आता विमानाने थेट उत्तर गोव्याला पोहचता येणार:'मोपा' विमानतळावर कॅसिनो, रिसॉर्ट अन् शॉपिंग प्लाझा; रात्रीची पार्किंग सुविधा

भारतातील लोकप्रिय पर्यटनस्थळ असलेल्या गोव्यात आता दोन विमानतळ झाले आहेत. दक्षिण गोव्यात आधीच बांधलेल्या दाबोलीम विमानतळानंतर उत्तर गोव्यातील मोपा विमानतळही रेडी झाले आहे. नवीन विमानतळामुळे गोव्याची कनेक्टिव्हिटी वाढणार असून पर्यटनाला चालना मिळणार आहे. उत्तर गोव्यात येऊ इच्छिणाऱ्या पर्यटकांना आता या विमानतळावरून थेट पोहोचता येणार आहे.

A380 सारखी जंबो विमाने देखील मोपा विमानतळावरून टेक ऑफ आणि लँड करू शकतात. या विमानतळावर रात्रीच्या पार्किंगची सुविधाही उपलब्ध होणार आहे. त्याचबरोबर येथे कॅसिनो, इको रिसॉर्ट आणि शॉपिंग प्लाझा बांधण्यात आला आहे. सद्या मोपा विमानतळाची दरवर्षी 44 लाख प्रवाशांना सेवा देण्याची क्षमता आहे, ती 3.3 कोटींपर्यंत वाढवता येऊ शकते.

मोपा विमानतळाला मनोहर पर्रीकरांचे नाव दिले

नव्याने बांधण्यात आलेल्या मोपा विमानतळाला राज्याचे माजी मुख्यमंत्री मनोहर पर्रीकर यांचे नाव देण्यात आले आहे. आधीच बांधलेल्या दाबोलीम विमानतळापासून मोपाचे अंतर सुमारे 50 किलोमीटर आहे. 5 जानेवारी 2023 पासून या विमानतळावरील कामकाज सुरू होईल. चला तर जाणून घेऊया, या विमानतळाचे काये वैशिष्ट्ये आहे. तसेच प्लाईटचे नियोजन कसे केले जाणार आहे.

का बांधले नवीन विमानतळ ?

मोपा विमानतळावर रात्रीच्या पार्किंगची सोय
रात्री दाबोलीम विमानतळावर पार्किंगची सोय नव्हती. हे मोपावर एक वैशिष्ट्य आहे. त्याचवेळी दाबोलीम विमानतळावर मालवाहतूक सुविधा नाही, तर मोपा येथे 25 हजार मेट्रिक टन क्षमतेची मालवाहू सुविधा असणार आहे.

MOPA मधून किती उड्डाणे चालतील ?

विमानतळावर 5G सुसंगत आयटी पायाभूत सुविधा
मोपा विमानतळ शाश्वत पायाभूत सुविधांच्या थीमवर बांधले गेले आहे. यामध्ये सौरऊर्जा प्रकल्प, ग्रीन बिल्डिंग, पानवेवरील एलईडी दिवे, रेन वॉटर हार्वेस्टिंग आणि पुनर्वापराच्या सुविधांसह अत्याधुनिक सांडपाणी प्रक्रिया प्रकल्प अशा सुविधा आहेत. याने 3-डी मोनोलिथिक प्रीकास्ट बिल्डिंग, स्टेबलरोड, रोबोटिक पोकळ प्रीकास्ट वॉल आणि 5G सुसंगत IT पायाभूत सुविधा यासारख्या काही सर्वोत्तम-इन-क्लास तंत्रज्ञानाचा अवलंब केला आहे.

मोपा विमानतळाचे काम 4 टप्प्यात पूर्ण होणार आहे
मोपा विमानतळ चार टप्प्यात विकसित केले जाणार आहे. पहिला टप्पा 44 लाख प्रवाशांना हाताळण्यासाठी तयार करण्यात आला आहे. दुसऱ्या टप्प्यात 58 लाख, तिसऱ्या टप्प्यात 94 लाख आणि चौथ्या टप्प्यात 1.31 कोटी प्रवाशांना हाताळण्याची क्षमता विकसित केली जाणार आहे. सर्व चार टप्पे एकत्र केल्यास, प्रवाशांना सेवा देण्यासाठी विमानतळाची क्षमता 3.3 कोटी होईल.

अधिक पर्यटक येणार, अर्थव्यवस्थेला मिळेल चालना

गोव्याच्या उत्पन्नाचा मोठा हिस्सा प्रवासी उद्योगातून येतो. येथे येणाऱ्या पर्यटकांची संख्या राज्याच्या लोकसंख्येच्या चौपट आहे. उत्तर गोव्यात कँडोलिम बीच, आरंबोल बीच, चापोरा किल्ला अशी अनेक ठिकाणे आहेत. मोपा विमानतळाच्या निर्मितीमुळे गोव्याची कनेक्टिव्हिटी सुधारेल. त्यामुळे पर्यटनालाही चालना मिळणार आहे. उत्तर गोव्यात येऊ इच्छिणाऱ्या कोणत्याही पर्यटकाला थेट येथे पोहोचता येईल. मोपा विमानतळ गोव्याची राजधानी पणजीपासून अवघ्या​​​ 35 किलोमीटर अंतरावर आहे.