महागाई:1 वर्षात गॅस सिलिंडर 150 रुपयांनी महागला; मुंबईत एक किलो डाळ 110 ते 129 रुपयांवर, पाहा 8 वस्तूंची यादी

मार्च महिन्यातील किरकोळ महागाईची आकडेवारी आज जाहीर होणार आहे. गेल्या एका वर्षात म्हणजेच 10 एप्रिल 2022 ते 10 एप्रिल 2023 या कालावधीत घरगुती गॅस सिलिंडरच्या किमतीत 150 रुपयांनी वाढ झाली आहे. त्याची किंमत 1100 रुपयांच्याही पुढे गेली आहे.

याशिवाय दिल्लीत तूर डाळ 103 रुपयांवरून 128 रुपये किलो झाली आहे. तर मुंबईत 110 ते 139 रुपयांपर्यंत भाव पोहोचले आहेत. त्याचप्रमाणे प्रत्येक घरातील दूध, डाळी, तांदूळ या दैनंदिन वापराच्या वस्तूंचे दरही वाढले आहेत. मात्र, पेट्रोल-डिझेल आणि सोयाबीन तेलाबद्दल बोलायचे झाले तर गेल्या वर्षभरात त्यांचे दर कमी झाले आहेत.

गेल्या वर्षभरात दैनंदिन वापराच्या वस्तूंच्या किमती किती वाढल्या किंवा कमी झाल्या हे पाहा....

गेल्या वर्षभरात पेट्रोल आणि डिझेलचे दर घटले

गेल्या एका वर्षात म्हणजेच 10 एप्रिल 2022 ते 10 एप्रिल 2023 या कालावधीत पेट्रोल आणि डिझेलच्या किमती कमी झाल्या आहेत. 10 एप्रिल 2022 रोजी दिल्लीत पेट्रोल 105 रुपये प्रति लिटरने विकले जात होते, जे आता 96.72 रुपये आहे. तर डिझेलचा दर 96.67 रुपये होता, तो आता 89.62 रुपये प्रति लिटरने विकला जात आहे.

महागाई वाढण्याची कारणे कोणती?

महागाई वाढणे म्हणजे तुमच्या कमावलेल्या पैशाचे मूल्य कमी होईल. उदाहरणार्थ, जर महागाईचा दर 7% असेल, तर तुम्ही कमावलेले 100 रुपये 93 रुपये असतील. अर्थव्यवस्थेत किंमती किंवा महागाई वाढवणारे अनेक घटक आहेत. महागाई सामान्यतः उत्पादन खर्चात वाढ, उत्पादने आणि सेवांच्या मागणीत वाढ किंवा पुरवठा कमी झाल्यामुळे होते. महागाई वाढण्याची 6 प्रमुख कारणे आहेत.