हिमाचल प्रदेशात काँग्रेसला स्पष्ट बहुमत:40 जागांवर विजय, भाजपला अवघ्या 25 जागा; 10 पैकी 8 मंत्र्यांचाही पराभव

हिमाचल प्रदेशमध्ये विधानसभेच्या 68 जागांचे निकाल आज लागणार आहेत. काँग्रेस पूर्ण बहुमताने सरकार स्थापन करण्याच्या दिशेने वाटचाल करत आहे. हिमाचलच्या जनतेने 37 वर्षांची परंपरा कायम राखल्याचे दिसून आले. 1985 नंतर राज्यात कोणत्याही पक्षाचे सरकार पुनरावृत्ती करू शकलेले नाही. त्यानंतर काँग्रेसचे सरकार होते आणि वीरभद्र सिंह मुख्यमंत्री होते. राज्यात कायम 5 वर्षांनी सरकार बदलते. यावेळीही सरकार बदलण्याचा ट्रेंड कायम राहिल्याचे पाहायला मिळत आहे.

काँग्रेसने 40 जागांवर विजय मिळवला आहे. तर 25 जागांवर भाजपला राखता आल्या आहेत. इतर उमेदवारांनी 2 जागा जिंकल्या. 'आप'ला अद्याप खाते उघडता आलेले नाही.

मुख्यमंत्री जयराम ठाकूर यांनी मुख्यमंत्रिपदाचा राजीनामा दिला आहे. निवडणुकीच्या निकालावर ते म्हणाले की, जनतेचा निकाल आम्हाला मान्य आहे. पाच वर्षांच्या सहकार्याबद्दल मी पंतप्रधान नरेंद्र मोदी आणि केंद्रीय नेतृत्वाचे आभार मानतो. राज्याच्या विकासासाठी सकारात्मक विरोधी पक्षाची भूमिका बजावू.

जयराम ठाकूर यांचे 5 मंत्री पराभूत

काँग्रेसमध्ये मुख्यमंत्र्याच्या चेहऱ्यावर चर्चा
सूत्रांनी दिलेल्या माहितीनुसार, हिमाचलमधील विजयानंतर काँग्रेसमध्ये मुख्यमंत्री पदाबाबत मंथन सुरू झाले आहे. यामध्ये हिमाचल काँग्रेसच्या अध्यक्षा प्रतिभा सिंह आणि माजी प्रदेशाध्यक्ष सुखविंदर सिंग सुखू यांच्या नावांचा विचार केला जात आहे. प्रतिभा सिंह हिमाचल प्रदेशातील मंडी येथून खासदार आहेत. हिमाचलचे माजी मुख्यमंत्री वीरभद्र सिंह यांच्या त्या पत्नी आहेत.

हिमाचलमध्ये पक्षाला घोडेबाजाराची भीती, चंदीगडला हलवणार; रायपूरमध्ये रिसॉर्टही बुक

हिमालयाच्या कुशीत वसलेल्या या डोंगराळ राज्यात काँग्रेसचे सरकार अस्तित्वात येण्याची शक्यता निर्माण झाली आहे. परिणामी, संभाव्य घोडेबाजार काँग्रेसने आपल्या सर्वच आमदारांना पक्ष मुख्यालयात येण्याचे निर्देश देण्यात आलेत. सध्या त्यांना राज्याबाहेर शिफ्ट करण्याच्या हालचाली सुरू आहेत. काँग्रेसच्या गोटातील सूत्रांच्या माहितीनुसार, पक्षश्रेष्ठींनी छत्तीगडचे मुख्यमंत्री भूपेश बघेल व हरियाणाचे माजी मुख्यमंत्री भूपेंद्र सिंह हुड्डा यांची हिमाचलच्या निरीक्षकपदी नियुक्ती केली आहे. हे दोन्ही नेते लवकरच शिमला गाठणार आहेत. त्यांच्यासोबत हिमाचलचे काँग्रेस प्रभारी राजीव शुक्लाही शिमल्याला येणार आहेत. संपुर्ण बातमी वाचण्यासाठी येथे क्लिक करा.

अपडेट्स....

सुरुवातीच्या कलानंतर काँग्रेसचे तंबू ओस पडले
मतदानानंतर काँग्रेसने ईव्हीएममध्ये गोंधळ होण्याच्या भीतीने अनेक ठिकाणी स्ट्राँग रूमच्या बाहेर तंबू ठोकले होते. ईव्हीएम स्ट्राँग रूममधून मतमोजणी केंद्रात नेल्यानंतर काँग्रेसचे हे तंबू रिकामे झाले आहेत. बिलासपूर जिल्ह्यातील घुमारवी ​​​​​​ मतदारसंघातील ​ईव्हीएम घुमारवी कॉलेजमध्ये ठेवण्यात आले होते. गुरुवारी सकाळी हा मंडप रिकामा दिसून आला.

