दोन वळू रस्त्यावर भिडले:शाळकरी मुलांनी भरलेल्या ऑटोला दिली धडक, एका मुलाच्या हाताला किरकोळ दुखापत

गुजरातमधील जेतपूर तालुक्यातील टाकुडीपारा भागात दोन वळू एकमेकांना चांगलेच भिडले. त्यांच्या भांडणात शाळेतील मुलांना घेऊन जाणारा ऑटो पलटला. यात 10 मुले होती, ते थोडक्यात बचावले. एका मुलाच्या हाताला किरकोळ दुखापत झाली आहे. ही घटना सीसीटीव्हीत कैद झाली आहे.

वळुंच्या भांडणात ऑटो उलटला
दुपारी बाराच्या सुमारास हा अपघात झाला. रस्त्याच्या मधोमध दोन वळुंची मारामारी झाली. दरम्यान एका वळुच्या धडकेने दुसरा वळु शाळकरी मुलांनी भरलेल्या ऑटोला धडकला. त्यामुळे ऑटो उलटला. यावेळी 10 हून अधिक शाळकरी मुले ऑटोमधून शाळेत जात होती. स्थानिक नागरिकांनी मुलांच्या मदतीसाठी धाव घेतली. सुदैवाने यातील एकाही मुलाला गंभीर दुखापत झाली नाही. एका विद्यार्थ्याच्या हाताला किरकोळ दुखापत झाली.

घाबरलेल्या मुले लागली रडायला
अपघातामुळे घाबरलेली मुले घाबरून रडू लागली. मात्र, आजूबाजूच्या लोकांनी मुलांना शांत केले. काही वेळात मुलांचे पालक आणि शाळेतील शिक्षकही घटनास्थळी पोहोचले. एकाही बालकाला गंभीर दुखापत न झाल्याने पालकांनी सुटकेचा नि:श्वास सोडला.

भटक्या प्राण्यांबद्दल लोकांमध्ये रोष
या घटनेबाबत घटनास्थळी जमलेल्या नागरिकांनी पालिकेवर संताप व्यक्त केला. जेतपूरमध्ये भटक्या गुरांमुळे नागरिक हैराण झाले आहेत. रस्त्यांवर भटक्या गुरांमुळे नागरिकांना घराबाहेर पडणे कठीण झाले आहे. भटक्या प्राण्यांबाबत पालिकाही योग्य ती पावले उचलत नसल्याचे नागरिकांचे म्हणणे आहे.