आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Gujarat Election 2022 Voting LIVE Update; Narendra Modi Amit Shah | BJP Congress AAP Gujarat Election Voting Percentage

LIVEगुजरात निवडणुकीच्या पहिल्या टप्प्यात 59.24% मतदान:गेल्या पंचवार्षिक पेक्षा 10% कमी मतदान, सौराष्ट्रात 42% पर्यंत घट

अहमदाबाद2 महिन्यांपूर्वी
  • कॉपी लिंक
राजकोटचे राजघराणे विंटेज कारमध्ये मतदानासाठी गेले, क्रिकेटर रवींद्र जडेजा पत्नी रिवाबासह आणि आदिवासींनी गुजरातच्या जांबूरमध्ये प्रथमच मतदान केले.

गुजरात विधानसभा निवडणुकीच्या पहिल्या टप्प्यातील मतदान सायंकाळी 5 वाजता पूर्ण झाले. मतदानाला संथ गतीने सुरुवात झाली. दुपारी 12 नंतर काही प्रमाणात मतदानात वाढ झाली. परंतु, अंदाजानुसार मतदानाची टक्केवारी कमीच राहिली. सायंकाळी 5 वाजता मतदान केंद्रे बंद झाली, मात्र कॅम्पसमध्ये मतदारांचे मतदान सुरूच होते. मिळालेल्या आकडेवारीनुसार सायंकाळी 5 वाजेपर्यंत 57 टक्के मतदान झाले आहे.

दक्षिण गुजरातच्या तुलनेत सौराष्ट्रात 14% कमी मतदान

सौराष्ट्र-कच्छमध्ये केवळ 42 टक्के मतदान झाले. त्याचवेळी दक्षिण गुजरातमध्ये 56 टक्के मतदान झाले आहे. अशाप्रकारे दक्षिण गुजरातच्या तुलनेत सौराष्ट्रात 14 टक्के कमी मतदान झाले आहे. येथील 12 जिल्ह्यांपैकी केवळ मोरबीमध्ये 53.75% मतदान झाले. उर्वरित जिल्ह्यांमध्ये आतापर्यंत 50% पेक्षा कमी मतदान झाले आहे. त्यामुळे पाटीदार मतदारसंघात कमी मतदान झाल्याने उमेदवार चिंतेत पडले आहेत.

788 उमेदवार रिंगणात
राज्यातील 19 जिल्ह्यांतील या जागांसाठी 788 उमेदवार रिंगणात आहेत. पहिल्या टप्प्यात 2 कोटींहून अधिक मतदारांना मतदानाचा हक्क बजावला. पहिल्या टप्प्यातील एकूण 89 जागांपैकी भाजपला सर्वाधिक 58, काँग्रेसकडे 26 आणि बीटीपीकडे 2, राष्ट्रवादीला एक जागा आहे.

AAP चे मुख्यमंत्री उमेदवार ओळखपत्र आणायला विसरले
द्वारकाच्या खंभलियामध्ये मतदान करण्यासाठी आलेले 'आप'चे सीएम उमेदवार आपले आय-कार्ड घरीच विसरले होते. यामुळे त्यांना 45 मिनिटे वाट पाहावी लागली. त्याचबरोबर क्रिकेटर रवींद्र जडेजाची पत्नी जामनगर-उत्तरमधून भाजपच्या उमेदवार आहेत. पण, मतदार ओळखपत्रात त्यांचे नाव राजकोटमध्ये येते. त्यामुळे त्यांनी रवींद्र जडेजासोबत राजकोटमध्ये मतदान केले.

