषित लॉकडाऊनसारखे वातावरण असते.

थरुहाटमध्ये २१३ महसूलसह इतर गावांमध्ये वनदेवी आणि ब्रह्मदेवाची विधिवत पूजा केल्यानंतर हा उत्सव वेगवेगळ्या निश्चित तारखांना साजरा केला जातो. बारणा म्हणून ओळखला जाणारा हा उत्सव संतपूर सोहरिया येथे साजरा केला जातो. ब्रह्मस्थान येथे गांगे गुरूंच्या नेतृत्वाखाली ग्रामस्थांनी वनदेवीची विधिवत पूजा करून पर्यावरण रक्षणाची ४८ तासांची शपथ घेतली आहे. निसर्ग वाचवण्यासाठी आणि पर्यावरण चांगले ठेवण्यासाठी जगभर प्रयत्न केले जात आहेत. त्यामुळे ही परंपरा एक प्रेरणादायी उदाहरण आहे. शतकानुशतके येथील लोक पर्यावरणाच्या रक्षणासाठी बारणा नावाचा तीन दिवसांचा उत्सव पूर्ण उत्साहाने साजरा करत आहेत. थारू कल्याण फेडरेशन ऑफ इंडियाचे केंद्रीय अध्यक्ष दीपनारायण प्रसाद आणि सोहरियाचे गुमास्ता जगदीश महतो यांनी सांगितले की, दरवर्षी ३० ऑगस्ट ते ३० सप्टेंबरदरम्यान हा अनोखा उत्सव पर्यावरणासाठी साजरा केला जातो. संतपूर सोहरियाचे ओमप्रकाश महतो, दीरू सोखाईत आणि समाजाशी संबंधित लोकांनी सांगितले की, तीनदिवसीय बारणा व्रतदरम्यान कोणीही गावाबाहेर जाऊन झाडे-वनस्पती तोडू नयेत यासाठी गावाच्या चारही दिशांना ८ डेंगवाहन (लक्ष ठेवण्यासाठी शिपाई) ठेवले आहेत. हातात काठ्या घेऊन पगडी घातलेले हे लोक गावाच्या सीमांचे रक्षण करतात. चुकूनही एखाद्याकडून गोंदण फुटले तर गावकरी त्या व्यक्तीला ५०० रुपये दंड ठोठावतात. घरात भाज्यांची कमतरता जाणवू नये म्हणून बारणा लागण्यापूर्वी महिला भाजी तोडतात किंवा बाजारातून विकत घेतात.

रस्त्यावरही लोक नाहीत हा लॉकडाऊन नसून पर्यावरणाबाबत लोकांची जनजागृती आहे. बेतियाच्या थरुहाटमध्ये रस्ते ओस पडले आहेत. कारण लोक पर्यावरणावरील प्रेम दाखवण्यासाठी घराबाहेर पडत नाहीत. शतकानुशतके थारू जमात साजरा करते आहे सण, २१३ गावांतील लोक स्वेच्छेने राहतात घरीच

बातम्या आणखी आहेत...