गुजरातमध्ये CM भूपेंद्र पटेल आणि 16 मंत्र्यांची शपथ:पंतप्रधानांनी व्यासपीठावरून जनतेला केला नमस्कार, मंत्रिमंडळाचीही घेतली भेट

62 वर्षीय भूपेंद्र पटेल यांनी सोमवारी गुजरातचे 18वे मुख्यमंत्री म्हणून शपथ घेतली. गांधीनगर सचिवालयाच्या हेलिपॅड मैदानावर दुपारी 2.00 वाजता राज्यपालांनी त्यांना मंत्रिपदाची शपथ दिली. भूपेंद्र पटेल यांच्यानंतर 16 मंत्र्यांनीही शपथ घेतली. यामध्ये 8 कॅबिनेट मंत्री, दोन स्वतंत्र प्रभार आणि सहा राज्यमंत्री आहेत. भूपेंद्र पटेल यांच्यासह 16 मंत्री शपथ घेऊ शकतात, असे दिव्य मराठीने एक दिवस आधी सांगितले होते.

शपथविधीनंतर पंतप्रधानांनी व्यासपीठावरून जनतेला नमस्कार केला. यानंतर त्यांनी भूपेंद्र पटेल यांच्या मंत्रिमंडळाची भेट घेतली आणि त्यांच्यासोबत फोटोही काढला. समारंभासाठी पंतप्रधान नरेंद्र मोदी, गृहमंत्री अमित शहा आणि संरक्षण मंत्री राजनाथ सिंह यांच्यासह भाजपशासित राज्यांचे मुख्यमंत्री मंचावर उपस्थित होते. त्याच वेळी, दोन हजारांहून अधिक नेते आणि 200 संत देखील शपथविधीचा भाग झाले.

गुजरातचे 18वे मुख्यमंत्री झालेले पटेल हे पाटीदार समाजातील एकमेव नेते आहेत, जे सलग दुसऱ्यांदा मुख्यमंत्री होत आहेत. 15 महिन्यांपूर्वी त्यांना विजय रुपानी यांच्या जागी गुजरातची जबाबदारी देण्यात आली होती. पटेल यांच्यासह 16 मंत्र्यांनीही शपथ घेतली. त्यांची नावे खाली दिली आहेत...

कॅबिनेट मंत्री

राज्यमंत्री स्वतंत्र प्रभार

राज्यमंत्री

रविवारी रात्री उशिरा पंतप्रधान मोदी अहमदाबादला पोहोचले

राज्यपालांनी सोमवारी दुपारी दोनची वेळ दिली
सीआर पाटील, भूपेंद्र पटेल यांच्यासह अनेक नेते शनिवारी राजभवनात पोहोचले होते. येथे पक्षाचे नेते म्हणून भूपेंद्र पटेल यांची निवड झाल्याबद्दल राज्यपाल आचार्य देवव्रत यांना पत्र देण्यात आले. यानंतर सरकार स्थापनेचा दावा करत शपथविधीसाठी वेळ मागितली. त्यामुळे राज्यपालांनी सोमवारी दुपारी दोनची वेळ दिली होती.

12 आमदारांना फोन गेले
मीडिया रिपोर्ट्सनुसार, 16 आमदार मंत्री होणार असल्याचे मानले जात आहे. यापैकी 12 आमदारांना फोन गेले आहेत. त्यामध्ये हर्ष संघवी, मुकेश पटेल, पुरुषोत्तम सोळंकी, बलवंत सिंग राजपूत, मोलूभाई बेरा, भानुबेन बाबरिया, बच्चू खबर, कुबेर डिडोर, जगदीश विश्वकर्मा, भिखू परमार, देवा मालूम, प्रफुल्ल पानसेरिया, ऋषिकेश पटेल, कनुभाई देसाई, कुबेरजी पटेल, रावजी पटेल यांचा समावेश आहे.

मंत्रिमंडळात मी असेल की नाही, हे पक्ष ठरवेल - हार्दिक
हार्दिक पटेलला भूपेंद्र पटेल यांच्या मंत्रिमंडळात स्थान मिळेल की नाही, याबाबत अजूनही साशंकता आहे. मंत्रिमंडळात राहायचे की नाही याचा निर्णय पक्ष घेईल, कोणतीही जबाबदारी आली तरी पार पाडेल असे खुद्द पटेल सांगत आहेत.

संकल्पपत्रातील सर्व आश्वासने पूर्ण केली जातील
पुन्हा एकदा मुख्यमंत्रीपदी निवड झाल्याबद्दल भूपेंद्र पटेल म्हणाले की, भाजपने संकल्प पत्रात समाविष्ट केलेल्या सर्व मुद्द्यांना प्राधान्य दिले जाईल. राज्यातील जनतेने भाजप आणि पंतप्रधान नरेंद्र मोदी यांच्यावर जो विश्वास टाकला आहे त्याला तडा जाऊ देणार नाही. समान नागरी संहितेबाबत भूपेंद्र पटेल म्हणाले की, यासाठी आम्ही आधीच समिती स्थापन केली असून त्याच्या शिफारशीच्या आधारे पुढील कार्यवाही केली जाईल.