गँगस्टर अनिल दुजाना एन्काउंटरमध्ये ठार:STF ने मेरठमध्ये केला खात्मा, अनेक राज्यांमध्ये 60 हून अधिक गुन्हे होते दाखल

यूपी एसटीएफने गुरुवारी मेरठमध्ये गँगस्टर अनिल दुजाना (36) याला एन्काउंटरमध्ये ठार केले. तो नोएडातील बादलपूर पोलीस स्टेशन हद्दीतील दुजाना गावचा रहिवासी होता. 3 वर्षे अयोध्या तुरुंगात बंद होता. काही काळापूर्वी त्याची जामिनावर सुटका झाली होती. तेव्हापासून तो फरार होता. दुजानावर 18 खुनांसह 62 हून अधिक गुन्हे दाखल आहेत. तो टोळी तयार करून खून, दरोडे घालत असे. यूपी एसटीएफने गेल्या 6 वर्षांत दुजानासह 184 एन्काउंटर केले आहेत.

सर्वात आधी पाहा एन्काउंटरचे 3 फोटो..

दुजाना गावातील कुख्यात सुंदरने दिली होती इंदिरा गांधींना धमकी

2011 मध्ये अनिल दुजाना याला बादलपूर कोतवाली येथे आयपीसीच्या कलम-174A प्रकरणी 3 वर्षांची शिक्षा सुनावण्यात आली आहे. 20 हजार रुपये दंड जमा करण्याचे आदेश दिले आहेत. बादलपूरचे दुजाना गाव एकेकाळी कुप्रसिद्ध सुंदर नगर ऊर्फ सुंदर डाकू म्हणून ओळखले जात होते. सत्तर आणि ऐंशीच्या दशकात दिल्ली-एनसीआरमध्ये सुंदरची भीती होती. त्यांनी तत्कालीन पंतप्रधान इंदिरा गांधी यांनाही जीवे मारण्याची धमकी दिली होती. अनिल नगर ऊर्फ अनिल दुजाना हा याच दुजाना गावचा होता. पोलिस रेकॉर्डनुसार 2002 मध्ये हरबीर पहिलवानच्या हत्येचा पहिला गुन्हा गाझियाबादमधील कवी नगर पोलिस ठाण्यात दाखल झाला होता.

बदला म्हणून भावाची हत्या

जानेवारी 2012 मध्ये अनिल तिहेरी हत्याकांडात अडकला होता. तुरुंगातून त्याने आपली टोळी चालवण्यास सुरुवात केली. रणदीप भाटी आणि अमित कसाना मदत करायचे. त्याने तुरुंगातूनच खून आणि खंडणीचे कट रचण्यास सुरुवात केली. जानेवारी 2014 मध्ये सुंदर भाटी टोळीने दुजानाच्या घरावर हल्ला केला होता. रॅपिड फायरिंगमध्ये त्याचा भाऊ जय भगवान मारला गेला. अनिलच्या वडिलांनी सुंदर भाटी याच्यासह आठ जणांची नावे दिली होती. याचा बदला घेण्यासाठी दुजाना टोळीने सुंदरचा मुलगा राहुलचा खून केला. जानेवारी 2019 मध्ये दुजानाच्या गुंडांनी दिल्लीतील नंद नगरी येथील एका व्यावसायिकाकडून 50 लाख रुपयांची खंडणी मागितली. तो 9 वर्षांनंतर जानेवारी 2021 मध्ये जामिनावर बाहेर आला होता. 16 ऑक्टोबर 2021 रोजी सिकंदराबाद येथील व्यावसायिकाकडून एक कोटींची खंडणी मागितली. खेडी गावातील जयचंद खून प्रकरणातील साक्षीदार प्रधान, त्याच्या पत्नीलाही धमकावण्यात आले होते. दोन्ही गुन्ह्यांत तो वॉण्टेड होता.

मोठा गँगस्टर बनल्यावर केले जावई

गँगस्टर अनिल दुजानाने फेब्रुवारी 2019 मध्ये बागपतच्या पूजासोबत सूरजपूर कोर्टात एंगेजमेंट केली होती. फेब्रुवारी 2021 मध्ये तो जामिनावर बाहेर आला आणि त्याने पूजाशी लग्न केले. दुजानाची पत्नी पूजा हिचे वडील लीलू यांचा बागपतमधील चाळीस बिघा जमिनीवरून राजकुमारसोबत वाद सुरू असल्याचे यूपी पोलिसांच्या तपासात समोर आले आहे. राजकुमारने आपल्या दोन मुलींचे लग्न गाझियाबादचा कुख्यात गुंड हरेंद्र खडखडी आणि त्याच्या भावाशी केले होते. यामुळेच पूजाच्या वडिलांना आपल्या मुलीसाठी अनिल दुजाना हा खरखडीतील मोठा गँगस्टरला निवडले होते.