आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Gautam Adani Priti Adani Not Interested In Politics Adani Group Issued An Official Statement | Marathi News

राजकारणात जाणार नाहीत गौतम अदानी:राज्यसभेवर पाठवण्याच्या वृत्तावर समूहाचे स्पष्टीकरण - गौतम अदानींना राजकारणात रस नाही

2 दिवसांपूर्वी
  • कॉपी लिंक

गौतम अदानी यांना राज्यसभेवर पाठवण्याच्या वृत्तावर अदानी समूहाने स्पष्टीकरण दिले आहे. अदानी कुटुंबाला राजकारणात रस नाही, असे ग्रुपने म्हटले आहे. अदानी ग्रुपने शनिवारी रात्री उशिरा हे अधिकृत विधान प्रसिद्ध केले.

अदानी समूहाला निवेदन का द्यावे लागले
राज्यसभेच्या रिक्त जागांसाठी निवडणुका जाहीर होताच, अदानी समूहाचे मालक गौतम अदानी किंवा त्यांच्या पत्नी प्रीती अदानी यांना राजकीय पक्षाकडून राज्यसभेवर पाठवले जाऊ शकते, असा दावा अनेक बातम्यांमध्ये करण्यात आला होता. यानंतर अदानी समूहाला याबाबत स्पष्टीकरण द्यावे लागले.

अदानी समूहाने निवेदनात लिहिले - स्वतःच्या फायद्यासाठी नाव खराब करत आहेत
अदानी समूहाने सोशल मीडियावर लिहिले – आम्हाला त्या बातम्यांची माहिती आहे, ज्यात गौतम अदानी किंवा डॉ. प्रीती अदानी यांना राज्यसभेची जागा दिली जाईल असे सांगितले जात आहे. या खोट्या बातम्या आहेत. राज्यसभेत जागा रिकामी झाली की अशा बातम्या येऊ लागतात. काही लोक स्वतःच्या फायद्यासाठी आमचे नाव त्यांच्या रिपोर्ट्समध्ये ओढत आहेत, हे अत्यंत दुर्दैवी आहे. गौतम अदानी, प्रीती अदानी आणि अदानी कुटुंबातील कोणत्याही सदस्याला राजकीय कारकीर्द किंवा कोणत्याही राजकीय पक्षात सामील होण्यात रस नाही.

रिपोर्ट्समध्ये दावा - अदानी यांना आंध्रमधून राज्यसभेवर पाठवले जाऊ शकते
नुकत्याच आलेल्या रिपोर्ट्समध्येमध्ये असा दावा करण्यात आला आहे की, जूनमध्ये आंध्र प्रदेशातील राज्यसभेच्या 4 जागांसाठी लॉबिंग जोरात सुरू झाले आहे. व्ही विजयसाई रेड्डी, टीडी व्यंकटेश, वायएस चौधरी आणि सुरेश प्रभू हे 21 जून रोजी निवृत्त होत आहेत. त्यांच्या जागांसाठी 6 नावे आघाडीवर आहेत. त्यात अदानी कुटुंबातील सदस्यांचाही समावेश आहे.

राज्यसभेच्या 57 जागांसाठी 10 जून रोजी मतदान
15 राज्यांमधील राज्यसभेच्या 57 जागांसाठी 10 जून रोजी निवडणूक होणार आहे. या सर्व जागांच्या खासदारांचा कार्यकाळ जून ते ऑगस्ट दरम्यान पूर्ण होत आहे. राज्यसभेतही बहुमत मिळवण्यासाठी भाजपचे प्रयत्न आहेत. 245 जागांपैकी भाजपला 101 जागा मिळाल्या आहेत. निवडणुकीनंतर त्यांची संख्या वाढेल.

बातम्या आणखी आहेत...