  • नवसारी जिल्ह्यातील वासंदा येथे काँग्रेस आणि भाजप कार्यकर्त्यांमध्ये हाणामारी झाली. यामध्ये वासंदा येथील भाजपचे उमेदवार पियुष पटेल जखमी झाले. वासंदा हा काँग्रेसचा बालेकिल्ला आहे. काँग्रेसकडून अनंत पटेल रिंगणात आहेत.
  • पंतप्रधान नरेंद्र मोदी आणि गृहमंत्री अमित शहा यांनी गुरुवारी मतदारांना मोठ्या संख्येने मतदान करण्याचे आवाहन केले.
  • गुजरातचा मिनी आफ्रिका म्हणून ओळखल्या जाणाऱ्या जांबूर गावात लोक पहिल्यांदाच मतदान करणार आहेत. त्यांच्यासाठी येथे खास आदिवासी बूथ बनवण्यात आले आहे.
  • मतदानाच्या एक दिवस आधी म्हणजेच 30 ऑक्टोबर रोजी पोलिंग पार्टिना पाठवण्यात आले होते. अनेक ठिकाणी बसमधून तर अनेक ठिकाणी बोटीतून निवडणूक साहित्याची वाहतूक करण्यात आली.
  • 182 हून अधिक मतदान केंद्रांवर PWD कर्मचारी कार्यरत आहेत. 1,274 बूथवर सर्व महिला कर्मचारी उपस्थित राहतील.

पाहा पहिल्या टप्प्यातील मतदानाचे फोटो...

गुजरातचे आफ्रिकन जांबूर गावात मतदानासाठी जात आहेत.
गुजरातचे आफ्रिकन जांबूर गावात मतदानासाठी जात आहेत.
गुजरात काँग्रेसचे ज्येष्ठ नेते कै. अहमद पटेल यांची कन्या मुमताज मतदान करताना.
गुजरात काँग्रेसचे ज्येष्ठ नेते कै. अहमद पटेल यांची कन्या मुमताज मतदान करताना.
राजकोटचे मांधातसिंहजी जडेजा यांचे कुटुंब विंटेज कारने मतदान करण्यासाठी पोहचले.
राजकोटचे मांधातसिंहजी जडेजा यांचे कुटुंब विंटेज कारने मतदान करण्यासाठी पोहचले.
उमरगाम येथे राहणाऱ्या 100 वर्षीय कामुबेन पटेल यांनीही मतदान केले.
उमरगाम येथे राहणाऱ्या 100 वर्षीय कामुबेन पटेल यांनीही मतदान केले.
अमरेलीचे काँग्रेस आमदार परेश धनानी रिकामे गॅस सिलिंडर सायकलवर घेऊन मतदान करण्यासाठी आले. अशातच त्यांनी गॅस आणि इंधनाच्या वाढत्या किमतीचा मुद्दाही उपस्थित केला.
अमरेलीचे काँग्रेस आमदार परेश धनानी रिकामे गॅस सिलिंडर सायकलवर घेऊन मतदान करण्यासाठी आले. अशातच त्यांनी गॅस आणि इंधनाच्या वाढत्या किमतीचा मुद्दाही उपस्थित केला.
भाजपच्या रिवाबा जडेजाने राजकोटमध्ये मतदान केले. जामनगर उत्तरमधून त्या निवडणूक लढवत आहेत.
भाजपच्या रिवाबा जडेजाने राजकोटमध्ये मतदान केले. जामनगर उत्तरमधून त्या निवडणूक लढवत आहेत.
मध्य प्रदेशचे राज्यपाल मंगूभाई पटेल यांनी त्यांच्या पत्नीसह नवसारी बुध येथे मतदान केले.
मध्य प्रदेशचे राज्यपाल मंगूभाई पटेल यांनी त्यांच्या पत्नीसह नवसारी बुध येथे मतदान केले.
नवसारी जिल्ह्यातील वासंदा येथे काँग्रेस आणि भाजप कार्यकर्त्यांमध्ये हाणामारी झाली. यामध्ये वासंदा येथील भाजपचे उमेदवार पियुष पटेल जखमी झाले.
नवसारी जिल्ह्यातील वासंदा येथे काँग्रेस आणि भाजप कार्यकर्त्यांमध्ये हाणामारी झाली. यामध्ये वासंदा येथील भाजपचे उमेदवार पियुष पटेल जखमी झाले.

पहिल्या टप्प्यात सात जागांवर आपचा प्रभाव
पहिल्या टप्प्यातील एकूण 89 जागांपैकी सहा ते सात जागा अशा आहेत, जिथे केजरीवाल यांच्या आम आदमी पक्षाचा म्हणजेच आपचा प्रभाव आहे. यातील सहा जागा सुरत जिल्ह्यातील आहेत. तर एक जागा द्वारका जिल्ह्यात आहे. द्वारकाच्या खंभलिया मतदारसंघातून आपचे मुख्यमंत्री उमेदवार इशुदान गढवी रिंगणात आहेत.

