आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Former NSG Chief J K Dutt, Who Led Commandos During 2008 Mumbai Terror Attack, Dies Of COVID 19

ऑपरेशन ब्लॅक टॉरनेडोच्या नायकाचे निधन:मुंबईमध्ये दहशतवादी हल्ल्यादरम्यान ऑपरेशन लीड करणारे NSG चे माजी चीफ जेके दत्त यांचे कोरोनाने निधन

नवी दिल्ली4 महिन्यांपूर्वी
  • कॉपी लिंक
  • NSG ला मिळाली होती कैद्यांना सोडवण्याची जबाबदारी

नॅशनल सिक्योरिटी गार्डचे माजी चीफ IPS अधिकारी ज्योती कृष्ण दत्त यांचे बुधवारी गुडगावमध्ये निधन झाले आहे. त्यांना कोरोनाचे संक्रमण झाले होते. जेके दत्त यांनी 2008 मध्ये मुंबईत झालेल्या दहशतवादी हल्ल्याच्या विरोधात ऑपरेशन लीड केले होते. या ऑपरेशनला ब्लॅक टॉरनेडो नाव देण्यात आले होते. दत्त ऑगस्ट 2006 ते फेब्रुवारी 2009 पर्यंत NSG चे DG राहिले आहेत. NSG मध्ये येण्यापूर्वी ते CBI चे स्पेशल डायरेक्टर होते.

NSG ला मिळाली होती कैद्यांना सोडवण्याची जबाबदारी
26 नोव्हेंबर 2008 ला मुंबईमध्ये झालेल्या दहशतावादी हल्ल्याविरोधात लढा देण्यासाठी ऑपरेशन ब्लॅक टॉरनेडो चालवण्यात आले होते. त्यानंतर पाकिस्तानमधील सशस्त्र अतिरेक्यांनी ताज पॅलेस आणि दक्षिण मुंबईतील महत्त्वाच्या इमारतींना लक्ष्य केले होते. दहशतवाद्यांनी 100 वर्ष जुन्या ताज हॉटेलमध्ये अनेकांना बंधक बनवले होते. NSG यांना बंधकांना सोडवणे आणि हॉटेलला दहशतवाद्यांच्या ताब्यातून मुक्त करण्याची जबाबदारी देण्यात आली होती.

क्रिकेट टीमच्या सुरक्षेसाठी विदेशात पाठवले होते NSG कमांडो
2007 मध्ये वेस्टइंडीजमध्ये क्रिकेट वर्ल्ड कपदरम्यान भारतीय क्रिकेट टीमला NSG कमांडोची सुरक्षा प्रदान करण्यात आली होती. कॅरिबियन बेटांवर सुरक्षेच्या पुरेशा व्यवस्था नसल्यामुळे भारत सरकारने हा निर्णय घेतला. त्यानंतर एनएसजी कमांडो वेस्ट इंडिजमध्ये पाठवण्यात आले. तेव्हा ज्योती कृष्ण दत्त एनएसजीचे महासंचालक होते. ही पहिली वेळ होती जेव्हा भारतीय संघाला देशाबाहेर जाताना एनएसजीचे सुरक्षा कवच देण्यात आले होते.

बातम्या आणखी आहेत...