CM ठाकूर यांचा रेकॉर्ड, सातव्यांदा जिंकले

सेराजमधून सीएम जयराम ठाकूर यांनी काँग्रेसचे चेतराम ठाकूर यांचा 20 हजारांहून अधिक मतांनी पराभव केला आहे. तर मंडी जिल्ह्यातील सुंदरनगर जागेवर भाजपचे राकेश जामवाल यांनी काँग्रेसचे सोहन लाल ठाकूर यांचा 8,125 मतांनी पराभव केला. सीएम ठाकूर यांच्या गृहजिल्ह्यात भाजप क्लीन स्वीपकडे वाटचाल करत आहे. भाजपने 10 पैकी 5 जागांवर विजय मिळवला आहे, तर उर्वरित 5 जागांवरही भाजप आघाडीवर आहे.

मतमोजणी केंद्रातील छताचा काही भाग पडल्याने ईव्हीएम तुटले, मतमोजणी थांबली
कांगडा विधानसभेची मतमोजणी थांबली आहे. दुपारी 12.15 वाजता कांगडा पॉलिटेक्निक येथील मतमोजणी केंद्रात छताचा काही भाग कोसळल्याने गोंधळ उडाला. मतमोजणी केंद्रात बसलेले मतदान कर्मचारी आणि राजकीय पक्षांचे एजंट बाहेर धावले. मतमोजणी थांबली तेव्हा कांगडा मतदारसंघात काँग्रेसचे उमेदवार सुरेंद्र काकू भाजपच्या पवन काजल यांच्या मागे होते.

टाईल्स पडल्यामुळे ईव्हीएम तुटल्याचा आरोप केला. त्यामुळे मतमोजणी मान्य करणार नाही. ज्या इमारतीच्या फरशा पडल्या त्या इमारतीचे बांधकाम दोन वर्षांपूर्वीच झाले होते. मुख्यमंत्री जयराम ठाकूर यांनी या इमारतीचे उद्घाटन केले होते.

11 पैकी 7 मंत्र्यांच्या मतदारसंघात अटीतटीची लढत
हिमाचल प्रदेशात प्रत्येक वेळी 45 ते 75 टक्के मंत्री निवडणुकीत पराभूत होण्याचा ट्रेंडही आहे. यावेळीही जयराम ठाकूर यांच्या 11 पैकी 7 मंत्र्यांच्या मतदारसंघात चुरशीची लढत पाहायला मिळणार आहे. तर दोन मंत्र्यांच्या जागाही बदलल्या आहेत. त्यामध्ये नगरविकास मंत्री सुरेश भारद्वाज यांना शिमला शहरी जागेच्या जागी कसुम्प्टी आणि कांगडा जिल्ह्यातील नूरपूर जागेच्या जागी वनमंत्री राकेश पठानिया यांना फतेहपूरमधून उमेदवारी देण्यात आली होती.

निवडणुकीसंदर्भात नेत्यांची वक्तव्ये

हिमाचल प्रदेशचे मुख्यमंत्री जयराम ठाकूर म्हणाले की, जनतेच्या जनादेशाचा आदर केला जाईल. आतापासून थोड्याच वेळात मी माझा राजीनामा राज्यपालांकडे सोपवणार आहे. नवीन सरकारचे खूप खूप अभिनंदन. हिमाचलमधील निकालापूर्वीच माजी मुख्यमंत्री वीरभद्र सिंह यांच्या पत्नी आणि हिमाचल काँग्रेसच्या अध्यक्षा प्रतिभा सिंह म्हणाल्या की, मोदीजींनी हिमाचल प्रदेशला अनेकवेळा भेट दिली. पण ते इथे कमी पडू शकतील का? राज्यात पराभव होणार हे भाजपला माहीत असल्याने पंतप्रधान मोदींनी वारंवार राज्याचा दौरा केला. काँग्रेस नेते आणि माजी प्रदेशाध्यक्ष सुखविंदर सिंग सुखू म्हणाले की, हिमाचल प्रदेशमध्ये भाजप स्वत:ला मजबूत समजत असे, पीएम मोदी आणि अमित शहा यांनी अनेकवेळा राज्याचा दौरा केला, आज काँग्रेस येथे पूर्ण बहुमताने सरकार स्थापन करणार आहे.

