गुजरातमध्ये पाकिस्तानचे ड्रग्ज जप्त:427 कोटींचे 61 किलो ड्रग्ज उत्तर भारतात पोहोचवले जाणार होते, 6 इराणी ताब्यात

गुजरातच्या द्वारका जिल्ह्यातील ओखा किनाऱ्यापासून 185 सागरी मैल दूर अरबी समुद्रातून 425 कोटी रुपयांचे 61 किलो ड्रग्ज जप्त करण्यात आले आहे. भारतीय तटरक्षक दल आणि एटीएसच्या पथकाने केलेल्या संयुक्त पथकाने ही कारवाई केली. ड्रग्जच्या खेपासह 6 इराणी नागरिकांनाही ताब्यात घेण्यात आले असून, त्यांची चौकशी सुरू आहे.

उत्तर भारतातील शहरांमध्ये जाणार होते ड्रग्ज
एटीएसकडून मिळालेल्या माहितीनुसार, ड्रग्जची ही खेप गुजरातमधील साबरकांठा येथे दाखल होणार होती. त्यानंतर येथूनच उत्तर भारतातील शहरांना पुरवठा करण्याचे नियोजन करण्यात आले. या प्रकरणी एटीएसच्या अधिकाऱ्यांनी इराणच्या मोहसीन अयुब बलोच, असगर रियाज बलोच, खुदाबक्ष हाजीहाल बलोच, रहिमबक्ष मिलबक्ष बलोच आणि मुस्तफा आदम बलोच यांच्यासह पाच जणांना चौकशीसह कोठडीत घेण्याची प्रक्रिया सुरू केली आहे.

इराणचा आंतरराष्ट्रीय ड्रग्ज माफिया गुलाम बलोचीची टोळी
एटीएस प्रमुख दिपेश भद्रुन आणि एसपी सुनील जोशी आणि भारतीय तटरक्षक दलाच्या कर्मचाऱ्यांनी केलेल्या संयुक्त कारवाईत 427 कोटी रुपयांची आंतरराष्ट्रीय स्तरावरील 61 किलोची खेप जप्त करण्यात आली. चौकशीत हा गट इराणचा आंतरराष्ट्रीय ड्रग्ज माफिया गुलाम बलोचीचा असल्याचे समोर आले आहे. ज्याला पाकिस्तानच्या यशनी बंदरातून 5 इराणी खलाशांसह येथे पाठवण्यात आले होते.