किनारी भागात पोलिंग पार्टी पोहचली. अनेक ठिकाणी बोटीतून निवडणूक साहित्यही पाठवण्यात आले.
किनारी भागात पोलिंग पार्टी पोहचली. अनेक ठिकाणी बोटीतून निवडणूक साहित्यही पाठवण्यात आले.

पूल दुर्घटनेमुळे मोरबी चर्चेत
पूल दुर्घटनेमुळे चर्चेत आलेल्या मोरबी जिल्ह्यातील मोरबी, टंकारा आणि वांकानेर या तीन जागांसाठी आज मतदान होत आहे. या जागांवर विजय-पराजयाचे आकडे बघितले तर 1962 पासून भाजपने सहावेळा तर काँग्रेसने पाचवेळा विजय मिळवला आहे. दोन वेळा अपक्ष उमेदवार विजयी झाले आहेत.

2017 च्या मागील निवडणुकीबद्दल बोलायचे झाले तर, काँग्रेसच्या तिकिटावर पाटीदार प्रभावित मोरबी मतदारसंघातून विजयी झालेल्या ब्रजेश मेरजा यांनी पक्ष बदलला. त्यानंतर त्यांनी भाजपच्या तिकिटावर निवडणूक लढवून विजय मिळवला. मात्र, यावेळी भाजपने ब्रजेश मेरजा यांना तिकीट न देता कांती अमृतिया यांना उमेदवारी दिली आहे.

मोरबीतील दीड शतक जुना केबल पूल 30 ऑक्टोबर रोजी कोसळला होता. यामध्ये 137 जणांना आपला जीव गमवावा लागला.
मोरबीतील दीड शतक जुना केबल पूल 30 ऑक्टोबर रोजी कोसळला होता. यामध्ये 137 जणांना आपला जीव गमवावा लागला.

मोदींच्या राजकोटमध्ये आज मतदान
पंतप्रधान नरेंद्र मोदी यांच्या राजकोट पश्चिम येथेही पहिल्या टप्प्यात मतदान होत आहे. मोदींनी 2002 मध्ये राजकोट पश्चिममधून निवडणूक लढवली होती. त्यानंतर मोदी 14 हजार मतांनी विजयी झाले. 2002 नंतर भाजपकडून वजुभाईवाला यांनी दोनदा आणि भाजपकडून विजय रुपाणी यांनी एकदा या जागेवरून निवडणूक जिंकली आहे. लोहाणा, ब्राह्मण, पाटीदार आणि जैन बहुल या जागेवर 2022 च्या विधानसभा निवडणुकीत भाजपने डॉ. दर्शिता शहा यांना उमेदवारी दिली आहे.

पोलिंग पार्टी निवडणूक साहित्य घेऊन एक दिवस अगोदरच आपापल्या ड्युटी बूथवर पोहोचले आहेत.
पोलिंग पार्टी निवडणूक साहित्य घेऊन एक दिवस अगोदरच आपापल्या ड्युटी बूथवर पोहोचले आहेत.

गुजरात निवडणुकीशी संबंधित मनोरंजक तथ्ये

  • गुजरातमधील 2012 च्या विधानसभा निवडणुका पंतप्रधान नरेंद्र मोदी यांच्या थेट नेतृत्वाखाली लढल्या गेलेल्या शेवटच्या निवडणुका होत्या. तेव्हा मोदी हे मुख्यमंत्रीपदाचा चेहरा होते.
  • 2012 च्या तुलनेत 2017 मध्ये पहिल्या टप्प्यातील जागांसाठी सरासरी मतदान कमी झाले होते. त्याचा थेट फटका भाजपला बसला.
  • 2012 मध्ये मतदान जास्त असताना भाजपच्या खात्यात 61 जागा आल्या होत्या. 2017 मध्ये मतदान कमी झाल्याने भाजपच्या जागा 48 वर आल्या.
बातम्या आणखी आहेत...