दैनिक भास्करचा एक्झिट पोल अचूक ठरला
दैनिक भास्करचा एक्झिट पोल हिमाचलच्या निवडणुकीत अचूक ठरला. एक्झिट पोलमध्ये भास्करने काँग्रेसला 30 ते 38 जागा दिल्यास बहुमत मिळेल असे म्हटले होते. मतमोजणीनंतर काँग्रेसला 39 जागा मिळाल्या आहेत. भाजपला 25 ते 33 जागा मिळतील, असे सांगण्यात आले. मतमोजणीत भाजपला 26 जागा मिळाल्या आहेत. अपक्षांना 1 ते 5 जागा सांगितल्या जात होत्या. मतमोजणीनंतर अपक्षांना 3 जागा मिळाल्या आहेत

11 पैकी 7 मंत्र्यांच्या मतदारसंघात चुरशीची लढत
हिमाचल प्रदेशात प्रत्येक वेळी 45 ते 75 टक्के मंत्री निवडणूक हरण्याचा ट्रेंडही आहे. यावेळीही जयराम ठाकूर यांच्या 11 पैकी 7 मंत्र्यांच्या मतदारसंघात चुरशीची लढत. दोन मंत्र्यांचे मतदारसंघही बदलण्यात आले होते. त्यामध्ये नगरविकास मंत्री सुरेश भारद्वाज यांना शिमला जागेच्या जागी कसुम्प्टी आणि कांगडा जिल्ह्यातील नूरपूर जागेच्या जागी वनमंत्री राकेश पठानिया यांना फतेहपूरमधून उमेदवारी देण्यात आली.

गेल्या चार निवडणुकांमध्ये निम्मे मंत्री पराभूत

गेल्या चार निवडणुकांचा रेकॉर्ड पाहिला तर प्रत्येक वेळी जवळपास निम्मे किंवा त्याहून अधिक मंत्री निवडणुकीत पराभूत झाले आहेत. 2017 च्या निवडणुकीत काँग्रेसचे मुख्यमंत्री वीरभद्र सिंह मंत्रिमंडळातील 11 पैकी 5 मंत्री निवडणुकीत पराभूत झाले. 2012 मध्ये भाजप सरकारमधील मुख्यमंत्री प्रेमकुमार धुमल यांच्या 10 पैकी 4 मंत्री निवडणुकीत पराभूत झाले होते. तर 2007 मध्ये वीरभद्र सिंह यांनी एक वर्ष लवकर विधानसभा निवडणुका घेतल्या. परंतु त्यांच्या मंत्रिमंडळातील 10 पैकी 6 मंत्र्यांनी आपली जागा गमावली. त्याचप्रमाणे 2003 मध्ये भाजपचे मुख्यमंत्री प्रेमकुमार धुमल यांच्या मंत्रिमंडळातील 11 पैकी 6 मंत्री जिंकू शकले नव्हते.

शिष्याकडून पराभव

आता एक्झिट पोलच्या आकडेवारीवरून हिमाचलचे निवडणुकीचे गणित समजून घ्या...

भास्करच्या एक्झिट पोलमध्ये तुल्यबळ लढत

2017 च्या निवडणुकीत, भाजपने 68 पैकी 44 जागा जिंकून स्पष्ट बहुमत मिळवले होते. परंतु मुख्यमंत्री प्रेमकुमार धुमल यांचा पराभव झाला. हमीरपूर जिल्ह्यातील सुजानपूर मतदारसंघात धुमल यांचा त्यांच्याच एकेकाळी शिष्य राहिलेला राजेंद्रसिंह राणा यांनी 1 हजार 919 मतांनी पराभव केला होता. निवडणुकीपूर्वी भाजप सोडून काँग्रेसमध्ये दाखल झालेल्या राणा यांची ही पहिलीच विधानसभा निवडणूक होती. त्यानंतर धुमल यांनी आपली पारंपरिक हमीरपूरची जागा सोडली आणि सुजानपूरमधून निवडणूक लढवली. धुमल यांचा 1984 नंतर निवडणुकीत झालेला हा पहिलाच पराभव होता. धुमल हे केंद्रीय मंत्री अनुराग ठाकूर यांचे वडील आहेत.

