हरियाणात पुरुष कर्मचाऱ्यांनाही बाल संगोपन रजा:संपूर्ण सेवा काळात 730 दिवसांची सुट्टी; 23 फेब्रुवारीपासून मिळेल लाभ, अधिसूचना जारी

हरियाणातील एक (सिंगल) पुरुष सरकारी कर्मचाऱ्यांनाही 2 वर्षांची देखभाल सुट्टी (सीसीएल) घेता येणार आहे. त्यांना आपल्या संपूर्ण नोकरीच्या कालावधीत 730 दिवसांची सुट्टी घेता येईल. 18 वर्षांपर्यंतच्या 2 मुलांच्या देखभालीसाठी 2 वर्षे व दिव्यांग मुलांच्या देखभालीसाठी या प्रकरणी वयाची कोणतीही अट असणार नाही. हरियाणा सरकारच्या 2022 मध्ये झालेल्या मंत्रिमंडळ बैठकीत हा निर्णय घेण्यात आला होता. आता वित्त विभागाने त्याची अधिसूचना जारी केली आहे.

23 फेब्रुवारीपासून मिळणार लाभ

हरियाणा वित्त विभागाचे अतिरिक्त सचिव अनुराग रस्तोगी यांनी जारी केलेल्या नोटिफिकेशनमध्ये नमूद करण्यात आले आहे की, पात्र कर्मचाऱ्यांना याचा लाभ 22 फेब्रुवारी 2023 पासून मिळेल. केंद्र सरकारने पूर्वीपासूनच एकल पुरुष कर्मचाऱ्यांना चाइल्ड केअर लिव्ह देत आहे. आता हरियाणा सरकारने त्याचे अनुसरन करण्याचा निर्णय घेतला आहे.

हे कर्मचारी पात्र असतील

एक पुरुष सरकारी कर्मचारी (विधुर किंवा घटस्फोटीत) व महिला सरकारी कर्मचाऱ्यांना 18 वर्षांच्या वयोमर्यादेपर्यंत आपल्या 2 मोठ्या मुलांच्या देखभालीसाठी आपल्या संपूर्ण सेवा काळात कमाल 2 वर्षांच्या (730 दिवस) चाइल्ड केअर लिव्हचा लाभ घेता येईल. दिव्यांग मुलांच्या बाबतीत सक्षम आरोग्य अधिकाऱ्यांनी जारी केलेल्या प्रमाणपत्रानुसार 40 टक्क्यांहून अधिक असक्षमता व दिव्यांग बालक पूर्णतः महिला किंवा एक पुरुष सरकारी कर्मचाऱ्यांवर अवलंबून असल्याच्या स्थितीत लाभ मिलेल.

आतापर्यंत महिलांनाच मिळत होता लाभ

आतापर्यंत चाइल्ड केअर लिव्हचा लाभ महिला कर्मचाऱ्यांनाच मिळत होता. पण आता त्याचा लाभ एकल पुरुष कर्मचाऱ्यांनाही मिळेल. याचा लाभ हरियाणा सरकारच्या हजारो कर्मचाऱ्यांना मिळण्याची शक्यता आहे.