आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Hemant Soren Prem Prakash; ED Raids Jharkhand Ranchi In Land Mining Case | Marathi News

झारखंडमध्ये EDचे छापे, AK-47 सापडल्या:CM सोरेन यांचे निकटवर्तीय प्रेम प्रकाश यांच्या घराच्या तिजोरीत दोन AK-47

3 महिन्यांपूर्वी
  • कॉपी लिंक

झारखंडमधील खाण घोटाळ्याप्रकरणी बुधवारी 16 ठिकाणी ईडीचे छापे पडत आहेत. रांची येथील सीएम हेमंत सोरेन यांच्या जवळच्या प्रेम प्रकाश यांच्या ठिकाणांवर छापे टाकण्यात आले. प्रेम प्रकाशच्या घराच्या तिजोरीतून दोन एके-47 रायफल जप्त करण्यात आल्या आहेत. 60 काडतुसेही सापडली आहेत. त्याची छायाचित्रे समोर आली आहेत.

प्रेम प्रकाश यांच्या जुन्या कार्यालयातही तपास सुरू आहे. गेल्या काही दिवसांपासून हे कार्यालय बंद आहे. प्रेमप्रकाशच्या 11 ठिकाणांवर छापेमारी सुरूच आहे. झारखंडच्या राजकारणात प्रेम प्रकाश यांचा मजबूत प्रभाव मानला जात होता. यापूर्वीही ईडीने प्रेम यांना चौकशीसाठी बोलावले होते. मात्र, काही तासांच्या चौकशीनंतर ईडीने त्यांची सुटका केली होती.

पोलिसांचा दावा - AK-47 जवानांच्या मालकीची, विभागीय कारवाई केली जाईल
एके-47 रायफल अर्गोरा पोलिस स्टेशनचे प्रभारी विनोद कुमार यांनी दावा केला आहे की, जप्त केलेली दोन एके-47 आणि 60 काडतुसे दोन्ही जिल्हा पोलिस कर्मचाऱ्यांची आहेत. जवानांवर जी काही विभागीय कारवाई होईल, ती वरिष्ठ अधिकारी करतील. त्यांना दोन एके-47 मिळाल्याची माहिती मिळाली होती त्यामुळे आपण चौकशीसाठी आले असल्याचे सांगितले.

हरमू येथील वसुंधरा एन्क्लेव्हच्या या इमारतीच्या आठव्या मजल्यावर प्रेम प्रकाश यांचे घर आहे.
हरमू येथील वसुंधरा एन्क्लेव्हच्या या इमारतीच्या आठव्या मजल्यावर प्रेम प्रकाश यांचे घर आहे.

प्रेमप्रकाशच्या जवळच्या अनेक CAच्या घरावरही छापे
या कारवाईची माहिती स्थानिक पोलिसांनाही देण्यात आलेली नाही. ईडी रांचीमधील येस अँड कंपनीच्या चार्टर्ड अकाउंटंट सीए एमके झा, अनिता कुमारी यांच्या घरीही कागदपत्रांची छाननी करत आहे. अनिता कुमारी यांचा सिंग अपार्टमेंट, जतीन चंद्र रोड, लालपूर येथे क्रमांक १-ए मध्ये फ्लॅट असून, त्यावरही छापा टाकण्यात येत आहे. एका पथकाने सासाराम येथील प्रेम प्रकाश यांच्या घराचीही झडती घेतली आहे.

अंडी सप्लाय करणारा प्रेम प्रकाश पॉवर ब्रोकर झाला

  • एकेकाळी मिड-डे मीलमध्ये अंडी पुरवण्याचे काम करणारे प्रेम प्रकाश 8 वर्षात झारखंडच्या सत्तेचे पावर ब्रोकर बनले. IAS-IPS अधिकार्‍यांच्या बदल्या-पोस्टिंगपासून ते अनेक कंत्राटे सांभाळण्यापर्यंत प्रेम प्रकाश यांचा मोठा वाटा आहे.
  • 8 वर्षांपूर्वी 2015-16 मध्ये राज्य सरकारने रेडी टू इट फूडची व्यवस्था केली होती. या माध्यान्ह भोजनात प्रेम प्रकाश यांना अंडी पुरवण्याचे काम मिळाले. या मार्गाने ते हळू हळू राजकारणात शिरकाव करत गेले.
  • बरियातू पोलीस ठाण्यामागील एका अपार्टमेंटच्या पेंट हाऊसमध्ये आयोजित केलेल्या त्यांच्या पार्टीला सत्तेतील सर्व राजकारणी उपस्थित होते.

अवैध उत्खनन प्रकरणी कारवाई सुरू आहे
अवैध उत्खननासाठी हा छापा टाकण्यात येत आहे. या प्रकरणी एजन्सीने यापूर्वीच अनेक जिल्ह्यांच्या डीएमओंना बोलावून चौकशी केली आहे. यासोबतच मुख्यमंत्र्यांच्या पत्रकार सल्लागारासह आमदार प्रतिनिधीचीही चौकशी करण्यात आली आहे. मुख्यमंत्र्यांचे आमदार प्रतिनिधी सध्या ईडीच्या कोठडीत आहेत, तर पत्रकार सल्लागाराला दोनदा बोलावून चौकशी करण्यात आली आहे.

बातम्या आणखी आहेत...