दैनिक भास्करच्या एक्झिट पोलनुसार हिमाचलमध्ये काँग्रेसला 30 ते 38 जागा मिळू शकतात. 68 जागांच्या हिमाचल विधानसभेत बहुमतासाठी कोणत्याही पक्षाला 35 जागांची गरज आहे. भाजपही काँग्रेसच्या मागे नाही. 25 ते 33 जागा मिळू शकतात. अपक्षांना 1 ते 5 जागा मिळण्याची शक्यता आहे. मतमोजणीनंतर काँग्रेस किंवा भाजपला पूर्ण बहुमत न मिळाल्यास अपक्ष किंगमेकरची भूमिका बजावू शकतात.

जनमत चाचणीत भाजप बहुमताच्या जवळ
दोन दिवसांपूर्वी आलेल्या 8 एक्झिट पोलच्या सर्वेक्षणानुसार हिमाचलमध्ये भाजप आणि काँग्रेसमध्ये निकराची लढत असल्याचे सांगण्यात आले आहे. या सर्वेक्षणांमध्ये भाजप 32 ते 40 च्या दरम्यान म्हणजेच बहुमताच्या जवळ दिसत आहे. मात्र, चार सर्वेक्षणांमध्ये काँग्रेस पक्षही बहुमताच्या आसपास कुठेतरी दिसत आहे. यावेळी हिमाचलमध्ये विधानसभेच्या 68 जागांसाठी 412 उमेदवार रिंगणात आहेत, मात्र येथे मुख्य लढत भाजप आणि काँग्रेसमध्ये आहे.

एकूणच या सर्व सर्वेक्षणात काँग्रेसला 27 ते 40 जागा मिळत आहेत. त्याचबरोबर आम आदमी पक्षाचे खातेही उघडले नसल्याचे दिसत नाही. एकूणच या 8 सर्वेक्षणांपैकी फक्त दोन एजन्सींनी आपचे खाते उघडल्याचे दाखवले आहे.

पोल ऑफ पोल म्हणजेच या आठ सर्वेक्षणांच्या सरासरी आकड्यानुसार, यावेळी भाजपला 33, काँग्रेसला 26, अपक्ष 2 आणि आम आदमी पक्षाला 2 जागा मिळतील असे वाटत नाही. 2017 च्या विधानसभेत 68 जागांपैकी भाजपने 44 आणि काँग्रेसने 21 जागा जिंकल्या. इतरांना तीन जागा गमवाव्या लागल्या.

2017 चा एक्झिट पोल निकालाच्या जवळपास होता
2017 च्या निवडणुकीत भाजपने हिमाचल विधानसभेच्या 68 पैकी 44 जागा जिंकल्या होत्या. तर काँग्रेसला 21 जागा मिळाल्या होत्या. भाजपने जयराम ठाकूर यांना मुख्यमंत्री केले होते. त्यानंतर 6 एजन्सींनी त्यांच्या सर्वेक्षणात भाजप बहुमताने सरकार स्थापन करेल असे भाकीत केले होते. हा अंदाज खरा ठरला.

मनोरंजक माहिती...

विजयानंतर पुढे काय?

भाजपमध्ये मुख्यमंत्री कोण होणार
भाजपने पुन्हा निवडणूक जिंकली तर मुख्यमंत्री कोण होणार हा सर्वात मोठा प्रश्न आहे. मात्र, पक्षातील चेहऱ्याबाबत अद्याप कोणतीही चर्चा झालेली नाही. त्यामुळे भाजपचा विजय झाल्यास जयराम ठाकूर मुख्यमंत्री होणार हे जवळपास निश्चित आहे. मात्र, केंद्रीय मंत्री अनुराग ठाकूर यांना मुख्यमंत्री करण्याची चर्चा आहे. पण त्याची शक्यता कमी दिसते.

काँग्रेसमध्ये मुख्यमंत्रीपदासाठी 6 दावेदार
वीरभद्र सिंह यांच्या निधनानंतर हिमाचलमधील ही पहिलीच विधानसभा निवडणूक आहे. त्यांच्या अनुपस्थितीत, निकाल लागण्यापूर्वीच काँग्रेसमधील अर्धा डझन नेते स्वत:ला मुख्यमंत्रीपदाचे दावेदार म्हणवत आहेत. यामध्ये नादौन मतदारसंघातून सुखविंदर सिंग सुखू, हरोलीमधून मुकेश अग्निहोत्री, द्रांगमधून कौल सिंह ठाकूर, श्रीनैना देवीजीमधून रामलाल ठाकूर, सोलनमधून कर्नल धनीराम शांडिल आणि डलहौसीमधून आशा कुमारी यांचा समावेश आहे.